ភ្នំពេញ៖ ក្រោយពីចេញមុខប្រកាសឲ្យមហាជន ដឹងជាសារធារណៈ អំពីការបែកបាក់ចំណងស្នេហ៍ ដែលធ្លាប់សាងឡើងរួមគ្នា ជាមួយបុរសជនជាតិកូរ៉េ
មកនោះពេល នេះតារាសម្តែងវ័យ ២៦ ឆ្នាំសាច់ស មាស សម្ផស្ស កំពុងតែធ្វើឲ្យបុរសៗជាច្រើន ជ្រួលជ្រើម ចង់បានបេះដូងយកទៅឃុំគ្រង ធ្វើជាម្ចាស់ជំនួស ដំបៅស្នេហ៍ចាស់។

មុននេះមហាជនទូទៅបានដឹង យ៉ាងច្បាស់គ្រប់គ្នាថា តារាសម្តែងស្រីនាង មាស សម្ផស្ស បានផ្តើមសាងស្នេហ៍ ជាមួយបុរសជនជាតិកូរ៉េ ឈ្មោះគឹម លី
ជាច្រើនឆ្នាំ។ ប៉ុន្តែក្រោយមកចំណងស្នេហ៍ របស់អ្នកទាំងពីរ ក៏ត្រូវបានបែកបាក់ ទៅវិញទាំងនៅកណ្តាលទី ដោយពុំមាននរណាម្នាក់បានដឹង
មូលហេតុពិតពីការកាត់ផ្តាច់ ចំណងស្នេហ៍ប្រេះឆានេះឡើយ។

ខណៈ ដែលចំណងស្នេហ៍ ជាមួយបុរសកូរ៉េត្រូវបានចែកផ្លូវគ្នា ដើររៀងៗខ្លួនមិនទាន់ និងបានប៉ុន្មានផង ក៏ធ្លាយព័ត៌មានថ្មីមកថា កញ្ញា មាស សម្ផស្ស បានលួចបង្កាត់ភ្លើងស្នេហ៍ ជាថ្មីជាមួយបុរសម្នាក់ ដែលជាអ្នកនៅក្នុង រង្វល់សិល្បៈដូចគ្នា។ តែទោះជាយ៉ាងណា ព័ត៌មាននេះត្រូវបាន
មាស សម្ផស្ស ចេញមុខមកដិសេធភ្លាមៗផងដែរ។

ថ្វីត្បិតតែរឿងចាស់បានកន្លងហួស ទៅបាត់ក៏ពិតមែនតែរឿងថ្មី ចេះតែកើមានឡើង មកប្រកៀកប្រកិត ជាមួយគ្នាជាថ្មីហូរហែរមិនចេះចប់ មិនចេះហើយដដែលៗ។ ជាងនេះទៅទៀតនោះក៏ស្រាប់តែ លេចឮព័ត៌មានថ្មីមួយទៀតមកថា កញ្ញា មាស សម្ផស្ស ពេលនេះកំពុងតែមាន បុរសអាណិកជនខ្មែរ រស់នៅសហរដ្ឋអាមេរិកម្នាក់ តាមលួងលូមសុំស្អំបេះដូងជាថ្មី។

ប្រភពព័ត៌មានពីអ្នកជិតដិត តារាស្រីរូបនេះបានលួចទម្លាយថា បុរសអាណិកជនខ្មែរ នៅក្រៅស្រុកម្នាក់នេះ មានបំណងរៀបការ ជាមួយកញ្ញា មាស
សម្ផស្ស ហើយក៏ចង់ធានាយកនាង ទៅរស់នៅឯសហរដ្ឋអាមេរិកជាមួយផងដែរ។ បើតាមប្រភពខាងលើបានឲ្យដឹងទៀតថា បុរសម្នាក់នេះមានវ័យ ប្រហែលជា៤០ឆ្នាំ។ដូច្នេះ Domneng7 រង់ចាំស្វាគមន៍ជានិច្ចចំពោះ ការចេញមុខបកស្រាយពីសំណាក់ កញ្ញា មាស សម្ផស្ស នៅពេលក្រោយ៕