លោកសេរី កុសល ត្រូវបានព្រះមហាក្សត្រ ផ្លាស់ប្ដូរតួនាទីហើយ
រាជធានីភ្នំពេញ៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានចេញព្រះរាជក្រឹត្យ ត្រាស់បង្គាប់ បញ្ចប់តួនាទី លោកទេសរដ្ឋមន្ត្រី សេរី កុសល ទទួលបន្ទុកបេសកកម្មពិសេស អនុប្រធានក្រុមប្រឹក្សាស្តារអភិវឌ្ឍន៍ វិស័យកសិកម្ម និងជនបទ។
ជាមួយនឹងការបញ្ចប់តួនាទីនេះ ព្រះមហាក្សត្រ ក៏បានតែងតាំង លោក សេរី កុសល ជាអនុប្រធានអាជ្ញាធរកម្ពុជា គ្រប់គ្រងសកម្មភាពកម្ចាត់មីន និងសង្គ្រោះជនពិការ ដោយសារមីន។
នៅក្នុងព្រះរាជក្រឹត្យ បានបញ្ជាក់ថាលោក ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងអាណត្តិទី៥ ត្រូវទទួលបន្ទុកអនុវត្ត ព្រះរាជក្រឹត្យនេះ៕
ប្រភពពី Free Press Magazine
