UNWTO សម្រេចដាក់បញ្ចូលអាជ្ញាធរអប្សរា ជាអនុសមាជិក នៃអង្គការទេសចរណ៍ពិភពលោក
សៀមរាប៖ មន្រ្តីជាន់ខ្ពស់អាជ្ញាធរអប្សរា ដែលគ្រប់គ្រងរមណីយដ្ឋានអង្គរបានប្រកាសថា ខ្លួនបានសម្រេចប្រកបដោយជោគជ័យក្នុងការបញ្ជូនអង្គភាព អាជ្ញាធរអប្សរាទៅជាអនុសមាជិកនៃអង្គការទេចសចរណ៍ពិភពលោក នៃអង្គការសហប្រជាជាតិ ដែលហៅកាត់ ( UNWTO)។
បើយោងតាម សេចក្ដីប្រកាសព័ត៌មាន របស់អាជ្ញាធរអប្សរា ចេញផ្សាយនៅថ្ងៃទី១៣ ខែតុលា បានឲ្យដឹងថា ក្នុងឋានៈជាអនុសមាជិក នៃអង្គការទេសចរណ៍ពិភពលោក នៃអង្គការសហប្រជាជាតិ អាជ្ញាធរអប្សរា នឹងបានទទួលផលប្រយោជន៍ពេញលេញ ដូចជាសមាជិកផ្សេងទៀត គិតចាប់ពីថ្ងៃបញ្ចូលជាអនុសមាជិក ដែលរួមមាន៖
សៀមរាប៖ មន្រ្តីជាន់ខ្ពស់អាជ្ញាធរអប្សរា ដែលគ្រប់គ្រងរមណីយដ្ឋានអង្គរបានប្រកាសថា ខ្លួនបានសម្រេចប្រកបដោយជោគជ័យក្នុងការបញ្ជូនអង្គភាព អាជ្ញាធរអប្សរាទៅជាអនុសមាជិកនៃអង្គការទេចសចរណ៍ពិភពលោក នៃអង្គការសហប្រជាជាតិ ដែលហៅកាត់ ( UNWTO)។បើយោងតាម សេចក្ដីប្រកាសព័ត៌មាន របស់អាជ្ញាធរអប្សរា ចេញផ្សាយនៅថ្ងៃទី១៣ ខែតុលា បានឲ្យដឹងថា ក្នុងឋានៈជាអនុសមាជិក នៃអង្គការទេសចរណ៍ពិភពលោក នៃអង្គការសហប្រជាជាតិ អាជ្ញាធរអប្សរា នឹងបានទទួលផលប្រយោជន៍ពេញលេញ ដូចជាសមាជិកផ្សេងទៀត គិតចាប់ពីថ្ងៃបញ្ចូលជាអនុសមាជិក ដែលរួមមាន៖
ទី០១-ការផ្សារភ្ជាប់ទំនាក់ទំនងជាសាកល ជាមួយអង្គការក្រៅរដ្ឋាភិបាលនានា ក្នុងវិស័យទេសចរណ៍ នៅជុំវិញពិភពលោក ដែលមានបំណងចែករំលែកព័ត៌មាន ចំណេះដឹង របកគំហើញថ្មីៗ និងឧត្ដមានុវត្ដន៍របស់ខ្លួន នៅក្នុងវិស័យនេះ។
ទី០២-កិច្ចសហប្រតិបត្ដិការ កាន់តែជិតស្និទជាមួយអង្គការទេសចរណ៍ពិភពលោក ក៏ដូចជាភាពជាដៃគូ ជាមួយបណ្ដាសមាជិកផ្សេងៗជាច្រើន ទាំងក្នុងវិស័យឯកជន និងរដ្ឋ និងជាបច្ច័យវិជ្ជមានមួយ ជួយដល់ការលើកកម្ពស់ ប្រសិទ្ធភាពការងាររបស់អាជ្ញាធរអប្សរា ឲ្យកាន់តែប្រសើរឡើងថែមទៀត ជាពិសេសនៅក្នុងកិច្ចខិតខំប្រឹងប្រែង អភិវឌ្ឍវិស័យទេសចរណ៍អង្គរ ប្រដោយចីរភាព។ និងទី០៣-លទ្ធភាពចូលទៅប្រើប្រាស់ធនធាន ឯកសារដ៏សម្បូរបែបនៅក្នុងបណ្ដាល័យ អេឡិច ត្រូនិករបស់អង្គការទេសចរណ៍ពិភពលោក។
សេចក្តីប្រកាសដដែលមានខ្លឹមសារថា ការដាក់បញ្ចូលជាអនុសមាជិកនៃអង្គការអន្តរជាតិខាងលើមិនមែនតែអង្គភាពអាជ្ញាធរអប្សរាមួយប៉ុណ្ណោះទេ ក៏មានស្ថាប័នអន្តរជាតិសំខាន់មួយចំនួនទៀត មកពីប្រទេសតួគី អេស្បាញ៉ ប្រេស៊ីល សហរដ្ឋ អាមេរិក អាហ្សង់ទីន និងអ៊ីរ៉ងផងដែរ។ សមាជិកភាពទាំងនេះ និងធ្វើសច្ចាប័នដោយមហាសន្និបាតលើកក្រោយរបស់ (UNWTO) ដែលប្រព្រឹត្តនៅខែកញ្ញា ឆ្នាំ២០១៥ នៅប្រទេសកូឡុំប៊ី៕
ប្រភពពី Free Press Magazine
