ដណ្ដឹងប្រពន្ធម្នាក់ឯងឱ្យថ្លៃទឹកដោះ១ម៉ឺនដុល្លារដល់ថ្ងៃភ្ជាប់ពាក្យអត់លុយខាងស្រីឱ្យសមត្ថកិច្ចចាប់ខ្លួន
ខេត្ដកំពង់ចាម ៖ ជារឿងមួយគួរឱ្យហួសចិត្ដដែលយុវជនម្នាក់ចិត្ដស្លុយបានទៅឆបោកក្រមុំជនបទដោយសន្យាថា ឱ្យឪពុកម្ដាយបងប្អូនចូលស្ដីដណ្ដឹងកូន ក្រមុំគេឱ្យថ្លៃទឹកដោះ១ម៉ឺនដុល្លារ ប៉ុន្ដែនៅពេលដល់ថ្ងៃកំណត់មិនឃើញឪពុកម្ដាយ ញាតិមិត្ដយុវជនរូបនេះចូលស្ដី ដណ្ដឹងតាមច្បាប់ ទើបឪពុកម្ដាយខាង ស្រីប្ដឹងនគរបាលឱ្យចាប់ខ្លួនពីបទឆបោក។
រឿងហេតុទាំងនេះកើតឡើងកាលពី ថ្ងៃទី១៧ ខែវិច្ឆិកា ឆ្នាំ២០១៤ នៅភូមិ អូរប្រឡោះ ឃុំអូរម្លូ ស្រុកស្ទឹងត្រង់ ខេត្ដកំពង់ចាម ខណៈដែលឪពុកម្ដាយខាង ស្រីរៀបចំជួលភ្លេងមកលេងកំដរ និងជួលតុចិនមកធ្វើម្ហូប តែមិនឃើញញាតិ មិត្ដទៅចូលរួមស្ដីដណ្ដឹងតាមសន្យានោះ ឡើយ ។
ប្រភពព័ត៌មានពីប្រជាពលរដ្ឋរស់ នៅភូមិខាងលើបានឱ្យដឹងទៀតថា កាល ពីថ្ងៃទី៣ ខែវិច្ឆិកា ឆ្នាំ២០១៤ យុវជន សង្ស័យដែលនគរបាលឃាត់ខ្លួនឈ្មោះ ឈិន ខួច អាយុ២៦ឆ្នាំ គ្មានទីលំនៅ និង មុខរបរពិតប្រាកដ បានស្រឡាញ់កូនក្រមុំ អ្នកស្រុកម្នាក់អាយុ១៨ឆ្នាំ នៅភូមិអូរ ប្រឡោះ ឃុំអូរម្លូ ស្រុកស្ទឹងត្រង់ ខេត្ដ កំពង់ចាម ហើយបានប្រាប់កូនក្រមុំថា ខ្លួនគេនឹងឱ្យឪពុកម្ដាយបងប្អូនមកពីភ្នំ ពេញដែលជាអ្នកមានមុខមាត់នៅក្រសួង មហាផ្ទៃចូលស្ដីដណ្ដឹងនាងតាមច្បាប់ ខណៈដែលដឹងថា ឪពុកម្ដាយកូនក្រមុំ ទាមទារថ្លៃទឹកដោះចំនួន១ម៉ឺនដុល្លារ នោះ ។
ប្រភពព័ត៌មានដដែលបានឱ្យដឹងទៀត ថា តាមការគ្រោងទុកក៏ដូចជាមាន ទំនុកចិត្ដទៅលើយុវជនរូបនេះរួចមក ឪពុកម្ដាយនិងញាតិមិត្ដខាងស្រីមាន សេចក្ដីរំភើប ព្រោះយល់ឃើញថា ថ្លៃ ទឹកដោះរបស់កូនស្រីមានតម្លៃរហូត ដល់១ម៉ឺនដុល្លារ ។ ដូច្នេះកូនកំលោះពិត ជាមិនធម្មតាឡើយ ព្រោះជាកូនអ្នកមាន និងមានអំណាច ទើបហ៊ានចំណាយប្រាក់ ១ម៉ឺនដុល្លារមកស្ដីដណ្ដឹងកូនក្រមុំដោយ មិនតថ្លៃមួយមាត់ ។ ដោយយល់ឃើញ ដូច្នេះទើបឪពុកម្ដាយខាងស្រីសម្រេច ចិត្ដជួលតន្ដ្រីសម័យ និងម្ហូបចិនដើម្បី ទទួលភ្ញេ្ញៀវខាងប្រុសមកចូលស្ដីដណ្ដឹង តាមច្បាប់ តាមការសន្យារបស់កូន កំលោះនៅថ្ងៃទី១៧ ខែវិច្ឆិកា ឆ្នាំ២០១៤។ ប៉ុន្ដែអ្វីដែលធ្វើឱ្យក្រុមគ្រួសារកូនក្រមុំ ហួសចិត្ដនិងទ្រាំលែងបាននោះគឺខណៈ ដែលភ្ញៀវជាច្រើនកុះករមកចូលរួម ដណ្ដឹងកូនស្រីរួមជាមួយបទភ្លេងតន្ដ្រី លេងកំដរយ៉ាងពិរោះផងនោះ ពី១ម៉ោង ទៅ១ម៉ោងរង់ចាំម្ដងហើយម្ដងទៀត រហូតដល់ល្ងាចនៅតែមិនឃើញក្រុម គ្រួសាររបស់កូនកំលោះជិះរថយន្ដទៅ ចូលស្ដីដណ្ដឹងកូនក្រមុំរបស់គាត់នោះ ទើបក្រុមគ្រួសារកូនក្រមុំសម្រេចប្ដឹង សមត្ថកិច្ចឱ្យឃាត់ខ្លួនឈ្មោះ ឈិន ខួច ពីបទឆបោក បើទោះបីជាឈ្មោះនេះប្រាប់ ថា រង់ចាំពេលនេះ ពេលនោះក៏ដោយ ។
ប្រភពព័ត៌មានដដែលបានឱ្យដឹងទៀតថា នៅពេលដែលភ្ញៀវចូលរួម និងក្រុមតន្ដ្រីប្រគុំកំដរក្នុងពិធីស្ដីដណ្ដឹងកូនក្រមុំ ដោយមិនមានឪពុកម្ដាយខាងប្រុសចូល រួមនោះ យុវជនឆបោករូបនេះបម្រុង រត់គេចខ្លួនដែរ ប៉ុន្ដែដោយភាគីខាងកូន ក្រមុំដឹងខ្លួនទាន់បានទប់ស្កាត់ និងទៅ ប្ដឹងឱ្យនគរបាលប៉ុស្ដិ៍ឃាត់ខ្លួនកសាង សំណុំរឿងតាមច្បាប់ពីបទឆបោក និងធ្វើ ឱ្យប៉ះពាល់កិត្ដិយស សេចក្ដីថ្លៃថ្នូររបស់ក្រុមគ្រួសារកូនក្រមុំ ។
នេះចាត់ទុកជារឿងថ្មីមួយទៀតដែល អ្នកមានកូនក្រមុំទាំងឡាយមិនគួរឮតែ ទឹកប្រាក់រាប់ម៉ឺនដុល្លារលើកកូនក្រមុំឱ្យ គេដោយខ្វះការពិចារណា ដោយគ្មាន ឪពុកម្ដាយ ឬសាច់សាលោហិតខាង ប្រុសចូលមកស្ដីដណ្ដឹងតាមច្បាប់នោះឡើយ ៕
- ____________
- ប្រភពពីនគរវត្ត
.jpg)
