ចោរលួចម៉ាញ៉េតូត្រូវសមត្ថកិច្ចក្របួចបាន
រាជធានីភ្នំពេញ ៖ ជនសង្ស័យចោរលួចម្នាក់ត្រូវសមត្ថកិច្ចឃាត់ខ្លួន បន្ទាប់ពីជននេះធ្វើសកម្មភាពលួចម៉ាញ៉េតូម៉ូតូវីវ៉ាមួយគ្រឿងកាលពីវេលាម៉ោង១ និង២៥នាទីរសៀល ថ្ងៃទី២៩ ឧសភា ២០១៣ នៅចំណុចភូមិត្រពាំងឈូក សង្កាត់ទឹកថ្លា ខណ្ឌសែនសុខ ។ ជនសង្ស័យត្រូវបានគេស្គាល់ឈ្មោះម៉ៅ វុទ្ធី ភេទប្រុស អាយុ១៧ឆ្នាំ ស្នាក់នៅសង្កាត់ស្ទឹងមានជ័យ ខណ្ឌមានជ័យ ក្រោយពីកើតហេតុ ជនសង្ស័យត្រូវបានសមត្ថកិច្ចនាំទៅប៉ុស្តិ៍នគរបាលទឹកថ្លាចាត់ការតាមនីតិវិធី ៕ដោយ កោះសន្តិភាព
