លោកនាយករដ្ឋមន្ត្រីចូលរួមអន្តរាគមន៍ក្នុងការចរចាប្រាក់ខែ
លោកនាយករដ្ឋមន្ត្រី ហ៊ុន សែន
បានព្រមានចំពោះការដំឡើងប្រាក់ខែគោលហួសហេតុនិងគំហុកភ្លាមៗក្នុង
វិស័យកាត់ដេរដ៏សំខាន់នៅប្រទេសកម្ពុជា នៅ
ឯសន្និសីទស្តីពីវិស័យវិនិយោគទុន ក្នុងក្រុងភ្នំពេញកាលពីថ្ងៃច័ន្ទ
ដែលអំឡុងពេលនោះ មេដឹកនាំរដ្ឋាភិបាលនិងមេដឹកនាំធុរជន
មានសុទិដ្ឋិនិយមបំផុតអំពីឥទ្ធិពលនៃសមាហរណកម្មដែលនឹងមកដល់របស់
កម្ពុជា ជាមួយប្រទេសជិតខាងរបស់ខ្លួនក្នុងតំបន់។
ការថ្លែងដ៏ប្រយ័ត្នប្រយែងរបស់លោកនាយករដ្ឋមន្ត្រីបានធ្វើឡើង ចំពេលមានការចរចាតានតឹងរវាងរដ្ឋាភិបាល រោងចក្រ និងសហជីព ជំុវិញប្រាក់ខែគោលថ្មីប្រចាំខែសម្រាប់ឧស្សាហកម្មកាត់ដេរ ដែលរកចំណូលបានជាង៥ពាន់លានដុល្លារកាលពីឆ្នាំមុន។ កាលពីថ្ងៃច័ន្ទដែរ រដ្ឋាភិបាលបានលើកពេលការបោះឆ្នោតអំពីប្រាក់ខែគោលថ្មី ពីថ្ងៃសុក្រទៅខែក្រោយវិញ។
ក្នុងពេលដែលសហជីពមិនបានសម្រេចតាមការទាមទាររបស់ខ្លួនអំឡុង ការចរចាដំឡើងប្រាក់ខែកាលពីខែធ្នូនោះ ពួកគេបានធ្វើកូដកម្មនៅទូទាំងប្រទេស ដែលធ្វើឲ្យឧស្សាហកម្មនេះជាប់គាំងមួយរយៈពេលខ្លី និងបានបញ្ចប់ទៅវិញដោយមានការស្លាប់កម្មករយ៉ាងហោចណាស់៥នាក់ នៅពេលដែលកម្លាំងរាជអាវុធហត្ថបានបាញ់ទៅលើក្រុមអ្នកតវ៉ាក្នុង ក្រុងភ្នំពេញកាលពីថ្ងៃទី៣ខែមករា។
សហជីពមួយចំនួនក្នុងចំណោមសហជីពដដែលនេះកំពុងគំរាមធ្វើកូដកម្ម ដ៏ធំជាថ្មីទៀត ប្រសិនបើមិនមានការដំឡើងប្រាក់ចំនួន៧៧ដុល្លារលើប្រាក់ខែគោល បច្ចុប្បន្ន១០០ដុល្លារនៅឆ្នាំនេះទេនោះ។
ដោយចូលអន្តរាគមន៍ កាលពីថ្ងៃច័ន្ទ លោក ហ៊ុន សែន បានគាំទ្រភាគីរោងចក្រ ដែលកំពុងជំរុញឲ្យមានការដំឡើងប្រាក់ខែ១០ដុល្លារ ដោយលោកបានព្រមានថា ការដំឡើងច្រើនជាងនេះអាចធ្វើឲ្យវិនិយោគិនរត់ចេញពីប្រទេសនេះ ដូចដែលធ្លាប់បានកើតឡើងនៅប្រទេសចិនដែរ។
លោកនាយករដ្ឋមន្ត្រីបានមានប្រសាសន៍ក្នុងសុន្ទរកថាបើករបស់លោកនៅ សន្និសីទ ដែលរៀបចំឡើងដោយសភាពាណិជ្ជកម្មអន្តរជាតិនៃកម្ពុជាថា “ខ្ញុំសូមឲ្យអស់លោកយល់ឲ្យច្បាស់ថា ប្រាក់ខែអប្បបរមានេះអាចជាគ្រោះថ្នាក់មួយ”។
លោក ហ៊ុន សែន បានមានប្រសាសន៍ថា “ចាប់តាំងពីប្រទេសចិននិងប្រទេសថៃបានបង្កើនប្រាក់ខែឲ្យកម្មករ របស់ខ្លួនមក ក៏មានការលំបាកជាច្រើនភ្លាមៗចំពោះឧស្សាហករ ដែលធ្វើឲ្យប្រតិបត្តិការអាជីវកម្មបាត់បង់ភាពប្រកួតប្រជែង ដោយសារតម្លៃដើមខ្ពស់ជាងមុន ធ្វើឲ្យអ្នកវិនិយោគគិតអំពីការផ្លាស់ទៅទីតាំងថ្មី។ ដូច្នេះប្រទេសកម្ពុជាត្រូវចាប់យកឱកាសនេះគិតអំពីប្រាក់ខែគោល សមរម្យ និងត្រងយកវិនិយោគិនដែលរកកន្លែងវិនិយោគថ្មី”។
លោកនាយករដ្ឋមន្ត្រីបានទទួលស្គាល់ថា ប្រទេសកម្ពុជាត្រូវខិតខំច្រើនទៀតដើម្បីតាមឲ្យទាន់ប្រទេសជិតខាង របស់ខ្លួន ចាប់ពីការធ្វើប្រព័ន្ធផ្លូវថ្នល់របស់ខ្លួនរហូតដល់ការបន្ទាបតម្លៃ អគ្គិសនី ដែលថ្លៃបំផុតក្នុងតំបន់។ លោកបានមានប្រសាសន៍ថា ប្រទេសកម្ពុជាក៏បានខាតបង់សមត្ថភាពអគ្គិសនី២៤៦មេហ្គាវ៉ាត់ដែរនៅ រដូវវស្សានេះ ពីព្រោះប្រទេសកម្ពុជាខ្វះបណ្តាញបញ្ជូនចរន្តអគ្គិសនីដើម្បីចែកចាយ។
លោកបានមានប្រសាសន៍ទៀតថា “នោះបង្ហាញថា យើងមានរថយន្ត ប៉ុន្តែគ្មានផ្លូវថ្នល់បើកបរ”។
ទាក់ទងនឹងផ្លូវថ្នល់នេះវិញ លោក ហ៊ុន សែន មានប្រសាសន៍ថា គឺមានសារៈសំខាន់ណាស់ដែលប្រទេសកម្ពុជាក្លាយជាច្រកធ្វើដំណើរ ឆ្លងកាត់រវាងក្រុងបាងកកនិងក្រុងហូជីមិញ នៅពេលដែលសហគមន៍សេដ្ឋកិច្ចអាស៊ានលេចជារូបរាងនៅដំណាច់ឆ្នាំ២០១៥ ហើយរបាំងពាណិជ្ជកម្មចាប់ផ្តើមដកចេញ។
លោកបានមានប្រសាសន៍ថា “ការតភ្ជាប់ប៉ូលទាំងពីរនឹងបង្កើតឱកាសមួយសម្រាប់ប្រទេសកម្ពុជា ដើម្បីធ្វើសមាហរណកម្មទៅក្នុងខ្សែសង្វាក់ផលិតកម្មថ្នាក់តំបន់និង ថ្នាក់ពិភពលោក ហើយរួមចំណែកដល់កំណើនវិស័យឧស្សាហកម្មរបស់ប្រទេសកម្ពុជា។ ហើយក្រុមវិនិយោគិនអាចទទួលបានប្រយោជន៍ពីកម្លាំងការងារថ្មីថ្មោង និងមិនសូវមានជំនាញនៅប្រទេសកម្ពុជា”។
វាគ្មិនថ្លែងសុន្ទរកថាបើកក្នុងព្រឹត្តិការណ៍នោះ លោក ដូណាល់ កាណាក ប្រធានក្រុមហ៊ុន ប្រូដិនស្យល អេស៊ា បានមានប្រសាសន៍ថា ភាគលាភប្រជាសាស្ត្ររបស់ប្រទេសកម្ពុជា (កម្លាំងការងារច្រើនតែក្មេងៗ) នឹងជាប្រយោជន៍សំខាន់សម្រាប់ប្រទេសនេះ រួមជាមួយនឹងចំណូលកើនឡើង និងបរិយាកាសវិនិយោគអនុគ្រោះផង។
លោកមានប្រសាសន៍ថា “កត្តាទាំងនេះសុទ្ធតែបូកផ្សំគ្នា។ ប្រវត្តិរបស់ប្រទេសកម្ពុជាគឺពិសេស…ហើយប្រាកដណាស់ថា ពាក្យនេះនឹងខ្ច័រខ្ចាយ។ បើអ្នកប្រឹងប្រែង ផលិតផលរបស់ប្រទេសកម្ពុជានឹងលូតលាស់។
លោក ហ្វាយសាល អាមេដ តំណាងប្រចាំប្រទេសរបស់អង្គការមូលនិធិរូបិយវត្ថុអន្តរជាតិ បានយល់ស្របថា “ប្រវត្តិម៉ាក្រូរបស់ប្រទេសនេះ គឺថ្មីថ្មោងនិងសកម្ម”។
លោក អាមេដ មានប្រសាសន៍ថា ដើម្បីរក្សាកំណើនដ៏ឆាប់នេះក្នុងពេលសេដ្ឋកិច្ចសាកលលោកដែល គេទស្សទាយថានឹងមិនសូវមានសកម្មភាពនោះ អាទិភាពរបស់រដ្ឋាភិបាលគួរផ្តោតលើការបង្កើនប្រាក់ចំណូល ដែលនៅទាបនៅឡើយបើធៀបនៅក្នុងតំបន់នេះ។
លោកមានប្រសាសន៍ថា “វិនិយោគិនសម្លឹងមើលគុណភាពនៃសេដ្ឋកិច្ច ហើយការប្រើប្រាស់ប្រាក់ចំណូលនៅក្នុងការវិនិយោគដំណើរការទៅយ៉ាង លឿន និងរបៀបប្រើប្រាស់ទុនក៏មានភាពងាយស្រួលដែរ”។
លោក អេមេដ បានលើកឡើងថា ប្រាក់ឈ្នួលទាបដែលជាកត្តាពឹងផ្អែករបស់កម្ពុជាក្នុងការទាក់ទាញ វិនិយោគិននោះ ទំនងជាលែងសូវជាចំណុចគួរឲ្យចាប់អារម្មណ៍ទៀតហើយ ដោយសារតែកត្តាពេលវេលា ហើយលោកបានបន្តថា ប្រទេសនេះត្រូវផ្តោតសំខាន់ទៅលើផលិតភាពនៃកម្លាំងពលកម្មរបស់ ខ្លួន។
លោក វ៉ាន់ ស៊ូអៀង ប្រធានសមាគមរោងចក្រកាត់ដេរនៅកម្ពុជាបានលើកឡើងថា កង្វះខាតរបស់ប្រទេសកម្ពុជាតាំងពីហេដ្ឋារចនាសម្ពន្ធចាស់ៗរហូតដល់ កម្លាំងពលកម្មគ្មានជំនាញ ជាក់ស្តែងគឺជារឿងដែលត្រូវខ្វល់ខ្វាយ ពីព្រោះកត្តាទាំងនេះធ្វើឲ្យវិនិយោគិនស្ទាក់ស្ទើរក្នុងការមកធ្វើ ពាណិជ្ជកម្មនៅក្នុងប្រទេសនេះ។
លោកបានមានប្រសាសន៍ថា “ឱកាសវិនិយោគនៅប្រទេសកម្ពុជាមានច្រើនណាស់ ពីព្រោះអ្វីៗគ្រប់យ៉ាងនៅបាត់បង់យ៉ាងច្រើន ហើយប្រទេសនេះត្រូវការអ្វីៗគ្រប់យ៉ាង”។
លោកមានប្រសាសន៍បន្ថែមទៀតថា “ផ្នត់គំនិតរបស់ប្រជាជនកម្ពុជាក៏ប្លែកផងដែរ ពួកគេចូលចិត្តរៀនសូត្រ។ ពួកគេដឹងថា ពួកគេចាប់ផ្តើមពីឆ្នាំសូន្យ ដូច្នេះអ្នកអាចបង្រៀនពួកគេអំពីរឿងតូចៗគ្រប់យ៉ាង ពីព្រោះពួកគេចង់រៀនសូត្រ”៕មានិត (ប្រភព ៖ ខេមបូឌាដេលី)
ការថ្លែងដ៏ប្រយ័ត្នប្រយែងរបស់លោកនាយករដ្ឋមន្ត្រីបានធ្វើឡើង ចំពេលមានការចរចាតានតឹងរវាងរដ្ឋាភិបាល រោងចក្រ និងសហជីព ជំុវិញប្រាក់ខែគោលថ្មីប្រចាំខែសម្រាប់ឧស្សាហកម្មកាត់ដេរ ដែលរកចំណូលបានជាង៥ពាន់លានដុល្លារកាលពីឆ្នាំមុន។ កាលពីថ្ងៃច័ន្ទដែរ រដ្ឋាភិបាលបានលើកពេលការបោះឆ្នោតអំពីប្រាក់ខែគោលថ្មី ពីថ្ងៃសុក្រទៅខែក្រោយវិញ។
ក្នុងពេលដែលសហជីពមិនបានសម្រេចតាមការទាមទាររបស់ខ្លួនអំឡុង ការចរចាដំឡើងប្រាក់ខែកាលពីខែធ្នូនោះ ពួកគេបានធ្វើកូដកម្មនៅទូទាំងប្រទេស ដែលធ្វើឲ្យឧស្សាហកម្មនេះជាប់គាំងមួយរយៈពេលខ្លី និងបានបញ្ចប់ទៅវិញដោយមានការស្លាប់កម្មករយ៉ាងហោចណាស់៥នាក់ នៅពេលដែលកម្លាំងរាជអាវុធហត្ថបានបាញ់ទៅលើក្រុមអ្នកតវ៉ាក្នុង ក្រុងភ្នំពេញកាលពីថ្ងៃទី៣ខែមករា។
សហជីពមួយចំនួនក្នុងចំណោមសហជីពដដែលនេះកំពុងគំរាមធ្វើកូដកម្ម ដ៏ធំជាថ្មីទៀត ប្រសិនបើមិនមានការដំឡើងប្រាក់ចំនួន៧៧ដុល្លារលើប្រាក់ខែគោល បច្ចុប្បន្ន១០០ដុល្លារនៅឆ្នាំនេះទេនោះ។
ដោយចូលអន្តរាគមន៍ កាលពីថ្ងៃច័ន្ទ លោក ហ៊ុន សែន បានគាំទ្រភាគីរោងចក្រ ដែលកំពុងជំរុញឲ្យមានការដំឡើងប្រាក់ខែ១០ដុល្លារ ដោយលោកបានព្រមានថា ការដំឡើងច្រើនជាងនេះអាចធ្វើឲ្យវិនិយោគិនរត់ចេញពីប្រទេសនេះ ដូចដែលធ្លាប់បានកើតឡើងនៅប្រទេសចិនដែរ។
លោកនាយករដ្ឋមន្ត្រីបានមានប្រសាសន៍ក្នុងសុន្ទរកថាបើករបស់លោកនៅ សន្និសីទ ដែលរៀបចំឡើងដោយសភាពាណិជ្ជកម្មអន្តរជាតិនៃកម្ពុជាថា “ខ្ញុំសូមឲ្យអស់លោកយល់ឲ្យច្បាស់ថា ប្រាក់ខែអប្បបរមានេះអាចជាគ្រោះថ្នាក់មួយ”។
លោក ហ៊ុន សែន បានមានប្រសាសន៍ថា “ចាប់តាំងពីប្រទេសចិននិងប្រទេសថៃបានបង្កើនប្រាក់ខែឲ្យកម្មករ របស់ខ្លួនមក ក៏មានការលំបាកជាច្រើនភ្លាមៗចំពោះឧស្សាហករ ដែលធ្វើឲ្យប្រតិបត្តិការអាជីវកម្មបាត់បង់ភាពប្រកួតប្រជែង ដោយសារតម្លៃដើមខ្ពស់ជាងមុន ធ្វើឲ្យអ្នកវិនិយោគគិតអំពីការផ្លាស់ទៅទីតាំងថ្មី។ ដូច្នេះប្រទេសកម្ពុជាត្រូវចាប់យកឱកាសនេះគិតអំពីប្រាក់ខែគោល សមរម្យ និងត្រងយកវិនិយោគិនដែលរកកន្លែងវិនិយោគថ្មី”។
លោកនាយករដ្ឋមន្ត្រីបានទទួលស្គាល់ថា ប្រទេសកម្ពុជាត្រូវខិតខំច្រើនទៀតដើម្បីតាមឲ្យទាន់ប្រទេសជិតខាង របស់ខ្លួន ចាប់ពីការធ្វើប្រព័ន្ធផ្លូវថ្នល់របស់ខ្លួនរហូតដល់ការបន្ទាបតម្លៃ អគ្គិសនី ដែលថ្លៃបំផុតក្នុងតំបន់។ លោកបានមានប្រសាសន៍ថា ប្រទេសកម្ពុជាក៏បានខាតបង់សមត្ថភាពអគ្គិសនី២៤៦មេហ្គាវ៉ាត់ដែរនៅ រដូវវស្សានេះ ពីព្រោះប្រទេសកម្ពុជាខ្វះបណ្តាញបញ្ជូនចរន្តអគ្គិសនីដើម្បីចែកចាយ។
លោកបានមានប្រសាសន៍ទៀតថា “នោះបង្ហាញថា យើងមានរថយន្ត ប៉ុន្តែគ្មានផ្លូវថ្នល់បើកបរ”។
ទាក់ទងនឹងផ្លូវថ្នល់នេះវិញ លោក ហ៊ុន សែន មានប្រសាសន៍ថា គឺមានសារៈសំខាន់ណាស់ដែលប្រទេសកម្ពុជាក្លាយជាច្រកធ្វើដំណើរ ឆ្លងកាត់រវាងក្រុងបាងកកនិងក្រុងហូជីមិញ នៅពេលដែលសហគមន៍សេដ្ឋកិច្ចអាស៊ានលេចជារូបរាងនៅដំណាច់ឆ្នាំ២០១៥ ហើយរបាំងពាណិជ្ជកម្មចាប់ផ្តើមដកចេញ។
លោកបានមានប្រសាសន៍ថា “ការតភ្ជាប់ប៉ូលទាំងពីរនឹងបង្កើតឱកាសមួយសម្រាប់ប្រទេសកម្ពុជា ដើម្បីធ្វើសមាហរណកម្មទៅក្នុងខ្សែសង្វាក់ផលិតកម្មថ្នាក់តំបន់និង ថ្នាក់ពិភពលោក ហើយរួមចំណែកដល់កំណើនវិស័យឧស្សាហកម្មរបស់ប្រទេសកម្ពុជា។ ហើយក្រុមវិនិយោគិនអាចទទួលបានប្រយោជន៍ពីកម្លាំងការងារថ្មីថ្មោង និងមិនសូវមានជំនាញនៅប្រទេសកម្ពុជា”។
វាគ្មិនថ្លែងសុន្ទរកថាបើកក្នុងព្រឹត្តិការណ៍នោះ លោក ដូណាល់ កាណាក ប្រធានក្រុមហ៊ុន ប្រូដិនស្យល អេស៊ា បានមានប្រសាសន៍ថា ភាគលាភប្រជាសាស្ត្ររបស់ប្រទេសកម្ពុជា (កម្លាំងការងារច្រើនតែក្មេងៗ) នឹងជាប្រយោជន៍សំខាន់សម្រាប់ប្រទេសនេះ រួមជាមួយនឹងចំណូលកើនឡើង និងបរិយាកាសវិនិយោគអនុគ្រោះផង។
លោកមានប្រសាសន៍ថា “កត្តាទាំងនេះសុទ្ធតែបូកផ្សំគ្នា។ ប្រវត្តិរបស់ប្រទេសកម្ពុជាគឺពិសេស…ហើយប្រាកដណាស់ថា ពាក្យនេះនឹងខ្ច័រខ្ចាយ។ បើអ្នកប្រឹងប្រែង ផលិតផលរបស់ប្រទេសកម្ពុជានឹងលូតលាស់។
លោក ហ្វាយសាល អាមេដ តំណាងប្រចាំប្រទេសរបស់អង្គការមូលនិធិរូបិយវត្ថុអន្តរជាតិ បានយល់ស្របថា “ប្រវត្តិម៉ាក្រូរបស់ប្រទេសនេះ គឺថ្មីថ្មោងនិងសកម្ម”។
លោក អាមេដ មានប្រសាសន៍ថា ដើម្បីរក្សាកំណើនដ៏ឆាប់នេះក្នុងពេលសេដ្ឋកិច្ចសាកលលោកដែល គេទស្សទាយថានឹងមិនសូវមានសកម្មភាពនោះ អាទិភាពរបស់រដ្ឋាភិបាលគួរផ្តោតលើការបង្កើនប្រាក់ចំណូល ដែលនៅទាបនៅឡើយបើធៀបនៅក្នុងតំបន់នេះ។
លោកមានប្រសាសន៍ថា “វិនិយោគិនសម្លឹងមើលគុណភាពនៃសេដ្ឋកិច្ច ហើយការប្រើប្រាស់ប្រាក់ចំណូលនៅក្នុងការវិនិយោគដំណើរការទៅយ៉ាង លឿន និងរបៀបប្រើប្រាស់ទុនក៏មានភាពងាយស្រួលដែរ”។
លោក អេមេដ បានលើកឡើងថា ប្រាក់ឈ្នួលទាបដែលជាកត្តាពឹងផ្អែករបស់កម្ពុជាក្នុងការទាក់ទាញ វិនិយោគិននោះ ទំនងជាលែងសូវជាចំណុចគួរឲ្យចាប់អារម្មណ៍ទៀតហើយ ដោយសារតែកត្តាពេលវេលា ហើយលោកបានបន្តថា ប្រទេសនេះត្រូវផ្តោតសំខាន់ទៅលើផលិតភាពនៃកម្លាំងពលកម្មរបស់ ខ្លួន។
លោក វ៉ាន់ ស៊ូអៀង ប្រធានសមាគមរោងចក្រកាត់ដេរនៅកម្ពុជាបានលើកឡើងថា កង្វះខាតរបស់ប្រទេសកម្ពុជាតាំងពីហេដ្ឋារចនាសម្ពន្ធចាស់ៗរហូតដល់ កម្លាំងពលកម្មគ្មានជំនាញ ជាក់ស្តែងគឺជារឿងដែលត្រូវខ្វល់ខ្វាយ ពីព្រោះកត្តាទាំងនេះធ្វើឲ្យវិនិយោគិនស្ទាក់ស្ទើរក្នុងការមកធ្វើ ពាណិជ្ជកម្មនៅក្នុងប្រទេសនេះ។
លោកបានមានប្រសាសន៍ថា “ឱកាសវិនិយោគនៅប្រទេសកម្ពុជាមានច្រើនណាស់ ពីព្រោះអ្វីៗគ្រប់យ៉ាងនៅបាត់បង់យ៉ាងច្រើន ហើយប្រទេសនេះត្រូវការអ្វីៗគ្រប់យ៉ាង”។
លោកមានប្រសាសន៍បន្ថែមទៀតថា “ផ្នត់គំនិតរបស់ប្រជាជនកម្ពុជាក៏ប្លែកផងដែរ ពួកគេចូលចិត្តរៀនសូត្រ។ ពួកគេដឹងថា ពួកគេចាប់ផ្តើមពីឆ្នាំសូន្យ ដូច្នេះអ្នកអាចបង្រៀនពួកគេអំពីរឿងតូចៗគ្រប់យ៉ាង ពីព្រោះពួកគេចង់រៀនសូត្រ”៕មានិត (ប្រភព ៖ ខេមបូឌាដេលី)
