លេចចេញរូប Nokia Lumia ’Catwalk’ ជាលើកដំបូង
ដោយឡែកថ្ងៃនេះយើងទើបតែទទួលបានរូបភាពដំបូងរបស់ទូរស័ព្ទ Nokia Lumia ‘Catwalk’ ដែលត្រូវបានលេចចេញតាមរយៈបណ្ដាញសង្គមរបស់ចិនឈ្មោះ Sina Weibo ។ ជាមួយនឹងរូបទាំងពីរនៃទូរស័ព្ទ Nokia Lumia ‘Catwalk’ គេអាចមើលឃើញយ៉ាងច្បាស់ពីរូបរាងខាងមុខនៃកាមេរ៉ា បូករួម LED flash របស់ទូរស័ព្ទ ហើយក្រៅពីនេះគេក៏អាចមើលដឹងពី key បញ្ជាសំឡេង រន្ធសម្រាប់ SIM រន្ធសម្រាប់កាស និងរន្ធសម្រាប់ micro USB ដែលមាននៅជាប់នឹងទូរស័ព្ទផងដែរ ។ ចំពោះផ្នែកខាងក្រោមនៃទូរស័ព្ទវិញគឺត្រូវបានបំពាក់ដោយឧបករណ៍ បំពងសំឡេង (speaker) ។
សូមបញ្ជាក់ថា មិនមានប្រភពមួយណាហ៊ានអះអាងពីលក្ខណសម្បត្តិបែបបច្ចេកទេសនៃ ទូរស័ព្ទ Nokia Lumia ‘Catwalk’ នោះនៅឡើយទេ តែយ៉ាងណាមិញជាមួយនឹងប្រព័ន្ធប្រតិបត្តិការ Windows Phone 8 គេជឿថា កាមេរ៉ារបស់ទូរស័ព្ទនេះក៏នឹងត្រូវបំពាក់ដោយបច្ចេកវិទ្យា PureView ផងដែរ ។ ក្រៅពីនេះបើយោងទៅតាមប្រភពពី ubergizmo បានឲ្យដឹងថា ទូរស័ព្ទ Nokia Lumia ‘Catwalk’ នឹងមានទម្ងន់ស្រាលជាង Lumia 920 ចំនួន 50 grams និងស្ដើងជាងចំនួន 2.3 mm ហើយទូរស័ព្ទនេះនឹងត្រូវក្រុមហ៊ុន Nokia ប្រកាសចេញជាផ្លូវការនាថ្ងៃទី១៥ ខែក្រោយនេះហើយ ។ ដូច្នេះយើងនឹងរង់ចាំតាមដានព័ត៌មានពីទូរស័ព្ទនេះនាពេលក្រោយៗ ទៀត ៕
ប្រភព
