អត្ថបទមួយលើកាសែត Manila Standard Today ចុះផ្សាយថា កម្ពុជាមានផ្ទៃដីតែ១៧៦៥០០គីឡូមែត្រការេ
កាលពីថ្ងៃទី១៧ ខែតុលា ឆ្នាំ២០១៤ កន្លងទៅនេះកាសែត Manila Standard Today តាមអ៊ីនធើរណិតនៅហ្វ៊ីលីពីនបានចុះផ្សាយនូវអត្ថបទផ្សាយមួយបែប បង្ហាញទស្សនៈ របស់អ្នកនិពន្ធម្នាក់ឈ្មោះលោក Tony Lopez អំពីសក្កានុពលអាស៊ាន ដែលបានសរសេរថា កម្ពុជាមានផ្ទៃដី១៧៦៥០០គីឡូម៉ែត្រការេ ដែលជាតួលេខខុសការពិតនៃផ្ទៃដីកម្ពុជា១៨១០៣៥ គីឡូម៉ែត្រការេ។
១៨១,០៣៥ គីឡូម៉ែត្រក្រឡានេះ គឺជាតួលេខផ្លូវការនៃផ្ទៃដីរបស់កម្ពុជាដែលមានការទទួលស្គាល់ពីអង្គការសហប្រជាជាតិ និងសហគមន៍អន្ដរជាតិ។
អត្ថបទមួយលើកាសែត Manila Standard Today ចុះផ្សាយថា កម្ពុជាមានផ្ទៃដីតែ១៧៦៥០០គីឡូមែត្រការេ
ក្រោយការឃើញអត្ថបទនេះ ព្រឹកមិញនេះលោក នួន រិទ្ធីរ័ត្ន ភារធារីស្ថានទូតខ្មែរប្រចាំក្រុងម៉ានីលបានសរសេរអត្ថបទមួយទាមទារឲ្យមានការកែតម្រូវតួលេខនេះនៅលើអត្ថបទរបស់លោក Tony Lopez ឲ្យបានឆាប់រហ័សដែលអាចធ្វើទៅបានដើម្បីចៀសវៀងការយល់ខុសអំពីព័ត៌មានភូមិសាស្រ្ដរបស់កម្ពុជា ពីបណ្ដាអ្នកអានអត្ថបទរបស់លោក Tony Lopez។
លោក នួន រិទ្ធីរ័ត្ន ក៏បានផ្ដល់យោបល់ឲ្យមានការឆែកមើលព័ត៌មានភូមិសាស្រ្ដនេះនៅលើវ៉ិបសាយថ៍ក្រសួងផែនការកម្ពុជាផងដែរ ដើម្បីបានព័ត៌មានច្បាស់លាស់។
ព្រឹកមិញនេះ វិទ្យុអូស្រ្ដាលីបានផ្ញើអ៊ីមែលទៅស្ថានទូតខ្មែរប្រចាំក្រុងម៉ានីលដើម្បីសុំការបំភ្លឺព័ត៌មានបន្ថែមជុំវិញរឿងនេះ ប៉ុន្ដែមិនទាន់បានទទួលការឆ្លើយតបមកវិញនៅឡើយទេ៕ ប្រភព ៖ Radioaustralia
