ហេតុអ្វីអាកាសយានិក QZ8501 កាត់ផ្ដាច់ចរន្តទំនាក់ទំនង ហើយបើកយន្តហោះឡើងយ៉ាងខ្ពស់?
អាកាសយានិកទាំងពីរនាក់ដែលបើកយន្តហោះ QZ8501 បានកាត់ផ្ដាច់ចរន្តអគ្គិសនីចេញពីម៉ាស៊ីនកុំព្យូទ័រ ដែលតភ្ជាប់ទៅប្រព័ន្ធទំនាក់ទំនងជាមួយអង្គភាពត្រួតពិនិត្យដែនអាកាស ដែលប្រចាំការនៅលើដី។ មានន័យថាបើកាត់ផ្ដាច់របៀបនេះ គឺអស់អី្វដែលអាចទាក់ទងគ្នាបានទៀតហើយ។ នេះបើយោងតាមប្រភពពីក្រុមស៊ើបអង្កេតសំណុំរឿងធ្លាក់យន្តហោះនេះ។
អាកាសយានិកទាំងពីររូប ព្យាយាមសម្រួលសញ្ញាអាសន្ន (alert) នៅលើម៉ាស៊ីនកុំព្យូទ័រដែលត្រួតពិនិត្យផ្លូវធ្វើដំណើរ A-320។ ក្រោយមក អាកាសយានិកបានកាត់ផ្ដាច់ចរន្តទាក់ទងគ្នាទាំងស្រុង ដែលចរន្តនោះមានម៉ាស៊ីនកុំព្យូទ័រពីរគ្រឿង។
ព័ត៌មាននេះជាគន្លឹះ សម្រាប់ជួយពន្យល់អំពីមូលហេតុដែលនាំឲ្យគេដាច់ការទាក់ទងគ្នារវាងអង្គភាពនៅនឹងដី និងយន្តហោះ QZ8501។ គេនៅមិនទាន់ដឹងច្បាស់ ហេតុអ្វីបានជាអាកាសយានិកបើកយន្តហោះឡើងទៅលើលឿនខ្លាំងម៉្លេះ ព្រោះទោះបីម៉ាស៊ីនកុំព្យូទ័ររលត់ ក៏អាកាសយានិកអាចបញ្ជាយន្តហោះបានដែរ៕
ប្រែសម្រួល ៖ អន សំអាង
ប្រភព៖ bloomberg.com
