Sony Vaio ជា​​ខ្សែស្រឡាយ​កុំព្យូទ័រយួរដៃ​​ដ៏​ឆ្នើម​របស់​ក្រុមហ៊ុន​ Sony ហើយ​បើយោង​តាម​សេចក្ដីរាយការណ៍​របស់​គេហទំព័រ CNET.com ដែល​ចុះផ្សាយ​នៅ​ថ្ងៃ​នេះ​បាន​ឲ្យ​ដឹង​ក្រុមហ៊ុន Sony ទើប​តែ​បាន​ប្រកាស​ចេញ​នូវ​ខ្សែស្រឡាយ Sony Vaio ចំនួន​ពីរ​ម៉ូដែល​ទៀត​គឺ Sony Vaio Tit 14 (អេក្រង់​14-inch) និង Sony Vaio Fit 15 ។

កុំព្យូទ័រ​ទាំង​ពីរ​ម៉ូដែល​នេះ​​ត្រូវ​បាន​​បង្កើត​ឡើង​​ជា​ពិសេស​សម្រាប់​អ្នក​ប្រើប្រាស់​ដែល​​ជា​សិស្ស និស្សិត និង​​ អ្នក​ជំនួញ ដែល​ចង់​បាន​កុំព្យូទ័រ​យួរដៃ​ដែល​រចនា​ឡើង​យ៉ាង​ពិសេស​ ហើយ​ថែម​ទាំង​មាន​​តម្លៃ​ទាប​ទៀត​នោះ ។ លក្ខណសម្បត្តិ​បច្ចេកទេស​​ខ្លះៗ​របស់​ Sony Vaio Fit 14​ មាន​ដូច​ជា​៖ កម្រិត​ភាព​ច្បាស់​ 1,600 x 900 pixels, បច្ចេកវិទ្យា NFC, CPU Core i5, អេក្រង់​ Touch screen (10-point touch) និង​​ មាន​តួ​ធ្វើ​ពី​អាលុយមីញ៉ូម រីឯ Sony Vaio Fit 15 មាន​លក្ខណសម្បត្តិ​បច្ចេកទេស​ដូច​ជា៖ កម្រិត​ភាព​ច្បាស់ 1,920 x 1,080 pixels (Full HD), ប្រើ​បច្ចេកវិទ្យាអេក្រង់ Multi-Touchscreen, CPU Core i5, RAM 8 ចំពោះ​លក្ខណសម្បត្តិ​លម្អិត​ជាង​នេះ​ទៀត​នោះ​ មិន​មាន​ប្រភព​ណា​បញ្ជាក់​នោះ​ទេ ។

សូម​បញ្ជាក់​ថា​ Sony Vaio Fit 14 និង Sony Vaio​ Fit 15 នឹង​ត្រូវ​បញ្ចេញ​ទៅ​លើ​ទីផ្សារ​​នា​ចុង​ខែឧសភា​នេះ​ ដោយ​លក់​ក្នុង​តម្លៃ $649 និង $699 រៀង​គ្នា ៕