ទូរស័ព្ទទំនើប Sharp AQUOS 206SH ត្រូវបានប្រកាសចេញជាផ្លូវការ
តើប្រិយមិត្តធ្លាប់ឃើញផលិតផលទូរស័ព្ទរបស់ក្រុមហ៊ុន Sharp ដែរឬទេ? លោកអ្នកប្រហែលជាមិនធ្លាប់ឮទេ ព្រោះថាផលិតផលគ្រឿងអេឡិចត្រូនិករបស់ក្រុមហ៊ុនមួយនេះដែលប្រិយមិត្តភាគច្រើនធ្លាប់បានស្គាល់នោះមានដូចជា៖ ទូរទស្សន៍ ម៉ាញេ ម៉ាស៊ីនត្រជាក់ ទូរទឹកកក និងផលិតផលអេឡិចត្រូនិកជាច្រើនមុខទៀត ប៉ុន្តែអ្វីដែលប្រិយមិត្តមិនធ្លាប់បានឃើញនោះគឺ ទូរស័ព្ទ ។
តាមពិតទៅក្រុមហ៊ុន Sharp ធ្លាប់បានចេញទូរស័ព្ទទំនើបជាច្រើនម៉ូដែលរួចមកហើយនិងទទួលបានការពេញនិយមច្រើនពីសំណាក់អ្នកប្រើប្រាស់នៅក្នុងប្រទេសជប៉ុនដែលជាទឹកដីកំណើតរបស់ខ្លួននោះ ។ ដោយឡែកកាលពីថ្ងៃម្សិលមិញនេះក្រុមហ៊ុន Sharp បានប្រកាសចេញនូវទូរស័ព្ទទំនើបដ៏ថ្មីសន្លាងមួយម៉ូដែលទៀតគឺ Sharp AQUOS 206SH ដែលមានលក្ខណសម្បត្តិបច្ចេកទេសដូចខាងក្រោម៖
- អេក្រង់ទំហំ 5-inch
- កម្រិតភាពច្បាស់ 1,080p Full HD
- CPU Quad-core 1.7GHz (Snapdragon S4 Pro) ឬអាចមានជម្រើស CPU Octa-core
- RAM 2 GB
- កាមេរ៉ាក្រោយទំហំ 13.1 MP និង កាមេរ៉ាមុខ 2.07 MP
- ដំណើរការដោយ Android 4.2 Jelly Bean
- រចនាឡើងយ៉ាងពិសេសការពារការជ្រាបទឹក (អាចឋិតក្នុងទឹកជម្រៅ ១ម៉ែត្រ បានរយៈពេល ៣០ នាទី)
- ថាមពលថ្ម 3,080mAh
បញ្ជាក់៖ ក្រុមហ៊ុន Sharp នឹងចាប់ផ្ដើមចេញលក់ទូរស័ព្ទ AQUOS 206SH នៅចុងខែមិថុនា ខាងមុខនេះ ប៉ុន្តែចំពោះតម្លៃក្រុមហ៊ុនមិនទាន់បង្ហើបឲ្យដឹងនៅឡើយទេ ៕
