នៅ​ថ្ងៃ​ពុធ​ ទី១៥​នេះ​ ក្រុមហ៊ុន​ Apple ​បាន​ប្រកាស​ពី​ការ​រាប់​ថយ​ក្រោយ​នៅ​លើ​វិបសាយ​របស់​ក្រុមហ៊ុន​ Apple ​ត្រូវ​បាន​បញ្ឈប់​ ដោយ​បង្ហាញ​ថា​ការ​លក់​កម្មវិធី​របស់​ក្រុមហ៊ុន​បាន​កើន​លើស ​50​ពាន់​លាន​នៃ​ការ​ទាញ​យក។​ សំខាន់​នោះ​គឺ​វា​មាន​រយៈពេល​ត្រឹម​តែ ​១៤ខែ​ ប៉ុណ្ណោះ​បន្ទាប់​ពី​ក្រុមហ៊ុន​ Apple ​បាន​ប្រកាស​ពី​ការ​ទាញ​យក​ចំនួន​ 25 ពាន់​លាន​កម្មវិធី​ពី App Store ​ដ៏​មាន​ប្រជាប្រិយភាព​របស់​ខ្លួន។​ ក្រុមហ៊ុន​ Apple ​បាន​បើក​ដំណើរ​ការ​ App Store នេះ​កាល​ពី​ខែ​កក្កដា​ឆ្នាំ 2008 ​កន្លង​ទៅ​ ហើយ​ការ​ទាញ​យក​បាន​កើន​ឡើង​ឥត​ឈប់ឈរ​ក្នុង​រយៈពេល​ប្រាំ​ឆ្នាំ​មក​នេះ។ ​ប្រវត្តិសាស្ត្រ​សំខាន់​ជា​លើក​ដំបូង​របស់​ក្រុមហ៊ុន​នេះ​គឺ​នៅ​ក្នុង​ខែ​មករា​ ឆ្នាំ 2011 ​គឺ​នៅ​ពេល​ដែល App Store ​កើន​លើស​ 10 ​ពាន់​លាន​នៃ​ការ​ទាញយក​ ហើយ​ទទួល​បាន​ការ​ទាញ​យក 25 ពាន់​លាន​នៅ​ចុង​ខែមីនា​ កន្លង​ទៅ។​ ក្រុមហ៊ុន ​Apple​ នឹង​ផ្តល់​រង្វាន់​លើក​ទឹក​ចិត្ត​ចំពោះ​បុគ្គល​ដែល​បាន​ទាញ​យក​កម្មវិធី​ទី​ 50 ពាន់​លាន​នាក់​ នូវ​ប័ណ្ណ​ដែល​មាន​ទឹក​ប្រាក់​ $ 10,000 សម្រាប់​ទិញ​កម្មវិធី​នៅ​លើ​ App Store ​ហើយ​សម្រាប់​អ្នក​ទាញយក​ដែល​ជាប់​លំដាប់​បន្តបន្ទាប់​ចំនួន​ 50 នាក់​នឹង​ទទួល​បាន​ប័ណ្ណ​ដែល​មាន​ទឹក​ប្រាក់​ចំនួន​ $ 500។​ ប៉ុន្តែ​ Apple ​នៅ​មិន​ទាន់​បាន​ប្រកាស​ពី​ឈ្មោះ​អ្នក​ដែល​ឈ្នះ​រង្វាន់​ទាំងអស់​នោះ​នៅ​ឡើយ​ទេ៕