រថយន្តដឹកទំនិញ និងរ៉ឺម៉កម៉ូតូ ត្រូវឈប់នៅចំណតជាយក្រុង ពេលថ្ងៃបុណ្យអុំទូក
ភ្នំពេញ:សាលារាធានីភ្នំពេញ បានចេញសេចក្តីជូនដំណឹងដល់ម្ចាស់រថយន្តដឹកទំនិញ រថយន្តឈ្នួលដឹកអ្នកដំណើរ និងរ៉ឺម៉កម៉ូតូ ស្តីពីការពង្វាងការធ្វើចរាចរក្នុងព្រះរាជពិធីបុណ្យអុំទូក បណ្តែងប្រទីប និងសំពះព្រះខែ អកអំបុក រយៈពេលបីថ្ងៃ ចាប់ពីថ្ងៃទី៥ ដល់ថ្ងៃទី៧ ខែវិច្ឆិកា ឆ្នាំ២០១៤។
សេចក្តីជូនដំណឹងរបស់សាលារាធានីភ្នំពេញ កាលពីថ្ងៃទី៣១ ខែតុលា ឆ្នាំ២០១៤ បានឲ្យដឹងថា ដើម្បីកាត់បន្ថយនូវការកកស្ទះចរាចរនៅរាជធានីភ្នំពេញ ក្នុងព្រះរាជពិធីបុណ្យអុំទូក បណ្តែងប្រទីប និងសំពះព្រះខែ អកអំបុក ដែលនឹងប្រព្រឹត្តទៅ ចាប់ពីថ្ងៃទី៥រហូតដល់ថ្ងៃទី៧ ខែវិច្ឆិកាឆ្នាំ២០១៤ សាលារាជធានីភ្នំពេញសូមធ្វើការណែនាំដូចខាងក្រោម៖
១-រថយន្តធុនធំ រថយន្តដឹកទំនិញ រថយន្តឈ្នួលដឹកអ្នកដំណើរ និងរ៉ឺម៉កម៉ូតូ មិនអនុញ្ញាតឲ្យចរាចរចូលក្នុងរាជធានីភ្នំពេញ ចាប់ពីថ្ងៃទី៥ រហូតដល់ថ្ងៃទី៧ ខែវិច្ឆិកា ឆ្នាំ២០១៤ ចាប់ពីម៉ោង ១០ព្រឹក រហូតដល់ម៉ោង១០យប់។ រថយន្តទាំងអស់ខាងលើអាចចរាចរបានចាប់ពីម៉ោង ១០យប់ រហូតដល់ម៉ោង ១០ ព្រឹក។
២-យានយន្ត ដែលធ្វើចរាចរតាមផ្លូវជាតិលេខ៦៖ សម្រាប់រថយន្តធុនធំ ត្រូវបង្វែរទិសធ្វើដំណើរឆ្លងកាត់ស្ពានព្រែកព្នៅ តាមផ្លូវទំនប់កប់ស្រូវ ឬចូលចតនៅចំណតរថយន្តព្រែកលៀប។ ចំពោះរថយន្តដឹកទំនិញ រថយន្តដឹកអ្នកដំណើរ និងរ៉ឺម៉កម៉ូតូ ត្រូវចូលចតនៅចំណតជ្រោយចង្វា ទីធ្លាវត្តគៀនឃ្លាំង និងសាលាមឋមសិក្សាព្រែកលៀប។
៣-យានយន្តធ្វើចរាចរតាមផ្លូវជាតិលេខ៥៖ សម្រាប់រថយន្តធុនធំត្រូវបង្វែរទិសតាមផ្លូវទំនប់កប់ស្រូវ ឬចូលចតនៅចំណតគីឡូម៉ែត្រលេខ៩។ ចំពោះរថយន្តដឹកទំនិញ រថយន្តដឹកអ្នកដំណើរ និងរ៉ឺម៉កម៉ូតូ ត្រូវចូលចតនៅសាលាដែក ដោយមិនចូលហួសផ្លូវលេខ៦៨ឡើយ។
៤-យានយន្តដែលធ្វើចរាចរតាមផ្លូវជាតិលេខ៣៖ សម្រាប់រថយន្តធុនធំ និងរថយន្តដឹកទំនិញ ត្រូវចូលចតនៅចំណតរថយន្តចោមចៅ។ ចំពោះរថយន្ត និងរ៉ឺម៉កដឹកអ្នកដំណើរមកទស្សនាព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ត្រូវឈប់ចតមិនឲ្យហួសស្តុបពតប្រ៊ីតឡើយ។
៥-យានយន្តដែលធ្វើចរាចរតាមផ្លូវជាតិលេខ៤៖
សម្រាប់រថយន្តគ្រប់ប្រភេទ ដែលធ្វើចរាចរឆ្លងកាត់រាជធានីភ្នំពេញ ទៅតាមបណ្តាខេត្តប៉ែកពាយ័ព្យ និងឦសាន្ត ត្រូវធ្វើចរាចរតាមផ្លូវទំនប់កប់ស្រូវ ទៅតាមផ្លូវជាតិលេខ៥ ឬឆ្លងកាត់ស្ពានព្រែកព្នៅ។ ចំពោះរថយន្តដឹកជញ្ជូនធុនធំ និងរថយន្តដឹកទំនិញឆ្លងកាត់ចូលរាជធានីភ្នំពេញ ត្រូវចូលចតនៅចំណតរថយន្តចោមចៅ។ ដោយឡែករថយន្ត និងរ៉ឺម៉កដឹកអ្នកដំណើរមកទស្សនាព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ត្រូវឈប់ចតមិនឲ្យហួសស្តុបណតប្រ៊ីត។
សម្រាប់រថយន្តគ្រប់ប្រភេទ ដែលធ្វើចរាចរឆ្លងកាត់រាជធានីភ្នំពេញ ទៅតាមបណ្តាខេត្តប៉ែកពាយ័ព្យ និងឦសាន្ត ត្រូវធ្វើចរាចរតាមផ្លូវទំនប់កប់ស្រូវ ទៅតាមផ្លូវជាតិលេខ៥ ឬឆ្លងកាត់ស្ពានព្រែកព្នៅ។ ចំពោះរថយន្តដឹកជញ្ជូនធុនធំ និងរថយន្តដឹកទំនិញឆ្លងកាត់ចូលរាជធានីភ្នំពេញ ត្រូវចូលចតនៅចំណតរថយន្តចោមចៅ។ ដោយឡែករថយន្ត និងរ៉ឺម៉កដឹកអ្នកដំណើរមកទស្សនាព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ត្រូវឈប់ចតមិនឲ្យហួសស្តុបណតប្រ៊ីត។
៦-យានយន្ត ដែលធ្វើចរាចរតាមផ្លូវជាតិលេខ២៖
សម្រាប់រថយន្តធុនធំ រថយន្តដឹកទំនិញ រថយន្តដឹកអ្នកដំណើរគ្រប់ប្រភេទ និងរ៉ឺម៉កម៉ូតូត្រូវចូលចតនៅចំណតចាក់អង្រែក្រោម និងអនុវិទ្យាល័យចាក់អង្រែក្រោម។
សម្រាប់រថយន្តធុនធំ រថយន្តដឹកទំនិញ រថយន្តដឹកអ្នកដំណើរគ្រប់ប្រភេទ និងរ៉ឺម៉កម៉ូតូត្រូវចូលចតនៅចំណតចាក់អង្រែក្រោម និងអនុវិទ្យាល័យចាក់អង្រែក្រោម។
៧-យានយន្តដែលធ្វើចរាចរតាមផ្លូវជាតិលេខ១៖
សម្រាប់រថយន្តធុនធំ និងរថយន្តដឹកទំនិញ ត្រូវចូលចតនៅចំណតឧកញ៉ា ស៊ុយ សុផាន។ ចំពោះរថយន្តដឹកអ្នកដំណើរគ្រប់ប្រភេទ និងរ៉ឺម៉កម៉ូតូ ត្រូវចូលចតនៅវត្តនិរោធរង្សី និងវិទ្យាល័យច្បារអំពៅ។
សម្រាប់រថយន្តធុនធំ និងរថយន្តដឹកទំនិញ ត្រូវចូលចតនៅចំណតឧកញ៉ា ស៊ុយ សុផាន។ ចំពោះរថយន្តដឹកអ្នកដំណើរគ្រប់ប្រភេទ និងរ៉ឺម៉កម៉ូតូ ត្រូវចូលចតនៅវត្តនិរោធរង្សី និងវិទ្យាល័យច្បារអំពៅ។
៨-យានយន្តធុនធំ និងរថយន្តដឹកទំនិញដែលធ្វើចរាចរតាមផ្លូវលេខ៣៧១ និងផ្លូវលេខ២៧១ ចូលតាមផ្លូវលេខ២១៧ (ផ្លូវចំការដូង) ត្រូវឈប់ចតនៅខាងត្បូងស្ពានម័ល។ ចំពោះរថយន្តដឹកអ្នកដំណើរ មកចូលរួមទស្សនាព្រះរាជពិធីបុណ្យអុំទូកបណ្តែតប្រទីបនិងសំពះព្រះខែ អកអំបុក ត្រូវឈប់នៅផ្លូវលេខ២៧១ ត្រឡប់ក្រោយនៅពេលដាក់មនុស្សចុះពីរថយន្តរួច។
៩-យានយន្តដែលធ្វើចរាចរតាមផ្លូវចោមចៅ(ផ្លូវវ៉េងស្រេង)៖ សម្រាប់រថយន្តធុនធំត្រូវចូលចតនៅចំណតរថយន្តចោមចៅ។ ចំពោះរថយន្តដឹកទំនិញ រថយន្តដឹកអ្នកដំណើរគ្រប់ប្រភេទ និងរ៉ឺម៉កម៉ូតូ ត្រូវចូលចតនៅសាលាមឋមសិក្សាស្ទឹងមានជ័យ។
១០-ចំពោះរថយន្ត និងរ៉ឺម៉កដឹកអ្នកដំណើរ មកចូលរួមទស្សនាព្រះរាជពិធីបុណ្យអុំទូកបណ្តែតប្រទីបនិងសំពះព្រះខែ អកអំបុក តាមផ្លូវលេខ៥៩៨ និងមហាវិថីឧកញ៉ាម៉ុងឬទ្ធី ត្រូវបង្វែរចូលតាមផ្លូវតូចៗ មិនឲ្យចូលហួសមហាវិថីគីមអ៊ីលស៊ុងឡើយ។
សាលារាជធានីភ្នំពេញ បានបញ្ជាក់ទៅកាន់គ្រប់សាលាខណ្ឌ មន្ទីរជុំវិញសាលារាជធានីភ្នំពេញ និងអាជ្ញាធរពាក់ព័ន្ធ ត្រូវធ្វើការផ្សព្វផ្សាយសេចក្តីជូនដំណឹងនេះ ឲ្យបានទូលំទូលាយ និងចាត់តាំងអនុវត្តឲ្យមានប្រសិទ្ធិភាពខ្ពស់៕ ប្រភព ៖ CEN
