ពិបាករកទីតាំងសម្រាប់ការណាត់ជួបនៅគ្រាដំបូងមែនទេ? ទីតាំងចំនួន ១០ នេះអាចស័ក្ដិសមបំផុតសម្រាប់លោកអ្នក
ការ ណាត់ជួបគ្នាគ្រាដំបូងជាមួយមនុស្សថ្មី ក្នុងពេលវេលាណាមួយ គឺជាអ្វីដែលមនុស្សម្នាក់ៗមានការព្រួយបារម្ភខ្លាំងព្រោះ មិនដឹងថា ត្រូវទៅណាត់ជួបនៅកន្លែងណា? ត្រូវស្លៀកសំលៀកបំពាក់ឬការនិយាយស្ដីបែបណាទើបសម និង គួរឲ្យចាប់អារម្មណ៍? ទោះបីជា TheBNEWS មិនបានផ្តល់គន្លឹះពីការស្លៀកពាក់ ក៏ដូចជាការរៀបចំខ្លួនយ៉ាងណាក៏ដោយ លោកអ្នកអាចនឹងទទួលបានដំបូន្មានចំនួន ១០ ស្តីពីទីតាំងល្អៗសម្រាប់ការណាត់ជួបរបស់លោក។
១) អញ្ជើញទៅញ៉ាំអាហារពេលល្ងាច
ថ្វីត្បិតតែ នេះមិនមែនជាគំនិតថ្មីសន្លាងសម្រាប់ការណាត់ជួបគ្នា ប៉ុន្តែការអញ្ជើញឲ្យទៅទទួលទានអាហារពេលល្ងាចអាចជួយឲ្យអ្នក បានស្គាល់ពីបុគ្គលនោះកាន់តែច្បាស់យ៉ាងហោចណាស់ក៏ពីរឬបី ចំណុចដែរដូចជាអត្តចរិត ពាក្យសម្តី ឬ កាយវិការជាដើម។ ប៉ុន្តែត្រូវប្រយ័ត្នកុំឱ្យមានកំហុសអ្វីកើតឡើងឲ្យសោះនៅក្នុង គ្រាដំបូងនេះ។
ចំណុចដែលគួរចងចាំការណាត់ជួបញ៉ាំអាហារពេលល្ងាចលើកទីមួយធ្វើ បែបសាមញ្ញៗនាំទៅភោជនីយដ្ឋានធម្មតាជាជាងទៅញ៉ាំក្នុងភោជនីយដ្ឋាន សណ្ឋាគារលំដាប់ផ្កាយ៤។ ឧទាហរណ៍ដូចជាកុនរឿង “Fast Times at Ridgemont High” តួប្រុស Mark Ratner បាននាំតួស្រី Stacey ទៅញ៉ាំអាហារក្នុងភោជនីយដ្ឋានអាល្លឺម៉ង់ធម្មតាមួយ។ អូ!ចំណុចសំខាន់បំផុតក្នុងនេះគឺត្រូវតែយកប្រាក់ទៅឲ្យគ្រប់ ចំនួនផងដែរសម្រាប់ថ្លៃអាហារដែលនឹងអាចកុម្មង់យកមកញ៉ាំ បន្ថែមផងដែរ។
២) អញ្ជើញទៅញ៉ាំបាយថ្ងៃត្រង់
សម្រាប់ការណាត់ ញ៉ាំអាហារថ្ងៃត្រង់ ធ្វើឲ្យភាគីទាំងសងខាងមិនសូវមានសំពាធសម្រាប់ការជួបគ្នា បើសិនជាការជួបនោះធ្វើឡើងនៅពេលថ្ងៃ។ មិនមែនត្រឹមតែជាពេលថ្ងៃភ្លឺនោះទេ ប៉ុន្តែការញ៉ាំអាហារពេលថ្ងៃតែងតែមានពេលកំណត់ព្រោះអាចនឹងរវល់ រឿងការងារ។ល។ ហើយចំណុចនេះគឺជាកូនសោរសំខាន់សម្រាប់អ្នកទាំងពីរ បើសិនជាមើលទៅមិនអាចទៅរួចទេ អាចមានលេសគ្រប់គ្រាន់សម្រាប់ដកខ្លួនបានឆាប់រហ័ស។
៣) ទៅហាងកាហ្វេ ឬហាងការ៉េម
សម្រាប់ចំណុចនេះ គឺរឹតតែងាយស្រួលជាងការណាត់ទៅញ៉ាំអាហារថ្ងៃត្រង់ទៅទៀត។ ការណាត់ជួបក្នុងហាងកាហ្វេវាមិនគ្រប់គ្រាន់នោះទេ ពោលគឺអ្នកទាំងពីរអាចមានបំណងផ្សេងមួយទៀតក្រៅពីនេះ។ យ៉ាងណាមិញ ការណាត់ជួបក្នុងហាងកាហ្វេឬហាងការ៉េម បានជួយឲ្យអ្នកទាំងពីរមានសំពាធតិចនិងងាយស្រួលដកដង្ហើម រហូតដល់អ្នកទាំងពីរអាចឈានឆ្ពោះទៅដល់ដំណាក់កាលមួយដែលអាចនិយាយ ស្ដីជាមួយបានធម្មតាលែងមានអារម្មណ៍សំពាធបន្តទៅទៀត។
៤) ណាត់ជួបក្នុងកម្មវិធីប្រកួតកីឡា
ទិញ សំបុត្រទៅមើលកម្មវិធីប្រកួតកីឡា ដូចជា កីឡាបាល់បោះ បាល់ទះ ហើយយកឱកាសនេះធ្វើជាការណាត់ជួប គឺជាជម្រើសប្រសើរមួយផងដែរ។ ស្ដាប់ទៅមិនអណ្ដែងអណ្ដូង ហើយការណាត់ជួបនៅកន្លែងសាធារណៈបែបនេះ មិនមែនត្រឹមតែគ្មានសម្ពាធទេថែមទាំងនាំមកនូវបរិយាកាសរីករាយដល់ អ្នកទាំងពីរ និង ជជែកគ្នាបានក្រោមប្រធានបទផ្សេងៗតាមចិត្តចង់។
៥) ណាត់ជួបក្នុងកម្មវិធីប្រគំតន្ត្រី
បើសិន ជាអ្នកទាំងពីរចូលចិត្តតន្ត្រីដូចគ្នា មិនថាតន្ត្រីបែបរ៉ក់ hip hop ឬក៏តន្ត្រីប្រពៃណី ការទិញសំបុត្រចូលទៅទស្សនាការប្រគំតន្ត្រី គឺជាចំណុចចាប់ផ្ដើមដ៏ល្អបំផុតមួយសម្រាប់ការណាត់ជួបគ្រា ដំបូង ។ ដូចជាទៅមើលការប្រកួតកីឡាដូច្នេះដែរ អ្នកទាំងពីរជួបគ្នាក្នុងទីសាធារណៈ ជាមួយមនុស្សជាច្រើននៅជុំវិញខ្លួន ម្យ៉ាងទៀតអ្នកទាំងពីរអាចមានតន្រ្តីកំដរជួយបង្កើនបរិយាកាស សន្ទនារបស់អ្នកកាន់តែរលូនទៅមុខ។
៦) ណាត់ជួបនៅរោងកុន
សំបុត្រកុនអាចនឹងមាន តម្លៃថ្លៃជាងសំបុត្រកុនធម្មតា ហើយក៏ពិបាកនឹងមានឱកាសក្នុងការជជែកគ្នាដើម្បីស្វែងយល់ពី គ្នាទៅវិញទៅមកនៅក្នុងស្ថានភាពងងឹតបែបនេះ ប៉ុន្តែជាទូទៅការណាត់នៅទីនេះគឺជាជម្រើសដំបូងមួយដែរ ក្នុងចំណោមការណាត់ជួបផ្សេងៗទៀត ហើយវាកំពុងពេញនិយមក្នុងចំណោមស្រទាប់យុវវ័យ។ បើមិនអាចទៅរួចទេ អ្នកគួរតែពិចារណាចំណុចទីមួយ ទីពីរ ឬ ទីបី។
៧) ណាត់ជួបទៅញ៉ាំអាហារភិចនិច
ទៅញ៉ាំបាយ ក្រៅផ្ទះដោយរៀបចំប្រអប់បាយពេលថ្ងៃហើយទៅញ៉ាំក្នុងសួនកម្សាន្ត ដើម្បីបានស្គាល់ចិត្តថ្លើមគ្នាក៏ជាជម្រើសមួយល្អម្យ៉ាងដែរ ព្រោះការណាត់ជួបបែបនេះមានលក្ខណៈឯកជនដ៏រ៉ូមែនទិច។ អ្នកអាចជជែកគ្នាបានដោយងាយស្រួលមិនចាំបាច់ខ្វល់ថានឹងមានអ្នក រត់តុនៅចាំ និងមិនបាច់ចាយប្រាក់លើកទឹកចិត្តផងដែរ។
៨) ណាត់ជួបនៅសួនសត្វ
បើសិនជាអ្នកទាំងពីរ ចូលចិត្តធម្មជាតិនិងសត្វព្រៃដូចគ្នា ការណាត់ជួបគ្នានៅក្នុងសួនសត្វគឺជារឿងសប្បាយរីករាយសម្រាប់ អ្នកទាំងពីរ ដើម្បីបានទស្សនាធម្មជាតិ និងសត្វព្រៃផង និង ជជែកគ្នាបណ្តើរផង។ បរិយាកាសបែបនេះ អ្នកថាមិនរ៉ូមែនទិក?
៩) ណាត់ជួបនៅផ្សារទំនើប
កន្លែងសាធារណៈមួយ ទៀតដែលអ្នកអាចស្ថិតនៅក្នុងបំណងរបស់អ្នកសម្រាប់ការណាត់ជួប គឺនៅតាមផ្សារទំនើប។ នេះអាចឲ្យអ្នកទាំងពីរអាចស្វែងយល់ពីផលិតផលផ្សេងៗជាមួយ ដៃគូសន្ទនារបស់អ្នកដោយគ្មានសំពាធអ្វីឡើយ។ បើបានយល់ចិត្តគ្នា និងទិញកាដូជូនគ្នាទៀតនោះ គឺកាន់តែល្អហើយ។
១០) ណាត់ជួបនៅសួន ឬ កន្លែងល្បែងកម្សាន្ត
ការ ណាត់ជួបគ្រាដំបូងរបស់អ្នកអាចជាកន្លែងបោះប៊ូលីង ជិះស្គី ជិះស្គីទឹកកក លេងកូនហ្គោលក្នុងតារាងខ្នាតតូច ជាដើម។ល។ ល្បែងកម្សាន្តទាំងនេះសុទ្ធតែអ្នកអាចលេងជាមួយគ្នាដើម្បីបង្កើត ភាពស្និទ្ធស្នាល សប្បាយរីករាយជាមួយគ្នា។ ភាគីទាំងពីរក៏ប្រហែលជាចូលចិត្តលេងល្បែងកម្សាន្តជាមួយគ្នាជាជាង អង្គុយលើកៅអីទល់មុខគ្នាក្នុងហាងអាហារ ឬក៏ទៅមើលកុនឬតន្ត្រីជាមួយគ្នា៕
ប្រែសម្រួល៖ សុខា នីកា
ប្រភព៖ newszoom
