ទស្សនាប្រាសាទអង្គរវត្តពីលើអាកាស កាន់តែរំភើបនិងប្លែកភ្នែក
អង្គរវត្ត ជារមណីយដ្ឋាន វប្បធម៌និងប្រវត្តិសាស្ត្រដ៏ល្បីល្បាញ ហើយក៏ជាតំបន់កម្សាន្តដ៏ទាក់ទាញបំផុត ដែលអ្នកទេសចរណ៍ទាំងឡាយតែងតែជ្រើសរើសជាគោលដៅ ក្នុងដំណើរកម្សាន្តមកខេត្តសៀមរាប នៃប្រទេសកម្ពុជា។
ក្រុមហ៊ុន Helistar Cambodia ជាក្រុមហ៊ុនក្នុងស្រុកមួយ ដែលមានផ្តល់សេវាកម្មហោះហើរដ៏ពិសេស ដោយភ្ញៀវទេសចរណ៍ទាំងឡាយ អាចជួលឧទ្ធម្ភាគចក្រពីក្រុមហ៊ុន ដើម្បីទៅទស្សនាតំបន់ទេសចរណ៍នានា ជាពិសេសការគយគន់ទស្សនីយភាពដ៏អស្ចារ្យនៃសំណង់ប្រាសាទអង្គរវត្តពី លើអាកាស។
ការទស្សនារមណីយដ្ឋាន ប្រាសាទអង្គរពីលើអាកាស បានក្លាយជាទីដ៏ពេញនិយមរបស់ភ្ញៀវទេសចរណ៍ ជាពិសេសភ្ញៀវទេសចរណ៍ក្រៅស្រុក ដែលពួកគេអាចទស្សនាសម្រស់ធម្មជាតិ និងទិដ្ឋភាពប្លែកៗ នៃសំណង់ប្រាសាទអង្គរបានយ៉ាងគាប់ភ្នែក។
បច្ចុប្បន្ន Helistar Cambodia មានឧទ្ធម្ភាគចក្រចំនួនពីរគ្រឿង ដែលកំពុងបើកសេវាកម្មហោះហើរដល់អតិថិជន។ ក្រៅពីការផ្ដល់សេវាកម្មហោះហើរកម្សាន្តជាលក្ខណៈទេសចរណ៍ទៅទី រមណីយដ្ឋាននានានៅក្នុងប្រទេសកម្ពុជា ក្រុមហ៊ុនក៏មានផ្តល់សេវាកម្មហោះហើរជាលក្ខណៈផ្ទាល់ខ្លួន ឬការដឹកជញ្ជូនផ្សេងៗ តាមតម្រូវការចង់បានរបស់អតិថិជននោះដែរ។
