ប្រជុំវីឌីអូវ៉ែនតា Google Glass ដែលពេញនិយម
ថ្មីៗនេះប្រិយមិត្តទើបតែទទួលបានព័ត៌មានពីលក្ខណសម្បត្តិបែបបច្ចេកទេសរបស់វ៉ែនតា Google Glass និងក៏បានដឹងពីគ្រឿងបន្ទាប់បន្សំផ្សេងៗដែលនឹងត្រូវភ្ជាប់មកជាមួយនឹងវ៉ែនតានេះផងដែរ ។ សូមបញ្ជាក់ថា Google Glass គឺមិនមែនជាផលិតផលដូចជាវ៉ែនតាទូទៅនោះទេ តែវ៉ែនតានេះត្រូវបានបំពាក់ដោយគ្រឿងបច្ចេកវិទ្យាថ្មីៗជាច្រើនដែលធ្វើឲ្យវាមានលក្ខណសម្បត្តិយ៉ាងពិសេសគួរឲ្យទាក់ទាញ ដូចជា មាននូវកាមេរ៉ាថតរូប ឧបករណ៍បញ្ចេញសំឡេង ឧបករណ៍បង្ហាញរូប ហើយនៅពេលខាងមុខវាអាចនឹងមានកម្មវិធីជាច្រើនដែលអាចនឹងដំណើរការនៅលើនោះផងដែរ ។
យ៉ាងណាមិញក្នុងការសម្រេចបានជាលើកដំបូង នូវវ៉ែនតា Google
Glass Explorer Edition សម្រាប់អ្នកសរសេរកម្មវិធី វ៉ែនតានេះគឺមានតម្លៃរហូតដល់ទៅ $1,500 ឯណោះ ហើយថ្មីៗនេះមានប្រភពព័ត៌មានជាច្រើនបានអះអាងថា ចំពោះវ៉ែនតា Google Glass គឺមិនអាចចេញលក់សម្រាប់មនុស្សទូទៅនៅក្នុងឆ្នាំនេះទេ គឺប្រហែលជាត្រូវពន្យារពេលរហូតដល់ឆ្នាំ២០១៤ ទើបមនុស្សទូទៅអាចប្រើបាន ។ ដោយឡែកចំពោះវីឌីអូខាងក្រោមទាំងប៉ុន្មានគឺសុទ្ធតែជាវីឌីអូដែលទទួលបានការចាប់អារម្មណ៍ជាច្រើននៅលើបណ្ដាញអ៊ីនធឺណិត ដែលវីឌីអូមួយចំនួនគឺថតចេញពីវ៉ែនតា Google Glass និងមួយចំនួនទៀតគឺជាគម្រោងដំបូងរបស់ក្រុមហ៊ុន ក៏ដូចជាការណែនាំពីមុខងារប្រើប្រាស់ជាដើម ។ ដូច្នេះដើម្បីស្គាល់នូវវ៉ែនតា Google Glass ឲ្យកាន់តែច្បាស់សូមប្រិយមិត្តចូលរួមទស្សនាវីឌីអូខាងក្រោមទាំងអស់គ្នា !…
វីឌីអូប្រជុំអ្នកប្រគំតន្ត្រីថតដោយ Google Glass តាមរយៈតន្ត្រីករនីមួយៗរួចយកមកបញ្ចូលជាវីឌីអូតែមួយ៖
ការបង្ហាញ Fashionistas ដែលបានធ្វើឡើងនៅក្នុងកម្មវិធី New York Fashion Week តាមរយៈ Google Glass ៖
វីឌីអូបង្ហាញពីការលេងបំលាស់ទីនៃ Cube របស់ Rubik ប្រកបដោយភាពជោគជ័យក្នុងរយៈពេល ៣០ វិនាទីថតដោយ Google Glass រួចបោះទៅកាន់ Youtube ៖
វីឌីអូដំណើរផ្សងព្រេងរបស់អ្នកថតរូប ថតដោយ Google Glass ៖
វីឌីអូការកម្សាន្តជិះរថភ្លើងលើអាកាសនៅ Disney World ថតដោយវ៉ែនតា Google Glass ៖
ភាពអស្ចារ្យរបស់ Google Glass ដែលស្ទើរតែមិនគួរឲ្យជឿ៖
វីឌីអូគម្រោងដំបូងរបស់ Gogle Glass ឬហៅថា One day…៖
តាមរយៈវីឌីអូខាងលើទាំងអស់យើងឃើញថា Google Glass ពិតជាមានភាពអស្ចារ្យ ប៉ុន្តែផលិតផលនេះនៅតែត្រូវការទូរស័ព្ទទំនើបដើម្បីដំណើរការបាន ដូច្នេះប្រសិនបើនាពេលខាងមុខវ៉ែនតា Google Glass អាចនឹងបំពាក់ដោយ GPS និង 3G ដែលអាចដំណើរការបានដោយខ្លួនឯងដោយមិនចាំបាច់ភ្ជាប់ទៅកាន់ទូរស័ព្ទទំនើប តើវានឹងក្លាយជាឧបករណ៍ដ៏ទំនើបបំផុតសម្រាប់ពិភពលោកដែរឬទេ? ៕
