រថយន្តជាផ្លូវការរបស់ប្រធានាធិបតីចិនមួយគ្រឿងថ្លៃ ៨០ម៉ឺនដុល្លារ រថយន្តនេះមានលក្ខណៈពិសេសប៉ុណ្ណា?
លោកស៊ីជីនភីង (Xi Jinping) ជាប្រធានាធិបតីនៃសាធារណរដ្ឋប្រជាមានិតចិន និងមេដឹកនាំកំពូលនៅក្នុងប្រទេសចិន។ លោកបានកុម្ម៉ង់ឲ្យក្រុមហ៊ុន Hongqi ខាងផលិតរថយន្តក្នុងស្រុកនៅប្រទេសចិន ផលិតរថយន្តសម្រាប់លោកជិះទៅធ្វើការជាលក្ខណៈផ្លូវការ (government state car)។ រថយន្តនេះមុខយក្សម៉ាក Hongqi L5 ដែលមានតម្លៃមិនធម្មតាទេ រហូតដល់ ៨០ ម៉ឺនដុល្លារអាមេរិក។ រថយន្តរបស់ក្រុមហ៊ុន Hongqi ជាយានជំនិះជាផ្លូវការសម្រាប់មន្ត្រីរដ្ឋការចិនជិះទៅធ្វើការ។
រថយន្តសម្រាប់ប្រធានាធិបតីចិន លោកស៊ីជីនភីង ត្រូវគេស្គាល់ច្បាស់នៅពេលលោកទៅបំពេញទស្សនកិច្ចនៅប្រទេសនូវែលហ្សេឡង់ (New Zealand) ហើយគេដឹកឡាននេះទៅតាម ដើម្បីជាយានជំនិះជាផ្លូវរដ្ឋរបស់ប្រធានាធិបតី។ រថយន្តម៉ាក Hongqi L5 មានទម្ងន់សរុបជិត ៧ តោន។ កាងផ្នែកខាងមុខត្រូវបានក្រូម៉េ (chrome) យ៉ាងភ្លឺចិញ្ចាច។ ផ្ទៃខាងក្នុងរថយន្តត្រូវបានឌីហ្សាញ (design) ដូចទៅនឹងរថយន្តម៉ាក Rolls-Royce របស់អង់គ្លេស។ ផ្ទៃខាងក្នុងរថយន្ត មានលក្ខណៈធំទូលាយ និងកម្លាំងម៉ាស៊ីនខ្លាំងក្លា៕
ប្រែសម្រួល ៖ អន សំអាង
ប្រភព៖ emirates247.com
