ថៅកែក្រុមហ៊ុន GST សារភាពពីការសម្លាប់ប្រពន្ធកូនរបស់ខ្លួន
ភ្នំពេញៈ អតីត
ឧត្តមសេនីយ៍យោធាផ្កាយពីរម្នាក់
ដែលជាថៅកែក្រុមហ៊ុនរថយន្តដឹកអ្នកដំណើរ GST
បានសារភាពពីការសម្លាប់ប្រពន្ធកូនរបស់ខ្លួន កាលពីអំឡុង ខែកុម្ភៈ
ឆ្នាំ២០១៤ ហើយបានយកសាកសពទៅបោះចោលបំបាត់ដាននៅ ជ្រោះពេជ្រនិល
ជាមួយនឹងការសម្តែងនូវវិប្បដិសារីយ៉ាងខ្លាំង
រហូតដល់ទៅចង់សម្លាប់ខ្លួននៅក្នុងពន្ធនាគារ។ នេះ
បើតាមមន្ត្រីសាលាដំបូងរាជធានី និងឆ្មាំពន្ធនាគារ ព្រៃស
បានឲ្យដឹងនៅពេលនាំជនជាប់ចោទរូបនេះ
មកសាកសួរបន្ថែមដើម្បីបិទបញ្ចប់សំណុំរឿងកាលពីម្សិលមិញ។
មន្ត្រី
តុលាការម្នាក់ ដែលបដិសេធសុំមិនបញ្ចេញឈ្មោះ បានអះអាងប្រាប់ ភ្នំពេញ
ប៉ុស្តិ៍ ថា ចៅក្រមស៊ើបសួរ សាលាដំបូងរាជធានី លោក គី ឆៃ
កាលពីព្រឹកម្សិលមិញបានកោះហៅ និងធ្វើការសាកសួរ ជនជាប់ចោទ ឈ្មោះ
គឹម ម៉ាវិន្ថា ភេទប្រុស អាយុ ៥៧ឆ្នាំ ដែលជាអគ្គនាយកក្រុមហ៊ុន GST
ដឹកអ្នកដំណើរ ដែលជាប់ចោទពីបទ «មនុស្សឃាតមានស្ថានទម្ងន់ទោស»
ជាប់ពាក់ព័ន្ធនឹងករណីអំពើឃាតកម្មសម្លាប់ ស្រ្តីជាប្រពន្ធចុង
និងកូនស្រីរបស់ខ្លួន ប្រព្រឹត្តកាលពីពាក់កណ្តាល ខែកុម្ភៈ
ឆ្នាំ២០១៤។ ក្នុងការសាកសួរដែលបានបញ្ចប់ជាស្ថាពរនោះ ជនជាប់ចោទ
ម៉ាវិន្ថា បានសារភាពអំពីកំហុសរបស់គាត់
និងមានវិប្បដិសារីយ៉ាងខ្លាំង ចំពោះទង្វើរបស់គាត់។
មន្ត្រី
តុលាការរូបនេះបន្ថែមថា៖ «យោងតាមនីតិវិធីច្បាប់
កាលណាសំណុំរឿងក្តីត្រូវបានលោកចៅក្រមស៊ើបសួរបញ្ចប់ការស៊ើបសួរ
ហើយនោះ លោកចៅក្រមនឹងដាក់សំណុំរឿងនេះ ទៅក្នុងកម្មវិធី ឬ
របៀបវារៈនៃសវនាការនាពេលខាងមុខ»។
លោក
ចៅក្រម គី ឆៃ មិនអាចទាក់ទង សុំអធិប្បាយបានទេ កាលពីម្សិលមិញ
ដោយទូរស័ព្ទរបស់លោកមិនមានអ្នកទទួល។ ចំណែកឯជនជាប់ចោទ គឹម
ម៉ាវិន្ថា បានបដិសេធមិនឆ្លើយនឹងសំណួរឡើយ នៅពេលអ្នកយកព័ត៌មាន
ភ្នំពេញ ប៉ុស្តិ៍
បានស្ទាក់សួរនៅពេលដែលគាត់ត្រូវបានកងអនុរក្សពន្ធនាគារព្រៃស
បាននាំខ្លួនបញ្ជូលឡាន ដើម្បីនាំយកទៅកាន់មន្ទីរពន្ធនាគារព្រៃស
វិញកាលពីរសៀលថ្ងៃម្សិលមិញ។ មេធាវីរបស់លោក គឹម ម៉ាវិន្ថា
ក៏មិនអាចទាក់ទងសុំការអធិប្បាយបានដែរ
ខណៈដែលមន្ត្រីសាលាដំបូងរាជធានីផ្សេងទៀតបានបដិសេធធ្វើអធិប្បាយ។
អនុរក្ស
ពន្ធនាគារព្រៃស ម្នាក់ដែលបដិសេធសុំមិនបញ្ចេញឈ្មោះ
បានអះអាងប្រាប់ ភ្នំពេញ ប៉ុស្តិ៍ កាលពីម្សិលមិញថា លោក គឹម ម៉ាវិន្ថា
មានវិប្បដិសារីយ៉ាងខ្លាំង
ចំពោះការជ្រុលដៃសម្លាប់ប្រពន្ធកូនរបស់ខ្លួន
រហូតដល់គាត់ចង់ធ្វើអត្តឃាតក្នុងពន្ធនាគារទៀតផង។
យោង
តាមឯកសាររបស់តុលាការ បានឲ្យដឹងថា ជនជាប់ចោទ ម៉ាវិន្ថា
ត្រូវបានចោទប្រកាន់ពីតំណាងអយ្យការពីបទ
«មនុស្សឃាតមានស្ថានទម្ងន់ទោស»។
ជនជាប់ចោទត្រូវបានចាប់ខ្លួននៅក្នុង ប្រទេសថៃ
តាមកិច្ចសហការរវាងភាគី កម្ពុជា-ថៃ
និងត្រូវបានបញ្ជូនប្រគល់ឲ្យសមត្ថកិច្ចកម្ពុជា កាលពីថ្ងៃ ទី១២
ខែកញ្ញា ឆ្នាំ២០១៤។
នៅ
ក្នុងសំណុំរឿងនេះមានជនសង្ស័យចំនួន ៣ នាក់ជាប់ពាក់ព័ន្ធ
និងត្រូវបានចោទប្រកាន់។ ជនជាប់ចោទទាំង ៣ នាក់នេះ មានឈ្មោះ ជា
សំណាង ភេទប្រុស អាយុ ៣៤ឆ្នាំ (ស្ថិតនៅក្នុងឃុំ) និង គឹម ម៉ាវិន្ថា
រួមទាំងកូនប្រុសរបស់គាត់ម្នាក់ដែលកំពុងតែរត់គេចខ្លួនទៅក្រៅ
ប្រទេស។
សាក
សពស្ត្រីជាម្តាយ និងកូនស្រីតូចម្នាក់ ដែលដាក់ក្នុងថង់ប្លាស្ទិក
ត្រូវបានអ្នកភូមិ
ដែលប្រកបមុខរបរជាអ្នកកាប់អុសបានប្រទះឃើញនៅក្នុងជ្រោះពេជ្រ
និល ក្នុង ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ កាលពីថ្ងៃ
ទី២១ ខែមីនា ឆ្នាំ២០១៤។
ស្រ្តីជាប្រពន្ធចុងដែលត្រូវបានសម្លាប់មានអាយុប្រមាណជា ២៧ ឆ្នាំ
និងកូនស្រីមានអាយុ ៦ ឆ្នាំ៕
_________________________
ប្រភពព័ត៌មានពី៖ ខ្មែរប៉ុស្តិ៍
ប្រភពព័ត៌មានពី៖ ខ្មែរប៉ុស្តិ៍
