តឿនាំគូដណ្តឹងស្រស់ស្រូបអាហារ មានអីអ្នកបម្រើ “យល់ច្រឡំ” ហុច…ខ្មៅដៃ និងសៀវភៅផាត់ពណ៌កូនក្មេងឲ្យគួរឲ្យអាម៉ាស់ !
វាហាក់ដូចជារឿងកំប្លុកកំប្លែងមួយអីចឹង ប៉ុន្តែ វាកើតមានពិត គ្រាដែលអ្នកបម្រើហុចខ្មៅដៃ និងសៀវភៅផាត់ពណ៌តុក្កតាសម្រាប់ក្មេងៗ ឲ្យបុរសតឿម្នាក់ ដែលបាននាំគូដណ្តឹងរបស់គាត់ ចូលភោជនីយដ្ឋានមួយ សម្រាប់ទទួលអាហារឲ្យរ៉ូម៉ែនទិចនឹងគ្នានោះ ។
James Lusted អាយុ ២៦ ឆ្នាំ មានកម្ពស់ប្រហែល ១ ម៉ែត្រ បានបណ្តើរគូដណ្តឹងរបស់គាត់ដែលមានកម្ពស់ ១.៧០ ម៉ែត្រ ដើម្បីស្រស់ស្រូបអាហារនៅក្នុងភោជនីយដ្ឋានមួយ នៅពេលនោះ អ្នកបម្រើក៏បានលើកម៉ានុយមុខម្ហូប ២ និង ខ្មៅដៃមួយចំនួន ព្រមទាំងសៀវភៅផាត់ពណ៌កូនក្មេង១ ។
ប៉ុន្តែ វាគ្រាន់តែនៅពេលដែលអ្នកបម្រើបានលឺសម្លេងជាមនុស្សពេញវ័យរបស់ James ភ្លាម ! នាងក៏បានយល់ឃើញពីកំហុសដ៏អាម៉ាស់របស់នាងតែម្តង ។ អ្នកបម្រើនោះ ក៏បានបង្ហាញនូវនូវទឹកមុខក្រហម បន្ទាប់បានដឹងពីកំហុសរបស់នាង នៅពេលនាងហុចឲ្យលោក Lusted នូវសៀវភៅផាត់ពណ៌សម្រាប់កូនក្មេង និងខ្មៅដៃបែបនេះ នៅលើតុអាហារដែលគាត់ និងគូដណ្តឹងរបស់គាត់កំពុងអង្គុយរង់ចាំ ។
ប៉ុន្តែ វាគ្រាន់តែនៅពេលដែលអ្នកបម្រើបានលឺសម្លេងជាមនុស្សពេញវ័យរបស់ James ភ្លាម ! នាងក៏បានយល់ឃើញពីកំហុសដ៏អាម៉ាស់របស់នាងតែម្តង ។ អ្នកបម្រើនោះ ក៏បានបង្ហាញនូវនូវទឹកមុខក្រហម បន្ទាប់បានដឹងពីកំហុសរបស់នាង នៅពេលនាងហុចឲ្យលោក Lusted នូវសៀវភៅផាត់ពណ៌សម្រាប់កូនក្មេង និងខ្មៅដៃបែបនេះ នៅលើតុអាហារដែលគាត់ និងគូដណ្តឹងរបស់គាត់កំពុងអង្គុយរង់ចាំ ។
នៅគ្រានោះ គូដណ្តឹងរបស់គាត់នាង Chloe Robert អាយុ ២០ ឆ្នាំ ក៏បានផ្ទះសំណើចអំពីរឿងនេះផងដែរ ព្រោះនាងពុំធ្លាប់ប្រទះឃើញពីមុនមក ។
ចំណែក James បាននិយាយថាៈ “នៅពេលនោះ ខ្ញុំបាននិយាយអរគុណដល់អ្នកបម្រើ ដែលនាងបានលឺសម្លេងរបស់ខ្ញុំ ហើយបានដឹងថា ខ្ញុំមិនមានជាក្មេងនោះ” ។
សូមបញ្ជាក់ថា ភ្លាមៗនោះ ស្ត្រីអ្នកបម្រើនោះបានដាក់សៀវភៅនោះ នៅពីក្រោយខ្នងរបស់នាង ក្នុងអារម្មណ៍ឡើងញ័រតែម្តង ។
ប៉ុន្តែ លោក James បាននិយាយថាៈ “ខ្ញុំជាមនុស្សប្រុសម្នាក់ គឺវាគ្រប់គ្រាន់សម្រាប់ការឃើញរូបភាពបែបកំប្លែងនេះ ហើយខ្ញុំក៏មិនដែលយកទោសពៃពីនរណានោះដែរ” ។
ស្លេះរឿងនេះមិនប៉ុណ្ណឹង !
ចំណែក James និង Chloe វិញបាននិយាយថា ពួកគេបានដឹងថា ពួកគេទាំងពីរនាក់ មើលទៅខុសគ្នាដាច់ស្រឡះតែម្តង នៅពេលពួកគេធ្វើដំណើរចេញទៅខាងក្រៅជាមួយគ្នា នៅ Cardiff ទីកន្លែងដែលនាងកំពុងជានិស្សិតផ្នែកអប់រំឆ្នាំទី៣ ។
សូមបញ្ជាក់ថា លោក Lusted និងនាង Robert ដែលកំពុងរស់នៅជាមួយគ្នាអស់រយៈពេល ១៨ ខែ មកហើយ បានកំពុងរីករាយអាហារដ៏រ៉ូម៉ែនទិចនៅខាងក្រៅផ្ទះ នៅពេលនោះ កំហុសឆ្គងដ៏អាម៉ាស់បានកើតឡើង ។
យ៉ាងណាមិញ បើទោះជាគម្លាតរបស់អ្នកទាំងពីរខុសគ្នាដាច់ស្រឡះក្តី តែពួកគេក៏បានសម្រេចចិត្តនឹងចូលរោងការ នៅក្នុងរដូវក្តៅ ឆ្នាំ ២០១៦ ផងដែរ ៕
