លោកស្រី ជេ​ឃេ រ៉ូ​លិ​ង (JK Rowling) អ្នកនិពន្ធ​រឿង Harry Potter កំពុងធ្វើការ​ងារ​លើ គម្រោ​ង​ផលិត​ភាពយន្ត​បែប​មន្តអាគម​បី​បន្ថែមទៀត ​ដែល​គ្រោងនឹង​ចេញផ្សាយ​នៅ​ដើមឆ្នាំ​២០១៦​មួយ​រឿង​។​
​    ​
ភាពយន្ត​ដំបូង​រឿង “Fantastic Beasts and Where to Find Them” នឹងត្រូវ​ដឹកនាំ​ដោយ​លោក ដេវីដ យ៉េត (David Yates) ដែល​បាន​ដឹកនាំ​ភាពយន្ត “Harry Potter” បួន​រឿង​ចុងក្រោយ រួមជាមួយ​ក្រុម​អ្នក​ថត​ភាពយន្ត​ដដែល​ជាថ្មី​ម្តងទៀត​។
​
​ភាពយន្ត​ទី​២ ​គ្រោង​នឹង​ចេញផ្សាយ​នៅ​ឆ្នាំ​២០១៨ ហើយ​រឿង​ទី​៣​ នឹង​ចេញផ្សាយ​នៅ​ឆ្នាំ​២០២០​។ ភាពយន្ត​ដំបូង​ត្រូវបាន​ប្រកាស​ជា​ផ្លូវការ​កាលពី​ខែ​មុន​រួចមកហើយ​។​
​    ​
Yahoo! News កាលពី​ថ្ងៃទី​១៥​ ខែតុលា​ឆ្នាំ​២០១៤​ បាន​ឲ្យ​ដឹងថា ​លោកស្រី រ៉ូ​លិ​ង ដែល​លក់​សៀវភៅ​រឿង Harry Potter បាន​ជាង​៤៥០​លាន​ក្បាល​នោះ បានប្រកាស​កាលពី​ខែកញ្ញា​ថា លោក វ៉​ន័​រ ប្រ៊ូ​ស (Warner Bros) បាន​ទាក់ទង​លោកស្រី​អំពី​ការផលិត​រឿង “Fantastic Beasts” ៕ ប្រភព ៖ CEN

 អ្នកនិពន្ធ ជេ​ឃេ រ៉ូ​លិ​ង (JK Rowling)