មិនមែនត្រឹមតែប្រើកាំភ្លើងទេ ទាហានចិនហ្វឹកហាត់ប្រើសុទ្ធតែដាវ បុរាណក្នុងសីតុណ្ហភាពត្រជាក់ -២០អង្សាសេ
កាលពីពេលថ្មីៗនេះ ទាហានចិនបានហ្វឹកហាត់នៅតំបន់ទឹកកកក្បែរព្រំដែនជាមួយប្រទេសរុស្ស៊ី ជាការហ្វឹកហាត់ដ៏ខ្លាំងក្លាក្នុងស្ថានភាពត្រជាក់នៅ Heihe ខេត្ត Heilongjiang។
ការហ្វឹកហាត់នេះ ត្រូវបានធ្វើឡើងក្នុងសីតុណ្ហភាព -២០អង្សាសា។ ដោយប្រកាន់ខ្ជាប់គោលការណ៍ហ្វឹកហាត់ និងការអត់ធ្មត់ ទាហានទាំងអស់បានហ្វឹកហាត់ដោយមិនពាក់អាវ ដែលសកម្មភាពនេះដូចគ្នាទៅហ្នឹងការហ្វឹកហាត់របស់កងកម្លាំងពិសេសរបស់កូរ៉េខាងត្បូងដែរ។
ការហ្វឹកហាត់ក្នុងស្ថានភាពដ៏ត្រជាក់នេះត្រូវបានធ្វើឡើងនៅចុងខែកុម្ភៈ ឆ្នាំ២០១៥ នេះ ស្របពេលដែលប្រទេសចិនបានបង្កើនថវិកាសម្រាប់វិស័យយោធាប្រមាណ ១០%នៃថវិកាជាតិសរុប។
តាមសេចក្ដីរាយការណ៍ពីទីភ្នាក់ងារ AFP ឱ្យដឹងថា រដ្ឋាភិបាលក្រុងប៉េកាំងនឹងផ្ដោតទៅលើការហ្វឹកហាត់កងកម្លាំងយោធាដើម្បីយក ឈ្នះសង្គ្រាមក្នុងស្រុក “Local Wars”។
សូមទស្សនាសកម្មភាពហ្វឹកហាត់របស់ពួកគេ៖
