ភាពអំណោយផលនៅអាស៊ីកំពុងផ្តល់ផលវិជ្ជមានដល់សេដ្ឋកិច្ចកម្ពុជា
យោងតាមការធ្វើបច្ចុប្បន្នភាពនៃចក្ខុវិស័យសេដ្ឋកិច្ចក្នុងតំបន់របស់យើង(កាលពីដើមខែតុលាឆ្នាំ២០១៤) ទស្សនទាននានានៃកំណើនក្នុងរយៈពេលខ្លីនៅតំបន់អាស៊ីនៅតែមានភាពរឹងមាំ ខណៈតំបន់ដទៃទៀតត្រូវបានធ្វើការកែប្រែឡើងវិញដោយកំណើនមានការធ្លាក់ចុះ។ បើទោះជាមានការធ្លាក់ចុះតិចតួចនៅដើមឆ្នាំនេះក៏ដោយ ក៏សេដ្ឋកិច្ចនៅអាស៊ីត្រូវបានរំពឹងថាមានការកើនឡើង៥,៥ភាគរយ នៅឆ្នាំ២០១៤ និង២០១៥ ដោយវាមានល្បឿនដូចទៅនឹងកាលពីប៉ុន្មានឆ្នាំមុន។
អ្នកលក់កំពុងរៀបចំអីវ៉ាន់នៅក្នុងហាងមួយក្នុងរដ្ឋកាលីហ្វ័រនីញ៉ា សហរដ្ឋអាមេរិក កាលពីថ្ងៃ ទី១៧ ខែតុលា។ រូបថត AFP
ដោយមានករណីមួយចំនួន ចក្ខុវិស័យអតិផរណាគួរតែមានកំណើនតិចសម្រាប់តំបន់នេះ។
ចក្ខុវិស័យថ្នាក់តំបន់នេះជាសញ្ញាល្អសម្រាប់ទស្សនទានរបស់ប្រទេសកម្ពុជា ពិសេសការជិតមកដល់នៃការធ្វើសមាហរណកម្មថ្នាក់តំបន់ (អាស៊ាន)។
ទោះបីយ៉ាងក៏ដោយ ហានិភ័យជាអវិជ្ជមានបានកើនឡើង ប៉ុន្តែដោយមានភាពរឹងមាំផងដែរ រួមមានប្រទេសដែលត្រូវបានប៉ះពាល់ខ្លាំងនៃការប្រែប្រួលដែលកើតចេញពីការឆាប់មានប្រតិកម្មនៃទីផ្សារចំពោះកិច្ចប្រជុំនៃការកាត់បន្ថយការបញ្ជាទិញសញ្ញាប័ណ្ណរបស់សហរដ្ឋអាមេរិកកាលពីឆ្នាំមុន។
ប៉ុន្តែវិធានការបន្ទាប់ត្រូវចូលរួមជាចាំបាច់ទាំងក្នុងតំបន់នេះ និងប្រទេសកម្ពុជាដើម្បីពង្រឹងគោលនយោបាយ និងដោះស្រាយបញ្ហាកម្រិតមធ្យមដើម្បីឈានទៅកាន់ស្ថិរភាព និងការរីកចម្រើន។
តើមានកត្តាជំរុញអ្វីខ្លះចំពោះចក្ខុវិស័យកំណើនដ៏រឹងមាំរបស់អាស៊ី?
កត្តាទី១ ការរីកចម្រើនជាសកលយ៉ាងខ្លាំងគួរតែជួយជំរុញឲ្យមានការនាំចេញច្រើនជុំវិញតំបន់អាស៊ីបាស៊ីហ្វិក។ ជាការពិត បន្ទាប់ពីធ្លាក់ចុះក្នុងត្រីមាសទី១ ការកើនឡើងនៃការនាំចេញបានចាប់ផ្តើមមានដំណើរការល្អឡើងវិញ ហើយដោយមានការរីកចម្រើនដែលមានភាពរឹងមាំរបស់សហរដ្ឋអាមេរិក និងភាពធូរស្រាលឡើងវិញដែលត្រូវបានគេរំពឹងទុកនៅក្នុងតំបន់អឺរ៉ុប ចលនានៃការនាំចេញគួរតែមានភាពរឹងមាំ។
កត្តាទី២ ទីផ្សារហិរញ្ញវត្ថុជាសកលបានកើនឡើង ដោយសារមានការរំពឹងថានឹងមានការកើនឡើងច្រើននូវកត្តាមួយចំនួនក្នុងការកាត់បន្ថយហានិភ័យ។ ស្ថិតក្នុងបរិយាកាសនេះ បាននាំមកនូវលំហូរទុនជាច្រើនទៅតំបន់អាស៊ីផងដែរ ដែលធ្វើឲ្យតម្លៃផ្សារហ៊ុនខ្ពស់ ការថយចុះនៃភាពរីករាលដាលផ្សេងៗ លក្ខខណ្ឌនៃការផ្តល់កម្ចីងាយស្រួលកាន់តែច្រើនសម្រាប់អាជីវកម្ម ប្រជាជន និងរដ្ឋាភិបាល រួមជាមួយនឹងកំណើនផ្នែកឥណទានដ៏រឹងមាំ។
គោលនយោបាយទាំងឡាយក្នុងសេដ្ឋកិច្ចរបស់បណ្តាប្រទេសនៅអាស៊ីគឺជាទូទៅត្រូវមានការគាំទ្រ ជារួមចំពោះអត្រាការប្រាក់រយៈពេលខ្លីរបស់ពួកគេ ដែលជាទូទៅនៅតែមានកម្រិតទាបជាងកម្រិតមុនមានវិបត្តិសេដ្ឋកិច្ចសកល។ កត្តាទាំងអស់នេះនឹងបន្តជួយគាំទ្រដល់កំណើននៃតម្រូវការដ៏រឹងមាំ តទៅមុខទៀត។
ទស្សនវិស័យដ៏មានសក្តានុពលនៅក្នុងតំបន់អាស៊ីប៉ាស៊ីហ្វិកគឺបានក្លាយជារបាំងដ៏មានសារៈសំខាន់ផ្សេងៗដល់អនុតំបន់នេះ។ នៅប្រទេសចិន កំណើនគួរតែរក្សាបាននូវសន្ទុះដ៏ខ្លាំងមួយក្នុងពេលដ៏ឆាប់ៗខាងមុខនេះដែលនឹងត្រូវបានជួយជំរុញដោយវិធានការជំរុញកំណើនកាលពីពេលថ្មីៗនេះ។ យើងរំពឹងថាមានកត្តាជួយសម្រាលខ្លះៗនឹងរឹតតែធ្វើឲ្យកំណើននេះមាននិរន្តរភាពរហូតដល់ឆ្នាំក្រោយនៅពេលដែលការធ្លាក់ចុះក្នុងវិស័យអចលនទ្រព្យនៅតែបន្ត និងការខិតខំប្រឹងប្រែងក្នុងការទប់ស្កាត់កំណើនឥណទាន និងការធ្វើឲ្យមានតុល្យភាពនៃសេដ្ឋកិច្ចនឹងបង្អន់ល្បឿននៃកំណើនវិនិយោគ។
នៅប្រទេសជប៉ុន កម្មវិធី Abenomics គឺនៅតែបន្តផ្តល់នូវកំណើន ប៉ុន្តែកំណើនគួរតែមានការធ្លាក់ចុះតិចតួចក្រោម១ភាគរយនៅក្នុងឆ្នាំនេះ និងឆ្នាំបន្ទាប់ ដោយសារកំណើននៃការវិនិយោគពីវិស័យឯកជន ដែលត្រូវបានមកពីការធ្លាក់ថ្លៃនៃប្រាក់យ៉េន ការឡើងថ្លៃនៃតម្លៃសន្និធិនិងកំណើនប្រាក់ចំណូលរបស់ក្រុមហ៊ុនអាជីវកម្ម ហើយផ្នែកខ្លះគឺបានមកពីការជះឥទ្ធិពលនៃវិធានការបង្រួមសារពើពន្ធចំពោះតម្រូវការក្នុងស្រុក។
នៅប្រទេសឥណ្ឌា សកម្មភាពសេដ្ឋកិច្ចបានងើបឡើងដ៏រឹងមាំ និងចលនានៃកំណើនគួរតែកសាងបាននូវការកើនឡើងនៃទំនុកចិត្តអាជីវកម្ម វិនិយោគនិងការនាំចេញ។ ចំពោះសេដ្ឋកិច្ចនៃបណ្តាប្រទេសនៅអាស៊ីអាគ្នេយ៍ (អាស៊ាន) ក៏នៅតែរក្សាបាននូវកំណើនមួយដ៏រឹងមាំសម្រាប់ឆ្នាំ២០១៤នេះ និងមានកំណើនតិចតួចសម្រាប់ឆ្នាំ២០១៥ ដោយមានផ្នែកខ្លះ វាឆ្លុះបញ្ចាំងអំពីភាពងាយរងផលប៉ះពាល់ទៅនឹងសេដ្ឋកិច្ចសកលដ៏រឹងមាំ។
បច្ច័យដ៏មានអំណោយផលផ្សេងៗនៅក្នុងតំបន់នេះ រួមជាមួយនឹងការកើនឡើងនៃតម្រូវការក្នុងស្រុកត្រូវបានគេរំពឹងថានឹងជួយគាំទ្រចក្ខុវិស័យនៃកំណើនរបស់ប្រទេសកម្ពុជា ដែលត្រូវបានព្យាករថា មានកម្រិតខ្ពស់ជាង៧ភាគរយក្នុងឆ្នាំនេះ និងក្នុងរង្វង់៧,៥ភាគរយក្នុងរយៈពេលមធ្យមដោយមានការជួយគាំទ្រពីការខិតខំធ្វើកំណែទម្រង់ផ្សេងៗ។
ទោះបីជាចក្ខុវិស័យដ៏រឹងមាំ អាស៊ីនៅតែបន្តប្រឈមនឹងហានិភ័យដ៏ធំដើម្បីរក្សាស្ថិរភាព និងកំណើនក្ដី ក៏នៅក្នុងរយៈពេលឆាប់ៗខាងមុខនេះ វិនិយោគិនអាចមានប្រតិកម្មចំពោះបង្កើននៃអត្រាការប្រាក់របស់ប្រទេសអាមេរិក ហើយនិងធ្វើការដកប្រាក់ចេញពីតំបន់នេះ ដែលនេះកំពុងនាំឲ្យមានការកើនឡើងភ្លាមៗនៅក្នុងការប្រែប្រួលទីផ្សារហិរញ្ញវត្ថុ ការចំណាយថ្លែដើមលើប្រាក់កម្ចីកាន់តែខ្ពស់ និងទីបញ្ចប់កំណើនកាន់តែទាប។ កម្លាំងក្រុមហ៊ុនកាន់តែខ្ពស់ និងការកើនឡើងបំណុលគ្រួសារអាចបង្កើនផលប៉ះពាល់លើអត្រាការប្រាក់កាន់តែខ្ពស់លើការវិនិយោគនិងកំណើន។ ជាទីបញ្ចប់ការកើនឡើងនូវភាពតានតឹងផ្នែកនយោបាយភូមិសាស្ត្រអាចធ្វើឲ្យប៉ះពាល់ដល់ការនាំចេញ និងសកម្មភាពសេដ្ឋកិច្ចផ្សេងៗកាន់តែទូលំទូលាយ។
លោក Faisal Ahmed ប្រធានមូលនិធិរូបិយវត្ថុអន្តរជាតិ (IMF) ប្រចាំនៅកម្ពុជា។ ម៉ៃ វីរៈ
តើអ្វីជាតួនាទីសម្រាប់គោលនយោបាយនៅក្នុងតំបន់នេះ?
វិធានការបច្ចុប្បន្នដែលបានធ្វើឡើងដោយអ្នកចេញគោលនយោបាយបានបង្កើនទំនុកចិត្ត និងបានធ្វើឲ្យប្រសើរឡើងនូវការស្ទុះងើបឡើងវិញនៅក្នុងសេដ្ឋកិច្ចជាច្រើន រួមមាន ប្រទេសឥណ្ឌា ឥណ្ឌូនេស៊ី និងម៉ាឡេស៊ី។ ប៉ុន្តែការដោះស្រាយហានិភ័យរយៈពេលមធ្យម ទាមទារឲ្យមានការជំរុញជាថ្មីសម្រាប់ការកែទម្រង់រចនាសម្ព័ន្ធនៅក្នុងតំបន់នេះ ដែលត្រូវបានគេមើលឃើញថាមានការធ្លាក់ចុះជាលំដាប់នៃចក្ខុវិស័យកំណើនរយៈពេលវែងកាលពីពីរបីឆ្នាំកន្លងមកនេះ។ កំណែទម្រង់បែបនោះនឹងមិនគ្រាន់តែធ្វើឲ្យកំណើនសេដ្ឋកិច្ចរបស់អាស៊ីកាន់តែខ្លាំងនិងកាន់តែមានស្ថិរភាពប៉ុណ្ណោះទេ ប៉ុន្តែថែមទាំងនឹងបង្កឲ្យមានភាពងាយទទួលរងគ្រោះរបស់ខ្លួនទៅនឹងការខកចិត្តនៃកំណើនបន្ថែមទៀត និងបញ្ហាទីផ្សារហិរញ្ញវត្ថុកើតចេញពីប្រទេសលោកខាងលិចផងដែរ។
តើអ្វីជាចក្ខុវិស័យនៅក្នុងតំបន់ វាមានអត្ថប្រយោជន៍យ៉ាងណាដល់ប្រទេសកម្ពុជា?
បញ្ហាសំខាន់សម្រាប់កម្ពុជាអំពីបច្ចុប្បន្នភាពចក្ខុវិស័យសេដ្ឋកិច្ចក្នុងតំបន់គឺទទួលបានផលប្រយោជន៍ពីការជួយជំរុញកំណើនសេដ្ឋកិច្ចក្នុងតំបន់ដើម្បីជំរុញតាមរយៈកិច្ចខិតខំប្រឹងប្រែងធ្វើកំណែទម្រង់។ បទពិសោធរបស់ប្រទេសកំពុងអភិវឌ្ឍន៍ផ្សេងទៀតនិងបណ្តាប្រទេសដែលមានសេដ្ឋកិច្ចកំពុងងើប បានបង្ហាញអំពីបរិយាកាសកំណើនដ៏មានភាពអនុគ្រោះ ហើយជារឿយៗធ្វើឲ្យកិច្ចខិតខំប្រឹងប្រែងកំណែទម្រង់កាន់តែមានភាពងាយស្រួលក្នុងការអនុវត្ត។
ស្ថិតនៅលើវិធានការគោលនយោបាយជាក់លាក់ ការផ្តោតរបស់រដ្ឋាភិបាលលើការកែលម្អប្រាក់ចំណូលរបស់ខ្លួន និងការផ្តល់សេវាកម្មសាធារណៈ ជាពិសេសនៅក្នុងវិស័យអប់រំ និងសុខាភិបាល ដែលវិស័យទាំងពីរនេះគឺពិតជាពេលវេលាមួយដ៏សមស្របនិងទាន់ពេលដែលចាំបាច់ត្រូវធ្វើឲ្យមានកំណើនរួមផ្សំកាន់តែច្រើន និងមានស្ថិរភាពនៅក្នុងរយៈពេលមធ្យម។ កិច្ចខិតខំប្រឹងប្រែងបន្តដើម្បីបង្កើនប្រាក់ចំណូលក្នុងស្រុក និងកែលម្អការចំណាយឲ្យមានប្រសិទ្ធភាពអាចជួយផ្តល់ហិរញ្ញប្បទានដ៏ធំធេងសម្រាប់ការអភិវឌ្ឍរបស់ប្រទេសកម្ពុជាទាំងហេដ្ឋារចនាសម្ព័ន្ធទន់និងរឹងខណៈដែលការការពារសារពើពន្ធបានកើនឡើង ដែលមានសារៈសំខាន់សម្រាប់ប្រទេសដែលមានសេដ្ឋកិច្ចបើកចំហ និងពឹងផ្អែកលើប្រាក់ដុល្លារខ្ពស់ដូចជា ប្រទេសកម្ពុជាគឺពិតជាងាយរងគ្រោះពីកត្តាខាងក្រៅ។
ការធ្វើកំណែទម្រង់សេវាកម្មស៊ីវិលកាន់តែទូលំទូលាយគឺមានសារៈសំខាន់ក្នុងការបង្កើនប្រាក់ឈ្នួលសាធារណៈដើម្បីចៀសវាងធ្វើឲ្យមានគ្រោះថ្នាក់ដល់ការពង្រឹងសារពើពន្ធ។
ដោយមានកំណើនយ៉ាងរហ័សក្នុងប្រព័ន្ធធនាគារ និងគ្រឹះស្ថានមីក្រូហិរញ្ញវត្ថុនៅកម្ពុជានៅក្នុងរយៈពេលប៉ុន្មានឆ្នាំថ្មីៗនេះ បញ្ហាប្រឈមដ៏សំខាន់គឺត្រូវទប់ទល់តុល្យភាពរវាងលទ្ធភាពនៃការទទួលហិរញ្ញប្បទាន និងស្ថិរភាពហិរញ្ញវត្ថុ ដូចដែលបានបង្ហាញនៅក្នុងសន្និសីទស្តីអំពីម៉ាក្រូសេដ្ឋកិច្ចលើកដំបូងរបស់ធនាគារជាតិនៃកម្ពុជាកាលពីខែកក្កដាកន្លងទៅ។ ការណ៍នេះអាចតម្រូវឲ្យមានល្បឿនដែលមាននិរន្តរភាពនៃកំណើនឥណទាន ការខិតខំបន្តការកែលម្អបទប្បញ្ញត្តិ និងការត្រួតពិនិត្យនិងការអភិវឌ្ឍទីផ្សារប្រាក់និងទីផ្សារប្តូរប្រាក់បរទេស។
វាច្បាស់ណាស់ថា ការអនុវត្តការមានកំណើនរបស់ប្រទេសកម្ពុជារហូតមកទល់ពេលនេះគឺពិតជាគួរឲ្យចាប់អារម្មណ៍ខ្លាំងណាស់។
ប៉ុន្តែបញ្ហាដែលកំពុងប្រឈមនឹងគោលនយោបាយមួយចំនួនគឺប្រៀបដូចបណ្ដាប្រទេសផ្សេងៗដែលមានបទពិសោធឆ្លងកាត់ក្នុងសេដ្ឋកិច្ចអន្តរកាល។ ការឆ្ពោះទៅមុខនៃវិធានការកែទម្រង់ចាំបាច់ត្រូវគាំទ្រដល់យុទ្ធសាស្ដ្រកំណើនដែលនឹងមិនគ្រាន់តែជាផ្នែកមួយនៃការចូលរួមទាក់ទាញដល់ការវិនិយោគដោយផ្ទាល់ពីបរទេសប៉ុណ្ណោះទេ ប៉ុន្តែថែមទាំងមានសារៈសំខាន់ដូចគ្នា ក្នុងការជួយជំរុញការវិនិយោគក្នុងស្រុកដើម្បីគាំទ្រដល់ការធ្វើពិពិធកម្មសេដ្ឋកិច្ច ការបង្កើតការងារធ្វើ និងការបំពេញសេចក្ដីប្រាថ្នារបស់ប្រជាជនកម្ពុជាសម្រាប់កំណើនសេដ្ឋកិច្ចដែលមានការរួមផ្សំដ៏រឹងមាំ៕ ប្រភព ៖ ភ្នំពេញប៉ុស្តិ៍
