នាវា ដឹកកុងតេនឺដ៏ធំបំផុតនៅលើពិភពលោក ដោយមានទំហំស្មើ៤ដងនៃតារាងបាល់ទាត់
នាវាដឹកកុងតេនឺដ៏ធំបំផុតនៅលើពិភពលោកនេះ ត្រូវបានបញ្ជូនចេញក្នុងការធ្វើដំណើរជាលើកទីមួយរបស់វាដោយចេញពីទីក្រុង Qingdao នៅខេត្ត Shandong ប្រទេសចិន ។
នាវាដឹកកុងតេនឺCSCL Globe ដ៏ធំនេះ មានបណ្តោយប្រវែងជិត៤០០ម៉ែត្រ និងទទឹងជាង៥៨ម៉ែត្រ រីឯជម្រៅជាង៣០ម៉ែត្រ ដែលធ្វើឲ្យនាវានេះ មានទំហំស្មើ៤ដងនៃតារាងបាល់ទាត់។
នាវាដ៏ធំនេះ អាចដឹកកុងតេនឺចំនួន១៩.០០០ដោយកុងតេនឺមួយៗមានទំហំជាង៦ម៉ែត្រ។
នាវា CSCL Globe នេះ គឺជានាវាទីមួយដែល ត្រូវបានស្ថាបនាឡើងរួមគ្នាដោយក្រុមហ៊ុនចិន China Shipping Container Lines និងក្រុមហ៊ុកូរ៉េខាងត្បូង Hyundai Heavy Industries ៕ ប្រភពៈ CEN
