​បើតាម​សេចក្ដីរាយការណ៍​ពី​សារព័ត៌មាន​ក្នុងស្រុក​មួយ​របស់​កូរ៉េ​កាលពី​ថ្ងៃ​ព្រ​ហ​ស្ប​ត្តិ៍​ទី​៥ មិនា​កន្លងមក​បានឱ្យ​ដឹងថា Jun Ji Hyun តួឯក​ស្រី​រឿង “​សង្សារ​ខ្ញុំ​ជា​បុរស​ភព​ផ្កាយ​” “My Love From The Star” ត្រូវបាន​គេ​ចាត់ទុកថា​ជាតា​រា​ស្រី​ដែលមាន​ទ្រព្យសម្បត្តិ​ច្រើន​បំផុត​នៅក្នុង​ពិភព​សិល្បៈ ព្រោះ​នាង​ជា​ម្ចាស់​អគារ​ដែលមាន​តម្លៃ​១៤​ពាន់​លាន​វ៉ុ​ន (​ប្រមាណ​១២​លាន​ដុល្លារ​) នៅ​កាំ​ង​ណាំ​តំបន់​ដែលមាន​តម្លៃ​ដី​ថ្លៃ​បំផុត​នៅ​ក្រុង​សេ​អ៊ូ​ល​។​

​ដោយសារតែ​នាង​ទទួលបាន​ការស្រលាញ់​ចូលចិត្ត​នៅក្នុង​ផ្នែក​ថត​ផ្សាយពាណិជ្ជកម្ម ធ្វើឱ្យ​តារា​ដែល​បច្ចុប្បន្ន​មាន​វ័យ​៣៣​ឆ្នាំ​រូបនេះ​បាន​ប្រឡូក​ក្នុង​ពិភព​ថត​ពាណិជ្ជកម្ម​ផ្សេងៗ​គ្នា​ជា​យូរអង្វែង​មកហើយ​។ មិនតែប៉ុណ្ណោះ Jun Ji Hyun ក៏មាន​កេរ្តិ៍ឈ្មោះ​ល្បី​ខ្លាំង​នៅក្នុង​ពិភព​ភាពយន្ត​ផងដែរ​ព្រោះ​ភាពយន្ត​ខ្នាត​ធំ My Sassy Girl និង My Thieves ជោគជ័យ​ខ្លាំង​បំផុត ម្យ៉ាងវិញទៀត​ស្នាដៃ​ភាពយន្ត​ទូរទស្សន៍​រឿង “My Love From The Star” របស់​នាង​ក៏​ជោគជ័យ​និង​ល្បីល្បាញ​ទូទាំង​ទ្វីបអាស៊ី​ផងដែរ​។​

​សម្រាប់​តម្លៃ​អគារ​នោះ​កាលពី​ឆ្នាំ​២០០៧​ដែល​នាង​ទិញ​ចូល​គឺមាន​តម្លៃ​ត្រឹមតែ​៩.២​ពាន់​លាន​វ៉ុ​ន​ ប៉ុន្តែ​បច្ចុប្បន្ន​តម្លៃ​បាន​ហក់​ឡើងដល់​១៤​ពាន់​លាន​វ៉ុ​ន​ដែល​ចាត់ទុកថា​ជា​តម្លៃ​ដែល​កើនឡើង​យ៉ាង​មហាសាល​។​

​ក្រៅពី​តារា​ស្រី​ល្បី​រូបនេះ​ក៏មាន​តារា​សម្ដែង​ល្បីៗ​ជា​ច្រើន​​រូប​ដែរ​ដែលជា​ម្ចាស់​អចលនទ្រព្យ​អគារ​ដែលមាន​តម្លៃ​១១​ពាន់​លាន​វ៉ុ​ន​នោះ​គឺ​តារា​សម្ដែង​រូប​ស្អាត Jang Keun Suk បន្ទាប់មក​គឺ Lee Jung Jae ដែលមាន​អគារ​តម្លៃ​៦​ពាន​លាន​វ៉ុ​ន​ផងដែរ​៕

​ប្រែ​សម្រួល​៖ សុខា នី​កា​

ប្រភព៖​ kpopbuddy.com