ប្រយ័ត្ន ! សូម្បីត្រីផ្សោតក៏ងាប់ដែរ ព្រោះ…Sex ជ្រុលពេក
ត្រីផ្សោតឈ្មោល១ក្បាល នៅ Tarring, West Sussex (អង់គ្លេស) បានងាប់ដោយសារឃ្លានផង និងថមថយសីតុណ្ហភាពរាងកាយយ៉ាងខ្លាំងបន្ទាប់ពីវា “ចាយវាយខ្ជះខ្ជាយ” នូវឋាមពលសម្រាប់ “បន្តពូជ” ។
ការដែលត្រីផ្សោត១ក្បាល Sex រហូតងាប់អណ្តែតចូលឆ្នេរសមុទ្រ បានធ្វើឲ្យមនុស្សម្នាស្មានពុំដល់ ។ ពពួកសត្វចិញ្ចឹមកូនដោយទឹកដោះ ត្រូវបានគេរកឃើញនៅតំបន់ប្រជុំជន Tarring, West Sussex (អង់គ្លេស) ។ រីឯផ្សោត១ក្បាលនេះ វាដេកក្នុងថ្លុកឈាមរបស់វា ហើយគេបានយកក្រណាត់នីឡុងមករុំ ហើយទូរស័ព្ទប្រាប់ក្រុមស៊ើបអង្កេតចល័ត ។
តាម Rob Deaville អ្នកធ្វើកោសល្យវិច្ច័យនិយាយថា ផ្សោតឈ្មោល១ក្បាលនេះ វាចាប់ ហើយងាប់ដោយអត់ឃ្លាន និងថមពលសីតុណ្ហភាពរាងកាយ ។ ក្នុងរាងកាយរបស់វាពុំមានអាហារគ្រប់គ្រាន់ បរិមាណខ្លាញ់ “ស្តុក” ក្នុងរាងកាយត្រូវរីងស្ងួតអស់ ដែលជាមូលហេតុវាពុំមានកម្លាំងស្វែងរកចំណីបាន ។
នេះជាលទ្ធផលនៃការដុតបំផ្លាញកាឡូរីហួសហេតុ បំរើឲ្យទង្វើរសេពសន្ថវៈ ។
អ្នកឯកទេសដដែលនិយាយថា វាបានងាប់មុននេះ ២-៣ ថ្ងៃ ហើយ ៕
