កាសែតបក្សកុម្មុយនីស្តវៀតណាមត្រូវបានបង្កើតនៅកម្ពុជា
ភ្នំពេញៈ កាសែត ញ៉ានដាន «ប្រជាជន» ដែលជាសរីរាង្គកណ្តាលនៃបក្សកុម្មុយនីស្តវៀតណាម សំឡេងបក្ស រដ្ឋ និងប្រជាជនវៀតណាម ត្រូវបានបង្កើតឡើងនៅក្នុង ប្រទេសកម្ពុជា និងបានចាប់ផ្តើមជាផ្លូវការហើយ។
កាសែត ញ៉ានដាន ដែលត្រូវបានបង្កើតឡើងក្នុង ប្រទេសកម្ពុជា និងបោះពុម្ពផ្សាយជាភាសាវៀតណាម គឺជាការិយាល័យតំណាង ទី៥ នៃកាសែតនេះ និងការិយាល័យតំណាងដទៃៗទៀតនៅ ប្រទេសបារាំង ចិន ថៃ និង ប្រទេសឡាវ។
ថ្លែងនៅពិធីបើកលោក Thuan Huu សមាជិកនៃគណៈកម្មាធិការកណ្តាលនៃបក្សកុម្មុយនីស្តវៀតណាម និងជានិពន្ធនាយកនៃកាសែតនេះនិងជាប្រធានសមាគមអ្នកកាសែតវៀតណាម បានថ្លែងថា ការចាប់ផ្តើមការិយាល័យតំណាងនៃកាសែត Nhan Dan ក្នុង ប្រទេសកម្ពុជា មានគោលបំណងលើកកម្ពស់ការផ្សព្វផ្សាយព័ត៌មានអំពីគោលនយោបាយរដ្ឋវៀតណាម និងសមិទ្ធផលសេដ្ឋកិច្ចសង្គមរបស់ប្រទេសទាំងពីរ។
លោកថា៖ «កាសែតនេះក៏នឹងឆ្លុះបញ្ចាំងភ្លាមៗផងដែរលើគ្រប់វិស័យដូចជានយោបាយ សេដ្ឋកិច្ច និងសង្គមក្នុង ប្រទេសវៀតណាម និងកម្ពុជា ដោយជួយពង្រឹងមិត្តភាពនិងសាមគ្គីភាពរវាងប្រជាជនទាំងពីរ»។
ថ្លែងតាមរយៈអ្នកបកប្រែលោក Thuan Hun បានឲ្យដឹងថា៖ «ការិយាល័យកាសែត Nhan Dan ក្នុង ប្រទេសកម្ពុជា គឺជាស្ពានថ្មីមួយដើម្បីពង្រឹងនិងពង្រីកទំនាក់ទំនងល្អណាស់សម្រាប់អត្ថប្រយោជន៍រួមនៃប្រជាជនទាំងពីររបស់យើង»។
លោកបន្ថែមថា កាសែត Nhan Dan ចេញផ្សាយជារៀងរាល់ថ្ងៃសប្តាហ៍ និងចុងខែ និងចេញផ្សាយតាមការបោះពុម្ពអេឡិចត្រូនិកជាភាសាវៀតណាម ផងដែរ អង់គ្លេស ចិន និងបារាំង ហើយជាងនេះទៀតកាសែត Nhan Dan នឹងបង្កើតទូរទស្សន៍មួយទៀតនៅដើម ឆ្នាំ២០១៥ ហើយកាសែតនេះនឹងគ្រោងបង្កើតការិយាល័យរបស់ខ្លួននៅប្រទេសដទៃៗទៀតផងដែរ។
រដ្ឋមន្រ្តីក្រសួងព័ត៌មាន លោក ខៀវ កាញារីទ្ធ បានថ្លែងថា នេះមិនមែនជាលើកទីមួយទេដែលកាសែតវៀតណាមបង្កើតឡើងក្នុងប្រទេសកម្ពុជា។ លោកបន្ថែមថា កាល ឆ្នាំ១៩៧៨ កម្ពុជាមានវិទ្យុសំឡេង ប្រជាជនវៀតណាម ហើយវិទ្យុវៀតណាម ជួយរៀបចំវិទ្យុប្រជាជនកម្ពុជា ហើយកាសែតវៀតណាមក៏បានបង្កើតភ្នាក់ងារ SPK ផងដែរ។
លោក ខៀវ កាញារីទ្ធ បានថ្លែងបន្តថា៖ «នៅពេលយើងរំដោះពីរបបខ្មែរក្រហមថ្ងៃ ៧ មករា ១៩៧៩ យើងចាំបាច់ត្រូវមានកាសែតមួយទៀតដើម្បីបោះពុម្ពសម្រាប់ប្រជាជនកម្ពុជា នៅពេលនោះកាសែត Nhan Dan បានបញ្ជូនអ្នកសរសេរល្បីម្នាក់របស់កាសែត Nhan Dan មកជួយកម្ពុជារបស់យើង។ ដូច្នេះកាសែត Nhan Dan បង្កើតការិយាល័យមួយនៅកម្ពុជាគឺដើម្បីពង្រឹងនិងកាន់តែមានភាពជិតស្និទ្ធជាមួយគ្នាលើប្រព័ន្ធព័ត៌មាននៃប្រទេសទាំងពីររបស់យើង»។
លោក ប៉ា ងួនទៀង នាយកប្រតិបត្តិនៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ បានថ្លែងថា ការបង្កើតការិយាល័យកាសែត Nhan Dan ក្នុងប្រទេសកម្ពុជា លោកមិនសង្ឃឹមថា កាសែត Nhan Dan អាចផ្តល់អត្ថប្រយោជន៍សម្រាប់ប្រជាជនកម្ពុជា ទេប្រសិនបើកាសែតមួយនេះមិនឯករាជ្យទេនោះ។
លោកបានឲ្យដឹងបន្ថែមទៀតថា៖ «ពួកគេចង់ប្រមូលព័ត៌មានសម្រាប់បក្សរបស់ពួកគេ។ ខ្ញុំមិនមានជំនឿថា កាសែតនេះឯករាជ្យទេ ពីព្រោះនៅវៀតណាម គឺតឹងរ៉ឹងបម្រើតែបក្សប៉ុណ្ណោះ ដូច្នេះប្រសិនបើកាសែតនេះមិនឯករាជ្យ វាមិនផ្តល់អត្ថប្រយោជន៍សម្រាប់ប្រជាជនទេ»។
ប្រភពពី ភ្នំពេញប៉ុស្តិ៍
Read more: http://www.cambodiapage.info/?p=45374#ixzz3GfaUkSFP
ភ្នំពេញៈ កាសែត ញ៉ានដាន «ប្រជាជន» ដែលជាសរីរាង្គកណ្តាលនៃបក្សកុម្មុយនីស្តវៀតណាម សំឡេងបក្ស រដ្ឋ និងប្រជាជនវៀតណាម ត្រូវបានបង្កើតឡើងនៅក្នុង ប្រទេសកម្ពុជា និងបានចាប់ផ្តើមជាផ្លូវការហើយ។
កាសែត ញ៉ានដាន ដែលត្រូវបានបង្កើតឡើងក្នុង ប្រទេសកម្ពុជា និងបោះពុម្ពផ្សាយជាភាសាវៀតណាម គឺជាការិយាល័យតំណាង ទី៥ នៃកាសែតនេះ និងការិយាល័យតំណាងដទៃៗទៀតនៅ ប្រទេសបារាំង ចិន ថៃ និង ប្រទេសឡាវ។
ថ្លែងនៅពិធីបើកលោក Thuan Huu សមាជិកនៃគណៈកម្មាធិការកណ្តាលនៃបក្សកុម្មុយនីស្តវៀតណាម និងជានិពន្ធនាយកនៃកាសែតនេះនិងជាប្រធានសមាគមអ្នកកាសែតវៀតណាម បានថ្លែងថា ការចាប់ផ្តើមការិយាល័យតំណាងនៃកាសែត Nhan Dan ក្នុង ប្រទេសកម្ពុជា មានគោលបំណងលើកកម្ពស់ការផ្សព្វផ្សាយព័ត៌មានអំពីគោលនយោបាយរដ្ឋវៀតណាម និងសមិទ្ធផលសេដ្ឋកិច្ចសង្គមរបស់ប្រទេសទាំងពីរ។
លោកថា៖ «កាសែតនេះក៏នឹងឆ្លុះបញ្ចាំងភ្លាមៗផងដែរលើគ្រប់វិស័យដូចជានយោបាយ សេដ្ឋកិច្ច និងសង្គមក្នុង ប្រទេសវៀតណាម និងកម្ពុជា ដោយជួយពង្រឹងមិត្តភាពនិងសាមគ្គីភាពរវាងប្រជាជនទាំងពីរ»។
ថ្លែងតាមរយៈអ្នកបកប្រែលោក Thuan Hun បានឲ្យដឹងថា៖ «ការិយាល័យកាសែត Nhan Dan ក្នុង ប្រទេសកម្ពុជា គឺជាស្ពានថ្មីមួយដើម្បីពង្រឹងនិងពង្រីកទំនាក់ទំនងល្អណាស់សម្រាប់អត្ថប្រយោជន៍រួមនៃប្រជាជនទាំងពីររបស់យើង»។
លោកបន្ថែមថា កាសែត Nhan Dan ចេញផ្សាយជារៀងរាល់ថ្ងៃសប្តាហ៍ និងចុងខែ និងចេញផ្សាយតាមការបោះពុម្ពអេឡិចត្រូនិកជាភាសាវៀតណាម ផងដែរ អង់គ្លេស ចិន និងបារាំង ហើយជាងនេះទៀតកាសែត Nhan Dan នឹងបង្កើតទូរទស្សន៍មួយទៀតនៅដើម ឆ្នាំ២០១៥ ហើយកាសែតនេះនឹងគ្រោងបង្កើតការិយាល័យរបស់ខ្លួននៅប្រទេសដទៃៗទៀតផងដែរ។
រដ្ឋមន្រ្តីក្រសួងព័ត៌មាន លោក ខៀវ កាញារីទ្ធ បានថ្លែងថា នេះមិនមែនជាលើកទីមួយទេដែលកាសែតវៀតណាមបង្កើតឡើងក្នុងប្រទេសកម្ពុជា។ លោកបន្ថែមថា កាល ឆ្នាំ១៩៧៨ កម្ពុជាមានវិទ្យុសំឡេង ប្រជាជនវៀតណាម ហើយវិទ្យុវៀតណាម ជួយរៀបចំវិទ្យុប្រជាជនកម្ពុជា ហើយកាសែតវៀតណាមក៏បានបង្កើតភ្នាក់ងារ SPK ផងដែរ។
លោក ខៀវ កាញារីទ្ធ បានថ្លែងបន្តថា៖ «នៅពេលយើងរំដោះពីរបបខ្មែរក្រហមថ្ងៃ ៧ មករា ១៩៧៩ យើងចាំបាច់ត្រូវមានកាសែតមួយទៀតដើម្បីបោះពុម្ពសម្រាប់ប្រជាជនកម្ពុជា នៅពេលនោះកាសែត Nhan Dan បានបញ្ជូនអ្នកសរសេរល្បីម្នាក់របស់កាសែត Nhan Dan មកជួយកម្ពុជារបស់យើង។ ដូច្នេះកាសែត Nhan Dan បង្កើតការិយាល័យមួយនៅកម្ពុជាគឺដើម្បីពង្រឹងនិងកាន់តែមានភាពជិតស្និទ្ធជាមួយគ្នាលើប្រព័ន្ធព័ត៌មាននៃប្រទេសទាំងពីររបស់យើង»។
លោក ប៉ា ងួនទៀង នាយកប្រតិបត្តិនៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ បានថ្លែងថា ការបង្កើតការិយាល័យកាសែត Nhan Dan ក្នុងប្រទេសកម្ពុជា លោកមិនសង្ឃឹមថា កាសែត Nhan Dan អាចផ្តល់អត្ថប្រយោជន៍សម្រាប់ប្រជាជនកម្ពុជា ទេប្រសិនបើកាសែតមួយនេះមិនឯករាជ្យទេនោះ។
លោកបានឲ្យដឹងបន្ថែមទៀតថា៖ «ពួកគេចង់ប្រមូលព័ត៌មានសម្រាប់បក្សរបស់ពួកគេ។ ខ្ញុំមិនមានជំនឿថា កាសែតនេះឯករាជ្យទេ ពីព្រោះនៅវៀតណាម គឺតឹងរ៉ឹងបម្រើតែបក្សប៉ុណ្ណោះ ដូច្នេះប្រសិនបើកាសែតនេះមិនឯករាជ្យ វាមិនផ្តល់អត្ថប្រយោជន៍សម្រាប់ប្រជាជនទេ»។
ប្រភពពី ភ្នំពេញប៉ុស្តិ៍
