ក្រោយលែងលះ ប្ដីហែកកេរ្ដិ៍ប្រពន្ធថាលាក់ទុកឈើគ្រញូងក្នុងផ្ទះ
ខេត្ដឧត្ដរមានជ័យ ៖ បុរសជាប្ដី សង្ស័យមិនដាច់អាល័យពីប្រពន្ធក្រោយ ពីលែងលះអស់រយៈពេល៥-៦ខែទៅហើយ នោះថែមទាំងបានចែកទ្រព្យសម្បត្ដិរួច រាល់ តែបែរជាហែកកេរ្ដិ៍ប្រពន្ធទៅប្រាប់ សមត្ថកិច្ចពីការលាក់ទុកឈើប្រណីត ប្រភេទឈើគ្រញូងធ្វើឱ្យសមត្ថកិច្ចចុះ ទៅរឹបអូសយកគ្មានសល់ ។
ករណីសមត្ថកិច្ចចុះប្រមូលយកឈើ គ្រញូងពីផ្ទះអតីតប្រពន្ធអត់ខានស្លាបង្ក ឱ្យភ្ញាក់ផ្អើលដល់ប្រជាពលរដ្ឋនេះបាន កើតឡើងកាលពីវេលាម៉ោង៩និង៤០ នាទីយប់ថ្ងៃទី២២ ខែមករា ឆ្នាំ២០១៥ ស្ថិតនៅក្នុងភូមិអូរចិញ្ចៀន ឃុំ-ស្រុក អន្លង់វែង ខេត្ដឧត្ដរមានជ័យ ។
បើតាមប្រជាពលរដ្ឋបានឱ្យដឹងថា ស្ដ្រីមេម៉ាយដែលប្ដីទើបនឹងលែងលះ ឈ្មោះឈន ចាន់ថា អាយុ៣៥ឆ្នាំ រស់នៅ ភូមិ-ឃុំខាងលើ ហើយបច្ចុប្បន្នមានមុខ របរបើកហាងលក់ម៉ូតូ ។
បើតាមប្រជាពលរដ្ឋបានឱ្យដឹងថា ស្ដ្រីមេម៉ាយដែលប្ដីទើបនឹងលែងលះ ឈ្មោះឈន ចាន់ថា អាយុ៣៥ឆ្នាំ រស់នៅ ភូមិ-ឃុំខាងលើ ហើយបច្ចុប្បន្នមានមុខ របរបើកហាងលក់ម៉ូតូ ។
ប្រភពពីប្រជាពលរដ្ឋបានឱ្យដឹងទៀតថា ស្ដ្រីមេម៉ាយមិនទាន់មានកូននេះបាន លែងលះជាមួយនឹងប្ដីអស់រយៈពេល៥-៦ខែមកហើយ ហើយបើតាមអាជ្ញាធរ បញ្ជាក់ថា ប្ដីប្រពន្ធខាងលើនេះមិនមាន អាពាហ៍ពិពាហ៍ពេលដែលបានគ្នានោះ ទេ ។ ពួកគេបានលែងលះគ្នាត្រឹមមេភូមិ និងមេឃុំ ហើយបានចែកទ្រព្យសម្បត្ដិ គ្នាអស់ហើយដែរ ។
ជាមួយនឹងការដែលសមត្ថកិច្ចចុះរឹប អូសយកគ្រញូងពីផ្ទះស្ដ្រីមេម៉ាយទើបនឹង លែងប្ដីនេះបានធ្វើឡើងនៅបន្ទាប់ពីអតីត ប្ដីដែលសុំមិនបញ្ចេញឈ្មោះបានរាយ ការណ៍ប្រាប់សមត្ថកិច្ចថា ស្ដ្រីឈ្មោះឈន ចាន់ថា បានលាក់ទុកឈើគ្រញូងនៅ ក្នុងផ្ទះប្រមាណជាង៣០០គីឡូក្រាម ។ ចំណែកបុរសអតីតជាប្ដីបានបញ្ជាក់ថា ការដែលរូបគាត់រាយការណ៍ប្រាប់សមត្ថ កិច្ច ព្រោះក្រោយពីលែងលះប្រពន្ធមិន បានបែងចែកឈើគ្រញូងនេះមកឱ្យគេ ខ្លះៗ ទើបរាយការណ៍ប្រាប់សមត្ថកិច្ច ពាក់ព័ន្ធតែម្ដង ។
អ្នកស្រី ឈន ចាន់ថា បានអះអាងថា ពេលដែលពួកគាត់បាន លែងលះគ្នាគឺរូបគាត់បានប្រគល់លុយ រាប់ម៉ឺនដុល្លារទៅឱ្យអតីតប្ដីរបស់ខ្លួន ចុះហេតុអ្វីបានជាមកចងកម្មពៀរដូច្នេះ ទៀត ។ ឈើគ្រញូងដែលទុកក្នុងផ្ទះនោះ មានចំនួនតិចតួចប៉ុណ្ណោះបើគិតជា តម្លៃសរុប៥០០ទៅ៦០០ដុល្លារ ។
បើតាមប្រភពព័ត៌មានពីកន្លែងកើត ហេតុបានបង្ហើបឱ្យដឹងថា បើទោះបីជា មានការរាយការណ៍ពីអតីតប្ដីប្រាប់សមត្ថ កិច្ចយ៉ាងដូច្នេះក៏ដោយ តែសមត្ថកិច្ច មិនបានចូលទៅរឹបអូសយកឈើគ្រញូង ក្នុងផ្ទះស្ដ្រីឈ្មោះ ឈន ចាន់ថា នេះទេ ព្រោះស្ដ្រី ឈន ចាន់ថា បានរារាំងមិន អនុញ្ញាតឱ្យសមត្ថកិច្ចចូលត្រួតពិនិត្យ ។ ម្យ៉ាងទៀតអ្នកស្រី ឈន ចាន់ថា សំអាង ថា នោះមិនមែនជាម៉ោងរដ្ឋបាលនិង មិនមានដីកាបង្គាប់ពីតុលាការផង ៕
ប្រភពពី នគរវត្ត
- See more at: http://cambodiapage.info/?p=9470#sthash.XFy7tqWK.dpuf
