ក្រុមហ៊ុន​ Sony ហាក់​បី​ដូច​ជា​មាន​ការ​មមាញឹក​ខ្លាំង​ណាស់​ក្នុង​ការ​ងារ​ផលិត​ទូរស័ព្ទទំនើប​ ព្រោះថា​បន្ទាប់​ពី​ក្រុមហ៊ុន​​​បាន​ចេញ​លក់​ទូរស័ព្ទទំនើប Xperia Z និង Xperia ZL រួច​មក​ ក្រុមហ៊ុន​ជប៉ុន​មួយ​នេះ​ក៏​បាន​ប្រកាស​ចេញ​ជា​បន្តបន្ទាប់​ទៀត​នូវ​ទូរស័ព្ទទំនើប Xperia L, Xperia SP និង Xperia ZR ។

មិ​ន​ត្រឹម​តែ​ប៉ុណ្ណោះ​ទេ​កាល​ពី​ពេល​ថ្មីៗ​នេះ ទូរស័ព្ទទំនើប​ដែល​មិន​ទាន់​ត្រូវ​បាន​ប្រកាស​ចេញ​ជា​ផ្លូវការ​នៅ​ឡើយ​មួយ​ម៉ូដែល​ទៀត​ត្រូវ​បាន​​លេច​ចេញ​ពី​ប្រភព​ចចាមអារ៉ាម​ ទូរស័ព្ទទំនើប​នោះ​ត្រូវ​បាន​គេ​ស្គាល់​ថា​ Xperia i1 Honami ។ ដោយឡែក​សម្រាប់ពេល​នេះ​មាន​​ទូរស័ព្ទទំនើប​ដែល​ឋិត​ក្នុង​ខ្សែស្រឡាយ​ Xperia មួយ​ម៉ូដែល​ទៀត​ហើយ​ត្រូវ​បាន​​​បង្ហាញ​នៅ​លើ​បណ្ដាញ​អ៊ីនធឺណិត ទូរស័ព្ទទំនើប​​នោះ​ត្រូវ​បាន​គេ​ស្គាល់​ឈ្មោះ​ថា Xperia UL និង​មាន​ឈ្មោះ​កូដ​ថា ‘Gaga’ ។ បើ​យោង​តាម​ប្រភព​ចចាមអារ៉ាម​​បាន​ឲ្យ​ដឹង​ខ្លះៗ​ថា​ទូរស័ព្ទ Sony Xperia UL មាន​លក្ខណសម្បត្តិ​បច្ចេកទេស​មួយ​ចំនួន​ដូច​ជា៖ CPU Quad-core Snapdragon 600, RAM 2 GB កម្រិតភាពច្បាស់ 1,080p (Full HD) និង​ថាមពល​ថ្ម 2,300mAh ។

ប្រភព​ពី​ gsmarena ក៏បាន​​សន្និដ្ឋាន​​ដែរ​ថា​ទូរស័ព្ទនេះ​អាច​នឹង​បំពាក់​ដោយ​បច្ចេកវិទ្យា​ការពារ​ការ​ជ្រាប​ទឹក និង​ ធូលី (water and dust proof) ផង​ដែរ ។ ចំពោះ​លក្ខណសម្បត្តិ​ពិត​យ៉ាង​ណា​នោះ សូម​ប្រិយមិត្ត​រង់ចាំ​តាមដាន​​ការ​បញ្ជាក់​ដោយ​ពី​ក្រុមហ៊ុន​​ជា​មួយ​ ដំណឹង៧  ៕