បុរាណវត្ថុវិទូ​ដែល​កំពុង​ស្រាវជ្រាវ​នៅ​ទីក្រុង​ Nazareth​ (ជាទី​កំណើត​របស់​ព្រះយេស៊ូ​) បាន​រក​ឃើញ​ផ្ទះ​ដែល​ព្រះយេស៊ូ​បាន​រស់នៅ​​ទីនោះ​​។

​ផ្នែក​សំខាន់​នៃ​ផ្ទះ​នោះ​គឺ​ធ្វើអំពី​ថ្ម​ដែល​ភ្ជាប់​ដោយ​បាយអ​។ ​តាម​ពិត​ទៅ​ ផ្ទះ​នេះ​ត្រូវ​បាន​គេ​រក​ឃើញ​នៅ​អំឡុង​ទសវត្ស​ឆ្នាំ១៨៨០ មក​ម្ល៉េះ​ដោយ​ក្រុម​ដូនជី ​ដែល​គង់នៅ​​វិហារ ​Sisters of Nazareth ប៉ុន្តែ​មិនទាន់​មាន​​​​ការ​បញ្ជាក់​​ច្បាស់​លាស់។

​រហូតដល់​ឆ្នាំ ២០០៦ ទើប​ក្រុម​បុរាណវត្ថុវិទូ​ដឹកនាំ​ដោយ​លោក Ken Dark សាស្ត្រាចារ្យ ប្រចាំ​នៅ​សាកលវិទ្យាល័យ Reading របស់​ចក្រភពអង់គ្លេស បាន​បញ្ជាក់​ថា ផ្ទះ​នោះ​គឺ​ត្រូវ​បាន​គេ​សាងសង់​ឡើង​នៅ​សតវត្ស​​​ទី ១ ​​ជា​កន្លែង​ដែល​ព្រះយេស៊ូ​ធ្លាប់​រស់នៅ​តែ​ម្ដង។
​
​យ៉ាងណាក៏ដោយ​ វា​ពិតជា​មាន​ការ​លំបាក​ក្នុង​ការ​បញ្ជាក់​ថា ផ្ទះ​នៅ​តំបន់ Nazareth​ នោះ​​ គឺជា​កន្លែង​ដែល​ព្រះយេស៊ូ​រស់​នៅ​ពិតប្រាកដ​ឬ យ៉ាងណា​ ប៉ុន្តែ លោក Ken Dark សាស្ត្រាចារ្យ ប្រចាំ​នៅ​សាកលវិទ្យាល័យ Reading ​តាម​រយៈ​ការ​សិក្សា​របស់​លោក​យល់​ឃើញ​ថា វា​ជា​ការពិត​។ ​

​សូម​បញ្ជាក់​ថា ព្រះយេស៊ូ​​ត្រូវ​បាន​គេ​ជឿ​ថា បាន​រស់នៅ​ធំធាត់​នៅ​ទីក្រុង​ Nazareth​ ដែល​បច្ចុប្បន្ន​គឺជា​តំបន់​មួយ​នៅ​ក្នុង​ប្រទេស​អ៊ីស្រាអែល​៕

ប្រែ​សម្រួល៖ រស្មី 

ប្រភព៖​ www.businessinsider.com