ស្នេហា​រវាង​តារា​ចម្រៀង​ Babardos ជាមួយ​បុរស​សង្ហា​តារាឯក​ភាពយន្ត​ល្បីល្បាញ​ជា​ប្រវត្តិសាស្ត្រ​ Leonardo Dicarprio កំពុង​តែ​វិវត្តន៍​ទៅ​មុខ​​​យ៉ាង​ឆាប់​រហ័ស​ព្រោះ​ Rihanna ​ថ្មីៗ​​នេះ​មាន​ផែនការ​បបួល​​ Leonardo ទៅ​ណែនាំ​អោយ​គ្រួសារ​នាង​បាន​ស្គាល់។​

តារា​សម្ដែង​ល្បី​​ធ្លាក់​ចូល​ក្នុង​ព័ត៌មាន​ស្នេហា​ជាមួយ​តារា​ចម្រៀង​ល្បី​​កាល​ពី​អំឡុង​ដើម​ខែ​មករា​ ក្រោយ​មាន​រូបភាព​អ្នកទាំងពីរ​​ប៊ឺត​មាត់​គ្នា​ក្នុង​កម្មវិធី​ជប់លាង​ Playboy mansion ហើយ​បើ​តាម​ការ​សង្កេត​ក៏បង្ហាញ​អោយ​ឃើញ​ដែរ​ថា​ Rihanna ចង់​សាង​គ្រួសារ​​ខ្លាំង​ហើយ  ​​ព្រោះ​ការ​សេពគប់​​​កំលោះ​ៗ​​របស់​នាង​បាន​ផ្លាស់ប្ដូរ​ពី​កំលោះ​ Badboy  មក​ជា​បុរស​ដែល​មាន​មុខ​ងារ​អាជីព​គង់វង្ស​និង​រឹង​មាំ​ហើយ​មនុស្ស​ដែល​មាន​អ្វី​គ្រប់​យ៉ាង​បែបនេះ​គឺ​ជា​ Leonardo ប្រាកដ​ណាស់​។​

មួយ​រយៈ​កន្លង​មក​នេះ​ស្នេហា​រវាង​អ្នក​ទាំង​ពីរ​គឺ​ដំណើរ​ការ​បាន​យ៉ាង​រលូន​រហូត​ម្ចាស់​បទ​“Umbrella” ប្រាកដ​ចិត្ត​ថា​ Leonardo គឺ​សក្ដិសម​ជា​គូ​ជីវិត​របស់​ហើយ​ ទើប​នាង​មាន​គំរោង​បបួល​សង្សារ​ទៅ​ណែនាំ​អោយ​គ្រួសារ​នាង​នៅ​កោះ​ Babardos បាន​ស្គាល់​ ហើយ​បើ​តាម​ប្រភព​មិន​បញ្ចេញ​ឈ្មោះ​ក៏​បាន​បង្ហើប​អោយ​ដឹង​ដែរ​ Rihanna មិន​ងាយ​នាំ​មនុស្ស​ប្រុស​ទៅ​ផ្ទះ​នាង​នោះ​ទេ​ លើកលែង​តែ​នាង​​ស្រលាញ់​គេ​ខ្លាំង​ ហើយ​នេះ​គឺ​ជា​សញ្ញា​បញ្ជាក់​ថា​នាង​កំពុង​តែ​ឈ្លក់​វង្វេង​នឹង​ Leonardo។

ការពិត​តារា​ល្បី​ទាំងពីរ​រូប​ស្គាល់​គ្នា​យូរ​ដែរ​ហើយ​ គ្រាន់​តែ​ទើប​តែ​ប្ដូរ​​ឋានៈ​ពី​មិត្ត​មក​សង្សារ​មួយ​រយៈ​​ចុង​ក្រោយ​នេះ​ប៉ុណ្ណោះ​ ដោយ​ Rihanna ធ្លាប់​បាន​សរសើរ​មិត្ត​​ប្រុស​ថ្មី​នេះ​ថា​ជា​មនុស្ស​គួរ​អោយ​ស្រលាញ់​ ហើយ​នាង​ចូលចិត្ត​​ពេល​​គេ​​​ញញឹម​​ព្រោះ​ស្នាម​ញញឹម​គេ​មាន​​មន្តស្នេហ៍​ខ្លាំងណាស់​។

ថ្វី​ត្បិត​អ្នក​ទាំងពីរ​ព្យាយាម​លាក់​បាំង​ពី​ទំនាក់​ទំនង​ស្នេហា​អោយ​ស្ងប់ស្ងាត់​ជាទី​បំផុត​​ក្ដី​ ប៉ុន្តែ​អ្នក​ទាំងពីរ​ក៏​ព្រម​ទទួល​ស្គាល់​ចំពោះ​ក្រុម​មិត្តភក្ដិ​​ជិត​ស្និត​និង​សមាជិក​ក្នុង​គ្រួសារ​ថា​អ្នក​ទាំង​ពីរ​ឧស្សាហ៍​ជួបគ្នា​ហើយ​ គ្រប់យ៉ាង​ក៏​កំពុង​ដំណើរ​ការ​ទៅ​​មុខ​យ៉ាង​ល្អ​ ដោយ​បណ្ដាញ​សារព័ត៌មាន​​​កម្សាន្ត​ Hollywood Life.com បាន​ចុះ​ផ្សាយ​ដែរ​ថា​ Leonardo  ជា​មនុស្ស​ចូលចិត្ត​សប្បាយ​ប៉ុន្តែ​ច្បាស់លាស់​ ស្មោះត្រង់​ ហើយ​គួរ​អោយ​ជឿជាក់​ផង​ដែរ​៕

ប្រែ​សម្រួល​៖​ សុខា នីកា

ប្រភព៖​ hollywoodlife