ទីក្រុងរបស់អាឡាដាំង នឹងមានវត្តមាននៅឌុយបៃឆ្នាំក្រោយ
ក្រុងឌុយបៃបានផ្ដល់ភ្លើងខៀវដល់គម្រោង សាងសង់អគារដ៏ទាក់ទាញលើទំហំផ្ទៃដី ៤ពាន់អា ដែលសំណង់អគារនេះត្រូវបានរចនាឡើងដោយផ្អែកតាមរឿងព្រេងរាត្រីអារ៉ាប់ (Arabian Nights) ក្នុងនោះមានរឿងអាឡាដាំង និងស៊ីនបាត។
ទីក្រុងនេះត្រូវបានដាក់រហស្សនាមថា “ទីក្រុងអាឡាដាំង” ដែលមានប៉ម (tower) លេចត្រដែតឡើងចំនួន ៦ ខណៈដែលប៉មមួយចំនួនត្រូវបានសាងសង់ឡើងមានរូបរាងដូចជាចង្កៀងសិល្ប៏របស់អាឡាដាំងដោយភ្ជាប់ពីមួយទៅមួយដោយស្ពានបំពាក់ម៉ាស៊ីនត្រជាក់។
ទីក្រុងនេះនឹងបើកការដ្ឋានសាងសង់នៅឆ្នាំក្រោយ ខណៈទំហំទឹកប្រាក់សរុបមិនទាន់ត្រូវបានបង្ហើបជាសាធារណៈនៅឡើយ។ នេះបើយោងតាមការអះអាងពីលោក Hussain Nasser Lootah អគ្គនាយកសាលាក្រុងឌុយបៃ។
ទោះជាយ៉ាងណា មន្ត្រីរូបនេះ បានបង្ហើបដូច្នេះថា លោកមានទុនសម្រាប់ធ្វើហិរញ្ញប្បទានដល់គម្រោងនេះហើយ។ ប៉មអគារទីក្រុងអាឡាដាំងខ្លះមាន ៣៤ជាន់ ខ្លះទៀតមាន ២៦ជាន់ និងខ្លះទៀតមាន ២៥ជាន់ក្នុងនោះក៏មានការិយាល័យក្រុមហ៊ុនឯកជន សណ្ឋាគារ១ និងកន្លែងចតរថយន្តសរុបបានប្រមាណ ៩០០គ្រឿងផងដែរ។
អគ្គនាយកខាងលើធ្លាប់បានថ្លែងនាពេលកន្លងមកថ្មីៗនេះ ថា ៖«ប៉មអគារអាឡាដាំង នឹងក្លាយជានិមិត្តរូបនៃរឿងព្រេងអតីតកាលជាមួយនឹងសម្រស់ដ៏ល្អឯក និងជានិមិត្តសញ្ញានៃទីក្រុងទេសចរណ៍»។
គម្រោងអគារនេះគឺស្ថិតនៅក្នុងតំបន់សល់ពីសម័យប្រវត្តិសាស្ត្រដែលគេនៅមើលឃើញទូកធ្វើពីឈើឆ្លងកាត់ទន្លេ និងមានការដោះដូរទំនិញគ្នាពីសំណាក់ឈ្មួញរកស៊ី តែទីតាំងជាក់ស្ដែងនៃតំបន់អភិវឌ្ឍន៍ថ្មីនេះ គឺស្ថិតនៅខាងក្រៅតំបន់នេះ ហើយបច្ចុប្បន្នអាជ្ញាធរកំពុងធ្វើសំណើដាក់បញ្ចូលតំបន់នេះជាសម្បត្តិបេតិកភណ្ឌពិភពលោកពីអង្គការយូណេស្កូ។
វាជាគម្រោងទីក្រុងរណប ប្រកបដោយចីរភាពមួយដែលអាចផ្ទុកមនុស្សបានប្រហែល ១៦០ ០០០នាក់៕
”ទីក្រុងអាឡាដាំង” នឹងមានវត្តមាននៅឌុយបៃឆ្នាំក្រោយ
ក្រុងឌុយបៃបានផ្ដល់ភ្លើងខៀវដល់គម្រោង សាងសង់អគារដ៏ទាក់ទាញលើទំហំផ្ទៃដី ៤ពាន់អា ដែលសំណង់អគារនេះត្រូវបានរចនាឡើងដោយផ្អែកតាមរឿងព្រេងរាត្រីអារ៉ាប់ (Arabian Nights) ក្នុងនោះមានរឿងអាឡាដាំង និងស៊ីនបាត។
ទីក្រុងនេះត្រូវបានដាក់រហស្សនាមថា “ទីក្រុងអាឡាដាំង” ដែលមានប៉ម (tower) លេចត្រដែតឡើងចំនួន ៦ ខណៈដែលប៉មមួយចំនួនត្រូវបានសាងសង់ឡើងមានរូបរាងដូចជាចង្កៀងសិល្ប៏របស់អាឡាដាំងដោយភ្ជាប់ពីមួយទៅមួយដោយស្ពានបំពាក់ម៉ាស៊ីនត្រជាក់។
ទីក្រុងនេះនឹងបើកការដ្ឋានសាងសង់នៅឆ្នាំក្រោយ ខណៈទំហំទឹកប្រាក់សរុបមិនទាន់ត្រូវបានបង្ហើបជាសាធារណៈនៅឡើយ។ នេះបើយោងតាមការអះអាងពីលោក Hussain Nasser Lootah អគ្គនាយកសាលាក្រុងឌុយបៃ។
ទោះជាយ៉ាងណា មន្ត្រីរូបនេះ បានបង្ហើបដូច្នេះថា លោកមានទុនសម្រាប់ធ្វើហិរញ្ញប្បទានដល់គម្រោងនេះហើយ។ ប៉មអគារទីក្រុងអាឡាដាំងខ្លះមាន ៣៤ជាន់ ខ្លះទៀតមាន ២៦ជាន់ និងខ្លះទៀតមាន ២៥ជាន់ក្នុងនោះក៏មានការិយាល័យក្រុមហ៊ុនឯកជន សណ្ឋាគារ១ និងកន្លែងចតរថយន្តសរុបបានប្រមាណ ៩០០គ្រឿងផងដែរ។
អគ្គនាយកខាងលើធ្លាប់បានថ្លែងនាពេលកន្លងមកថ្មីៗនេះ ថា ៖«ប៉មអគារអាឡាដាំង នឹងក្លាយជានិមិត្តរូបនៃរឿងព្រេងអតីតកាលជាមួយនឹងសម្រស់ដ៏ល្អឯក និងជានិមិត្តសញ្ញានៃទីក្រុងទេសចរណ៍»។
គម្រោងអគារនេះគឺស្ថិតនៅក្នុងតំបន់សល់ពីសម័យប្រវត្តិសាស្ត្រដែលគេនៅមើលឃើញទូកធ្វើពីឈើឆ្លងកាត់ទន្លេ និងមានការដោះដូរទំនិញគ្នាពីសំណាក់ឈ្មួញរកស៊ី តែទីតាំងជាក់ស្ដែងនៃតំបន់អភិវឌ្ឍន៍ថ្មីនេះ គឺស្ថិតនៅខាងក្រៅតំបន់នេះ ហើយបច្ចុប្បន្នអាជ្ញាធរកំពុងធ្វើសំណើដាក់បញ្ចូលតំបន់នេះជាសម្បត្តិបេតិកភណ្ឌពិភពលោកពីអង្គការយូណេស្កូ។
វាជាគម្រោងទីក្រុងរណប ប្រកបដោយចីរភាពមួយដែលអាចផ្ទុកមនុស្សបានប្រហែល ១៦០ ០០០នាក់៕
