ចំណាប់ខ្មាំងជប៉ុននឹងត្រូវបានដោះលែងប៉ុន្មានម៉ោងទៀត
ជប៉ុន និងរដ្ឋអ៊ិស្លាម IS បានព្រមព្រៀងប្តូរចំណាប់ខ្មាំង Kenji Goto យក Sajida al-Rishawi -ស្ត្រីអ៊ីរ៉ាក់ដែលរងការចោទប្រកាន់សម្លាប់មនុស្ស ៦០ នាក់ ក្នុងករណីបន្ទុះគ្រាប់បែកមួយនៅឆ្នាំ ២០០៥ នាប្រទេស Jordan ។
Kenji Goto នឹងត្រូវបានដោះលែងប៉ុន្មានម៉ោងទៀត
ប្រភពពី RT របស់រុស្ស៊ី ដែលដកស្រង់សម្តីរបស់ឧបនាយករដ្ឋមន្ត្រីជប៉ុន ឲ្យដឹងថា ការដោះដូរត្រូវបានភាគីទាំងសងខាងព្រមព្រៀងហើយ ។ មុននោះ របាយការណ៍១និយាយថា al-Rishawi បានត្រូវបញ្ជូនទៅកាន់ពន្ធនាគារ១ផ្សេង មុនពេលប្រគល់ឲ្យតំណាងរបស់ IS ដើម្បីប្តូរយកអ្នកកាសែតដែលកំពុងត្រូវឃុំឃាំង ។
អនុរដ្ឋមន្ត្រីការបរទេសជប៉ុន Yasuhide Nakayama និយាយបន្ថែមថា “ព័ត៌មានល្អ” នឹងមានឆាប់ៗនេះ ។
មិនយូរប៉ុន្មានមុននេះ IS គំរាមតាមវីដេអូថា ចំណាប់ខ្មាំងទី២របស់ជប៉ុន រួមជាមួយអ្នកបើកបរយន្តចម្បាំង Jordan នឹងត្រូវសម្លាប់ក្នុងរង្វង់ ២៤ ម៉ោង ប្រសិនបើ Tokyo ពុំបញ្ចុះបញ្ចូលឲ្យរដ្ឋាភិបាល Jordan ដោះលែង Sajida al-Rishawi ៕
