Steve Jobs ធ្លាប់មានបំណងបង្កើតរថយន្ដ iCar ប៉ុន្ដែ គាត់មិនទទួលបានជោគជ័យ។ ពេលនេះ
CEO ថ្មីរបស់ Apple គឺលោក Tim Cook ក៏មានបំណងបន្តក្ដីស្រមៃនេះ។

Bryan Chaffin ជាអ្នកត្រួតពិនិត្យទំព័រសារព័ត៌មាន Mac Observer ដែលជាទំព័រជំនាញខាង 
Apple ឱ្យដឹងថា មានទិន្នន័យជាច្រើនបង្ហាញថា Apple កំពុងតែអភិវឌ្ឍគម្រោងអ្វីមួយ ដែលមើល
ទៅដូចជារថយន្ដ។

iCar របស់​ Apple នឹង​មាន​រូប​រាង​បែប​នេះ...?

បច្ចុប្បន្ន ក្រុម​ហ៊ុន Apple កំពុងតែស្វែងរក និងជ្រើសរើសបណ្ដាបុគ្គលិកដែលមានជំនាញខាង
ផលិតរថយន្ដពីក្រុមហ៊ុន Tesla ។ ដូច្នេះ ការដែលគេជឿថា Apple កំពុងច្នៃរថយន្ត គឺជារឿងដែល
មានមូលដ្ឋាន។ Bryan Chaffin ថ្លែងថា ខ្លួនបានសម្ភាសមនុស្សជាច្រើន នៅជ្រលងស៊ីលីកុន
(Silicon Valley)ដោយសួរពួកគេថា តើមាន ឬមិនមានចំពោះរឿងដែលថាក្រុមហ៊ុន Apple កំពុង
ច្នៃរថយន្តផ្ទាល់ខ្លួន? ក្នុងចំណោមមនុស្សដែលត្រូវបានសួរ គឺមានរហូតដល់ ៨០% ឆ្លើយថា ពួក
គេក៏ជឿថា Apple កំពុងច្នៃរថយន្ត។

...ឬ​បែប​នេះ?

បុគ្គលិកម្នាក់របស់ Apple ក៏បានបង្ហើបឱ្យដឹងថា ក្រុមហ៊ុន Apple សហការណ៍នឹង Tesla ដោយ
ព្រមចំណាយប្រាក់ដ៏ច្រើន ដើម្បីអាចប្រើប្រាស់វិស្វករកំពូលៗ មកពី Tesla។ គោលបំណងរបស់
Apple គឺមិនមានអ្វីក្រៅតែពីការច្នៃរថយន្តនោះទេ។

ប៉ុន្ដែ មកដល់ពេលនេះ មិនទាន់មានព័ត៌មានផ្លូវការណាមួយ ពីក្រុមហ៊ុន Apple នៅឡើយ ទាក់
ទិននឹងរឿងនេះ។ នេះប្រហែលដោយសារតែ Apple យល់ឃើញថា វាដូចឆាប់រហ័សពេកដើម្បី
បញ្ចេញឱ្យដឹងអំពីគម្រោងថ្មីបំផុតរបស់ខ្លួន ខណៈពួកគេកំពុងតែត្រៀមឧទ្ទេសនាម iWatch ឬ
Apple Watch។

យ៉ាងនេះក្ដី អនគតដ៏ខ្លីខាងមុខ យើងប្រហែលជានឹងបានឃើញរថយន្តដែលមានឡូហ្គូ Apple ធ្វើ
ដំណើរនៅតាមដងផ្លូវ ហើយវាអាចរថយន្តដែលបើកបរដោយស្វ័យប្រវត្ត (មិនចាំបាច់មានមនុស្ស
បើកបរ)។ ព្រោះថា ទាក់ទិននឹងរថយន្តគ្មានមនុស្សបើកនេះ Google និងបណ្ដាក្រុមហ៊ុនដទៃ ក៏
បាន និងកំពុងអភិវឌ្ឍ ដូច្នេះ Apple មិនចង់ក្លាយជាអ្នកតាមពីក្រោយគេ នៅពេលរថយន្តប្រភេទ
នេះ ក្លាយជាឧបករណ៍ពេញនិយមនៅអនគត៕

ប្រែសម្រួលដោយ ៖ តារា
ប្រភព ៖ Businessinsider/Internet