ក្មេងស្រី​រាង​តូច​ច្រឡឹង​គួរ​ឲ្យ​ស្រឡាញ់​ម្នាក់ ឈ្មោះ Breanna Youn មាន​អាយុ​ទើបតែ ៥ ឆ្នាំ ប៉ុណ្ណោះ ប៉ុន្តែ នាង​តូច​មាន​អ្នកគាំទ្រ​រហូតដល់​ជាង១.១ លាន​នាក់ នៅលើ Instagram ព្រោះតែ​រូបថត​របស់​នាង Cute ពេក ! ជាពិសេស បច្ចុប្បន្ននេះ នាង​តូច​កំពុង​ទទួល​ការស្រឡាញ់​ចូលចិត្ត ពី​សំណាក់​អ្នកលេង​អ៊ី​ន​ធើរ​ណេ​ត​នៅ​ទូទាំង​ពិភពលោក​តែម្តង ។​

​ចំពោះ Brenna Youn គឺ​តែង​ទទួលបាន​ការស្រឡាញ់ ចូលចិត្ត “​ក្រឺត​ក្នាញ់​” ជាខ្លាំង នៅពេល​រូបថត​របស់​នាង​បាន “​លេចឡើង​” នៅលើ​បណ្តាញ​សង្គម ជាមួយ​ស្ទៃ​ល៍​ថតរូប​បែប Cute ឡូយ តារា​សម្តែង​ល្មមៗ​សុំ​ខ្មាស់​ណា៎​! ។​

​យ៉ាងណាមិញ ក្មេងស្រី​អាយុ ៥ ឆ្នាំ ជា​កូនកាត់ កូរ៉េ​-​ហ្វីលីពីន (​ម្តាយ​ជា​ជនជាតិ​ហ្វីលីពីន និង​ឪពុក​ជា​ជនជាតិ​កូរ៉េខាងត្បូង​) ម្នាក់នេះ មិន​ត្រឹមតែ Cute ប៉ុណ្ណោះ ប៉ុន្តែ នាង​តូច​ថែមទាំង​ចេះ​សម្តែង ច្រៀង រាំ ធ្វើ​ឲ្យ​យើង​មិន​ស​សើរ​មិនបាន​ផងដែរ ។

​សូមបញ្ជាក់ថា អ្វីៗ​ទាំងអស់​ផ្តើមឡើង គឺ​ដោយសារ​ម្តាយ​របស់​នាង អ្នកស្រី Youn បាន​បង្ហោះ​រូបថត​របស់​នាង​ជាច្រើន​សន្លឹក​ចូល Facebook របស់គាត់ ។ បន្ទាប់មក ក៏​ស្រាប់​តែមាន​ជន​ចម្លែកៗ បានចាប់ផ្តើម​សុំ​ឲ្យ​អ្នកស្រី​បង្កើត Fan Page មួយ​ឲ្យ Breanna, នៅពេលនោះ អ្នកស្រី Youn ក៏​យល់ព្រម​ធ្វើតាម​ការស្នើសុំ​របស់​ពួកគេ ។ លទ្ធផល​ក្រោយ​ការបង្កើត​, រូបថត​របស់​ប្អូនស្រី Breanna ក៏បាន​រីក​សុះសាយ​ពាសពេញ​ក្នុង​បណ្តាញ​អ៊ី​ន​ធើរ​ណែ​ត​តែម្តង ៕​