សូមចូរទស្សនាវីដេអូឃ្លីបដែលបង្ហាញឲ្យឃើញពីអំពើដ៏ព្រៃផ្សែបំផុតនេះ ពីសំណាក់ពួក IS
ពួកឧទ្ទាមដែលតស៊ូប្រយុទ្ធ ដើម្បីក្រុមភេរវកម្មរដ្ឋអ៊ិស្លាម (IS) នៅក្នុងប្រទេសស៊ីរី និង អ៊ីរ៉ាក់ បានបញ្ចេញវីដេអូដ៏ព្រៃផ្សៃថ្មីមួយទៀត បង្ហាញឲ្យអ្នកបើកបរយន្តហោះហ្សកដានីឈ្មោះ Maaz al-Kassasbeh ត្រូវបានដុតទាំងរស់នៅក្នុងទ្រុងដែកមួយ ។
តាមរយៈខ្សែអាត់វីដេអូ យើងឃើញថា Maaz al-Kassasbeh បានឈរក្នុងទ្រុងដែកចាក់សោរ ស្ថិតក្នុងសម្លៀកបំពាក់អ្នកទោសខោអាវពណ៌ទឹកក្រូច ដោយរង់ចាំការស្លាប់យ៉ាងវេទនាមកដល់ប៉ុណ្ណោះ ខណៈទាហានឯកសណ្ឋានឈុតប៉ារ៉ាបិទមុខម្នាក់ ក៏បានចាប់ផ្តើមដុតខ្សែដែលជោគជាំដោយប្រេងសាំង ចម្ងាយប៉ុន្មានម៉ែត្រពីទ្រុងដែក ។ ភ្លាមៗនោះ ភ្លើងក៏បានឆេះរាលទៅកាន់ទ្រុងដែក ឆាបឆេះរុំព័ទ្ធខ្លួន Kassasbeh យ៉ាងសន្ធោសន្ធៅ និងឆេះទាល់តែគាត់ដួលស្លាប់តែម្តង ។
គួររម្លឹកផងដែរថា កាលពីម្សិលមិញនេះ រដ្ឋាភិបាលហ្សកដានី លោក Mohammed al-Momeni បាននិយាយថា ព្រះរាជាណាចក្រនេះកំពុងធ្វើ “អ្វីៗ” ដែលខ្លួននឹងអាចធានាឲ្យមានការដោះលែង Kassasbeh ដែលត្រូវបានចាប់ខ្លួនដោយពួកឧទ្ទាម ISIS បន្ទាប់ពីយន្តហោះចម្បាំងរបស់គាត់ F-16 បានធ្លាក់នៅក្នុងទឹកដីដែលគ្រប់គ្រងដោយពួកឧទ្ទាមនៅក្នុងប្រទេសស៊ីរី កាលពីខែធ្នូ ។ ប៉ុន្តែ អ្វីៗសម្រាប់ពេលនេះ គឺដូចយើងបានឃើញជាក់ស្តែង ៕
