សម្រាប់​លោក​អ្នក​មួយ​ចំនួន​ប្រហែល​ជា​ធ្លាប់​បាន​ប្រើ​រួច​មក​ហើយ​នូវ​ Windows 8 ​ដែល​យើង​ទទួល​ស្គាល់​ថា​មាន​លក្ខណ​ពិសេស​ជាច្រើន​សម្រាប់​ការ​ប្រើប្រាស់។​ នៅ​ពេល​នេះ​ក្រុមហ៊ុន​ Microsoft ដែល​ជា​ក្រុមហ៊ុន​យក្ស​មួយ​ខាង​ផ្នែក​ Software ​បាន​ត្រៀម​នូវ​ Windows ជំនាន់​ថ្មី​មួយ​ទៀត​គឺ​ Windows Blue ឬ Windows 8.1 ដែល​នឹង​អាច​បង្ហាញ​ខ្លួន​ឡើង​នៅ​ចុង​ឆ្នាំ​ដ៏​ខ្លី​ខាង​មុខ​នេះ។

នៅ​ពេល​នេះ​ផង​ដែរ​ Microsoft ​បាន​បញ្ជាក់​នូវ​ដំណឹង​ល្អ​មក​ថា​ ក្រុមហ៊ុន​នឹង​បញ្ចេញ​នូវ​ Windows Blue Public Preview ​នៅ​ចុង​ខែ​មិថុនា​ ខាង​មុខ​នេះ​ដើម្បី​ធ្វើការ​សាកល្បង​ជាមុន។​ ដូច្នេះ​យើង​សង្ឃឹម​ថា​នឹង​អាច​ដឹង​ពី​លក្ខណ​ពិសេស​របស់​ Windows Blue ​នា​ពេល​ឆាប់ៗ​នេះ។​ គួរ​បញ្ជាក់​ផង​ដែរ​ថា​ មក​ដល់​ត្រឹម​ខែ​មេសា​នេះ Microsoft ​បាន​ប្រកាស​ពី​តួលេខ​នៃ​ការ​លក់​ Windows 8 ដែល​មាន​កម្មសិទ្ធិ​បញ្ញា (License) របស់​ខ្លួន​ថា​បាន​ចំនួន ១០០លាន licenses ហើយ៕