គេហទំព័រ ​របស់​ធនាគារកណ្ដាល​វៀត​ណា​ម​បាន​ផ្សព្វផ្សាយ​ថា​ ប៉ូលិស​បាន​ ចាប់ខ្លួន​អ្នកជំនួញ​ដ៏​ល្បីល្បាញ​របស់​ វៀតណាម​ម្នាក់​ បន្ទាប់​ពី​ការ​ស៊ើប​ អង្កេត​ឃើញ​ថា​ អ្នកជំនួញ​រូប​នេះ​មាន​ ជាប់​ពាក់ព័ន្ធ​នៅ​ក្នុង​ការ​កេង​បន្លំ​ប្រាក់​ ធនាគារ​ ។​ លោក​ Ha​ Van​ Tham​ អតីត​ប្រធាន​ធនាគារ​Ocean​ Bank​ ត្រូវ​បញ្ជូន​ទៅ​កាន់​មន្ទីរឃុំឃាំង​របស់​ ប៉ូលិស​កាលពី​ចុង​សបា្ដហ៍​មុន​ ។​
​ប្រភព​ដដែល​បាន​បន្ដ​ថា​ លោក​ Ha​ Van​ Tham​ ត្រូវ​បាន​រក​ឃើញ​ថា​បាន​ រំលោភច្បាប់​យ៉ាង​ធ្ងន់​ បន្ទាប់​ពី​ការ​ ត្រួតពិនិត្យ​របស់​សមត្ថកិច្ច​ទៅ​លើ​ គម្រោង​ធនាគារ​ ។​ ដោយ​មូលហេតុ​នេះ​ ហើយ​ទើប​ឈាន​ដល់​ការ​ដកហូត​តួនាទី​ និង​ចាប់ខ្លួន​តែ​ម្ដង​ ។​ ប្រភព​បន្ដ​ថា​ ធនា​ គារ​កណ្ដាល​វៀតណាម​បាន​ធ្វើ​សហ​ប្រ​តិ​ ប​ត្ដិ​ការ​ជាមួយ​អាជ្ញា​ធរមាន​សមត្ថកិច្ច​ ដែល​ពាក់ព័ន្ធ​ដើម្បី​ចាត់ការ​ទៅ​តាម​ ផ្លូវច្បាប់​ចំពោះ​ធនាគារ​Ocean​ Bank​។​
​ក្រសួង​សន្ដិសុខ​សាធារណៈ​វៀត​ ណា​ម​បាន​បញ្ជាក់​ថា​ លោក​ Tham​ ត្រូវ​ ឃុំខ្លួន​ពី​បទ​រំលោភ​ទៅ​លើ​ច្បាប់​ខ្ចីបុល​ ដែល​ជា​បទឧក្រិដ្ឋ​មួយ​ជាប់​ពន្ធនាគារ​ រយៈពេល​២០​ឆ្នាំ​ ។​ កាសែត​ Tuoi​ Tre​ របស់​វៀតណាម​បាន​ផ្សព្វផ្សាយ​ថា​ លោក​ Tham​ បាន​ព្រមព្រៀង​នៅ​ក្នុង​ ការ​ឱ្យ​ខ្ចីបុល​ទឹកប្រាក់​ស្មើ​ប្រមាណ​២៣.៥​ លាន​ដុល្លារ​ក្នុង​ឆ្នាំ​២០១២​ទៅ​ឱ្យ​ក្រុម​ ហ៊ុន​អចលនវត្ថុ​ឈ្មោះ​Trung​ Dung​ ដោយ​គ្មាន​លក្ខណៈ​ស្របច្បាប់​ ។​
​រដ្ឋាភិបាល​វៀតណាម​បាន​ចាត់​វិធាន​ ការ​បោសសម្អាត​វិបត្ដិ​ប្រាក់​បំណុល​ ជា​ ពិសេស​នៅ​តាម​ប្រព័ន្ធ​ធនាគារ​ ។​ វិបត្ដិ​ ប្រាក់​បំណុល​នេះ​បាន​កើន​ដល់​៨​ភាគរយ​ នៃ​បំណុល​មិន​ទាន់​សង​ នេះ​បើ​តាម​ តួលេខ​របស់​ធនាគារកណ្ដាល​វៀតណាម​ ប៉ុន្ដែ​បើ​តាម​អ្នកជំនាញ​វិញ​ថា​ ចំនួន​មាន​ច្រើន​ជាង​នេះ​ ។​
លោក​ Tham​ ជា​ប្រធាន​ក្រុមហ៊ុន​ Ocean​ Group​ ដែល​រក​ចំណូល​បាន​ ខ្ពស់​ទៅ​លើ​វិស័យ​ទិញ​ និង​លក់​អចលន​ ទ្រព្យ​,​ ធនាគារ​ និង​សណ្ឋាគារ​ ។​
​សូម​បញ្ជាក់​ថា​ កាលពី​ខែមិថុនា​ កន្លង​មកនេះ​ រដ្ឋាភិបាល​វៀតណាម​បាន​ ចាប់ខ្លួន​មហាសេដ្ឋី​វៀតណាម​Nguyen​ Duc​ Kien​ ដែល​ជា​ស្ថាបនិក​ធនាគារ​ Asia​ Commercial​ Bank​ កាត់ទោស​ ឱ្យ​ជាប់​ពន្ធនាគារ​រយៈពេល​៣០​ឆ្នាំ​ ក្រោម​បទចោទប្រកាន់​ គៃបំបាត់​ប្រាក់​ បង់ពន្ធ​ជូន​រដ្ឋ​,​ ការ​ធ្វើ​ពាណិជ្ជកម្ម​ខុស​ ច្បាប់​ជាដើម​ ។​  លោក​ Nguyen​ Duc​ Kien​ បាន​ច្រាន​ចោលការ​ចោទប្រកាន់​ ទាំងនេះ​ ហើយ​ដែល​ក្រុម​អ្នកវិភាគ​លើក​ ឡើង​ថា​ បញ្ហា​កើតឡើង​ដោយសារ​តែ​ ហេតុផល​នយោបាយ​រវាង​នាយក​រដ្ឋ​ មន្ដ្រី​វៀតណាម​ លោក​ង្វៀ​ន​ តឹង​យ៉ុ​ង​ នឹង​ ក្រុមប្រឆាំង​ ។​
​ក្រុម​អ្នកវិភាគ​បាន​លើក​ឡើង​ថា​ ការ​ចាប់ខ្លួន​ Ha​ Van​ Tham​ នៅ​ពេល​ នេះ​ទំនងជា​ពាក់ព័ន្ធ​ជាមួយ​បញ្ហា​ន​យោ​ បាយ​ ខណៈ​ដែល​វៀតណាម​គ្រោង​រៀបចំ​ ធ្វើ​សមាជ​បក្ស​នៅ​ឆ្នាំ​២០១៦​ ដែល​នៅ​ពេល​នោះ​ នាយក​រដ្ឋមន្ដ្រី​ និង​បណ្ដា​ថ្នាក់​ ដឹកនាំ​កំពូលៗ​របស់​បក្ស​កុម្មុយនីស្ដ​នឹង​ ត្រូវ​បាន​ប្រកាស​នោះ​ ៕