ប្រាំពីរនាក់ក្នុងចំណោម១០នាក់ ដែលលេងវីដេអូហ្គេម បានងាកទៅលេងហ្គេមនៅលើអនឡាញនេះ បើយោងតាមការស្រាវជ្រាវ កាលពីពេលថ្មីៗនេះ។

លទ្ធផលនៃការស្រាវស្រាវរបស់ NPD Group បានឲ្យដឹង ក្នុងចំណោមមនុស្សដែល និយមលេងវីដេអូមាន ៧២ភាគរយ បានផ្លាស់ប្ដូរបទពិសោធពីការ លេងហ្គេមនៅលើឧបករណ៍ហ្គេម ទៅលេងនៅហ្គេមជាលក្ខណៈ អនឡាញលើ Internet វិញ។

ក្រុមស្រាវជ្រាវបានឲ្យដឹង អ្នកលេងហ្គេមបានចាប់ផ្ដើម ចាប់អារម្មណ៍នឹងការលេងហ្គេមតាមរយៈ អនឡាញចាប់ពីចុងឆ្នាំ ២០១២ ហើយកើនឡើងខ្ពស់នៅដើមឆ្នាំ ២០១៣។

តំណាង NPD Group បានឲ្យដឹងថា អ្នកលេងហ្គេមបានចំណាយពេល ២ភាគ៣ នៃពេលវេលាសម្រាប់លេងហ្គេម ទៅលេងហ្គេមអនឡាញវិញ៕