ម៉ាស៊ីនព្រីន 3D អាចផលិតរថយន្តដើរដោយថាមពលព្រះអាទិត្យ!
និស្សិតនៅសាកលវិទ្យាល័យបច្ចេកវិទ្យាណានយ៉ាង (Nayang Technological) របស់សិង្ហបុរី ថ្មីៗបានបង្កើតរថយន្តពីរគ្រឿងដោយគ្រាន់តែប្រើម៉ាស៊ីនព្រីន 3D ប៉ុណ្ណោះ។ អស្ចារ្យនោះ រថយន្តទាំងពីរដែលប្រសូតចេញពីម៉ាស៊ីនព្រីននេះ អាចដំណើរការបានដោយបច្ចេកវិទ្យាសូឡា (Solar)។
រថយន្តដើរដោយថាមពលពន្លឺព្រះអាទិត្យថ្មីនេះ នឹងត្រូវដាក់បញ្ចូលក្នុងការប្រកួតប្រជែងនៅក្នុងកម្មវិធី Shell Eco-marathon Asia ដែលនឹងធ្វើឡើងនៅចុងឆ្នាំ២០១៥នេះ។ គម្រោងទឹកប្រាក់ដែលបានប្រើប្រាស់សម្រាប់ផលិតរថយន្តនេះគឺរហូតដល់ ៣០លានដុល្លារអាមេរិក ដែលទទួលបន្ទុកដោយមជ្ឈមណ្ឌលផលិតបន្ថែម (Additive Manufacturing Center)។
រថយន្តមួយក្នុងចំណោមនោះ ត្រូវបានឌីហ្សាញរូបរាងខាងដូចជាផ្លិតឃ្មុំដើម្បីរក្សាសម្ងួតបានល្អ តែផ្ដល់អារម្មណ៍សុខស្រួលដល់អ្នកជិះ។ ចំណែករថយន្ត NV9 ត្រូវបានបង្កើតក្នុងទម្រង់រថយន្តកង់បី។ សាស្ត្រាចារ្យរង Ng Heong Wah នៅ NTU បានពន្យល់ថា៖ «យើងមានមោទនភាពយ៉ាងខ្លាំង ក្នុងការរចនា និងបង្កើតតួរថយន្តពីម៉ាស៊ីនព្រីន 3D នេះ»។ លោក Wahab បានឱ្យដឹងថា នៅជំហានដំបូងនេះ រថយន្តនេះអាចរត់បានក្នុងល្បឿនត្រឹមតែ ៦០គីឡូម៉ែត្រ/ម៉ោងប៉ុណ្ណោះ។
«ដោយប្រើប្រាស់ជំនាញបច្ចេកទេសលើផ្នែកវិស្វកម្មដែលនិស្សិតយើងបានសិក្សាពីសកលវិទ្យា NTU ក្រុមនិស្សិតបានធ្វើឲ្យគំនិតច្នៃប្រឌិតរបស់ពួកគេលេចចេញជាសមិទ្ធផលពិតៗ មានដូចជា បន្ទះសូឡាស៊ីលីកុន (silicon solar cells) ដែលអាចផលិតបត់បែនទៅតាមរូបរាងរថយន្តបានងាយស្រួល»៕
ប្រែសម្រួល៖ លី ឈៀន
ប្រភព៖ http://media.ntu.edu.sg
