រោងការធ្វើពីដែកប៉ះតំណរខ្សែភ្លើងឆក់ស្លាប់យាយម្នាក់
ខេត្តកំពង់ឆ្នាំង ៖ លោកយាយមា្នក់បានប្រកាច់ស្លាប់ភ្លាមៗនៅនឹងកន្លែងកើតហេតុ បន្ទាប់ពីចរន្តអគិ្គសនីឆ្លងទៅលើរោងការដែលសង់អំពីដែក ហើយលោកយាយបានកាន់ ។
ដែលហេតុការណ៌កើតឡើងកាលពីវេលាម៉ោងជាង៩យប់ ថ្ងៃទី២៥ ខែធ្នូ ឆ្នាំ២០១៤ នៅក្នុងភូមិស្វាយគយ ឃុំពន្លៃ ស្រុកបរិបូរណ៌ ខេត្តកំពង់ឆ្នាំង ។ ស្ត្រីរងគ្រោះឈ្មោះខោល សឿង ភេទស្រី អាយុ៧០ឆ្នាំ មានទីលំនៅក្នុងភូមិឃុំកើតហេតុខាងលើ ។
ប្រជាពលរដ្ឋបានអោយដឹងថា នៅក្នុងយប់ថ្ងៃកើតហេតុនោះ មានប្រជាពលរដ្ឋនៅក្បែរ នោះគេការកូន ដោយបានរៀបរោងដែក និងបានរាយខ្សែភ្លើង សម្រាប់ធ្វើពិធីការនោះ ។ នៅក្នុងយប់នោះមាននៅពេលមានខ្យល់បក់ខ្លាំង បណ្តាលអោយខ្សែភ្លើង ដែលមានតំណរមិនបានរុំអោយត្រឹមត្រូវ បានទៅប៉ះនឹងដែកសសររោងនោះ បណ្តាលអោយឆ្លងចរន្តភ្លើង នៅពេលដែលលោកយាយទៅកាន់ បណ្តាលអោយឆក់ស្លាប់តែម្តង ៕
– ប្រភពពីនគរវត្ត
