ឃាត់ខ្លួនអាណិកជនខ្មែរ-អាមេរិកម្នាក់និងគូកន ពាក់ព័ន្ធនិងដើររើសអង្គរក្សចំនួន១០០នាក់
កំពង់ស្ពឺ៖ លោក កែវ វិបុល ដែលជាអាណិកជនអាមេរិកខ្មែរ-អាមេរិក និងគូកន ២នាក់ទៀត ត្រូវសមត្ថកិច្ចឃាត់ខ្លួនពាក់ព័ន្ធនិងករណីដើរប្រមូលមនុស្ស ចំនូន ១០០នាក់មកធ្វើជាអង្គរក្ស។ពាក់ព័ន្ធនិងករណីនេះ គឺធ្វើឡើងកាលពីថ្ងៃទី១០ ខែវិច្ឆិកា ឆ្នាំ២០១៤ នៅឃុំវាលពង្ស ស្រុកឧត្តុង ខេត្តកំពង់ស្ពឺ។
ជនដែលសមត្ថកិច្ចឃាត់ខ្លួនរួមមាន ទី១-ឈ្មោះ កែវ វិបុល ភេទប្រុស អាយុ៣៨ឆ្នាំ ដែលជាអណិកជនខ្មែរ-អាមេរិក, ទី២-ឈ្មោះ គីម សុខ ភេទប្រុស អាយុ៣២ឆ្នាំ មុខរបរមិនពិតប្រាកដ និងទី៣-ឈ្មោះ យឿន ពិសិដ្ឋ ភេទប្រុស អាយុ៣២ឆ្នាំ មុខរបរមិនពិតប្រាកដ។អ្នកទាំងពីរមានទីនំលំនៅ នៅភូមិត្រពាំងព្រៃ ឃុំទំបន់ធំ ស្រុកពញ្ញាឮ ខេត្តកណ្តាល។
ប្រភពពីមន្រ្តីនគរបាលការិយាល័យសន្តិសុខផ្ទៃក្នុង បានឱ្យដឹងថា ក្រោយពីទទួលបានព័ត៌មានពីជនខាងលើរើសមនុស្សចំនូន ១០០នាក់ ឱ្យធ្វើជាអង្គរក្សលោក កែវ វិបុល ដែលជាអាណិកជនខ្មែរ-អាមេរិកនោះ សមត្ថកិច្ចបានធ្វើការតាមដាន រហូតឈានដល់ឃាត់ខ្លួន ដើម្បីសួររកមូលហេតុ អំពីការរើសមនុស្សមកធ្វើជាអ្នកការពារ ដោយពួគគេសន្យា នឹងឱ្យប្រាក់ខែចំនួន ២០០ដុល្លារ ដល់ ២៥០ដុល្លារ ក្នុងមួយខែ ប៉ុន្តែក្នុងខែដំបូង គឺឱ្យត្រឹមតែចំនួន ១០០ដុល្លារនិងអាយកូមចំនួនម្នាក់ ១សិន។
ក្រោយឃាត់ខ្លួនសមត្ថកិច្ចដកហូតបានបញ្ជីឈ្មោះរើសបានចំនួន ១៦នាក់ និង វិទ្យុទាក់ទងចំនួន១៦គ្រឿង ព្រមទាំងឯកសណ្ឋាន និង សម្ភារមួយចំនួនទៀត។ ចំពោះករណីចាងលើនេះ បច្ចុប្បន្ន កំលាំងសមត្ថកិច្ចនគរបាល បាននិងកំពុងធ្វើការស្រាវជ្រាវបន្ត។
ប្រភពពី Free Press Magazine
