ទូរស័ព្ទ Konka V981 បំពាក់ដោយបច្ចេកវិទ្យាសំគាល់ក្រយៅដៃ (Fingerprint Scanner)
ដូចអ្វីដែលប្រិយមិត្តធ្លាប់ដឹងហើយថាមកទល់ពេលនេះក្រុមហ៊ុនល្បីៗដូចជា Apple និង Samsung ជាដើមនោះ មិនទាន់បានបំពាក់បច្ចេកវិទ្យាសំគាល់ក្រយៅដៃទៅលើទូរស័ព្ទទំនើបរបស់ខ្លួននៅឡើយទេ ។ អ្វីដែលមិត្តអ្នកអានបានឮនោះគឺគ្រាន់តែជាពាក្យចចាមអារ៉ាម ឬក៏ជាការវិភាគរបស់អ្នកវិភាគមួយចំនួនប៉ុណ្ណោះថា៖ iPhone 5S អាចនឹងត្រូវបំពាក់ដោយបច្ចេកវិទ្យាសំគាល់ក្រយៅដៃ (fingerprint sensor), iPhone 6 អាចនឹងត្រូវបំពាក់ដោយបច្ចេកវិទ្យាសំគាល់ក្រយៅដៃ (fingerprint sensor) និង ពាក្យចចាមអារ៉ាមថា Samsung នឹងបំពាក់បច្ចេកវិទ្យាសំគាល់ក្រយៅដៃលើ Galaxy ជំនាន់ក្រោយ ។
វាពិតជាគួរឲ្យមានការចាប់អារម្មណ៍ខ្លាំងណាស់ដែលក្រុមហ៊ុនអេឡិចត្រូនិករបស់ចិនមួយឈ្មោះថា Konka បានប្រកាសចេញនូវទូរស័ព្ទទំនើបរបស់ខ្លួនមួយម៉ូដែលជាមួយនឹងលក្ខណសម្បត្តិបច្ចេកទេសដ៏ពិសេសដែលទូរស័ព្ទទំនើបផ្សេងៗរួមទាំង iPhones និង ខ្សែស្រឡាយ Samsung Galaxy S មិនធ្លាប់មានពីមុនមក ។ ទូរស័ព្ទដ៏ថ្មីសន្លាងនោះគឺ Konka V981 ដែលមានលក្ខណសម្បត្តិបច្ចេកទេសដូចខាងក្រោម៖
- អេក្រង់ទំហំ 4.8-inch
- បច្ចេកវិទ្យាអេក្រង់ Super AMOLED
- CPU Quad-core 1.2GHz ឬ 1.5GHz
- អង្គផ្ទុកទិន្នន័យជាប់ម៉ាស៊ីនទំហំ 16 GB និង 32 GB
- កាមេរ៉ាទំហំ 13 MP
- ដំណើរការដោយ Android 4.2 Jelly Bean
- ថាមពលថ្ម 2,200mAh
បញ្ជាក់៖ ក្រុមហ៊ុន Konka នឹងបើកឲ្យអតិថិជនបញ្ជាទិញទូរស័ព្ទ Konka V981 នៅថ្ងៃទី០៣ ខែមិថុនា ខាងមុខនេះ តម្លៃប្រហែល $243 (តម្លៃនៅចិន) ។ បើពិនិត្យលើរូបរាងនិងលក្ខណសម្បត្តិបច្ចេកទេសរបស់ទូរស័ព្ទទំនើបនេះ វាពិតជាល្អប្រសើរ សូមប្រិយមិត្តរង់ចាំសាកសួររកទូរស័ព្ទនេះនៅតាមហាងលក់ទូរស័ព្ទនានាក្នុងរាជធានីភ្នំពេញ ៕
