ញូវយ៉ក​៖ នៅមុននេះ សារព័ត៌មាន Reuters បាន​ចុះផ្សាយ​ថា ក្រុមហ៊ុន Apple នឹង​រៀបចំ​ព្រឹត្តិការណ៍​ធំ​មួយ​នៅ​ថ្ងៃទី​១៦​ខែ​តុលា​ខាង​នេះ ដើម្បី​បង្ហាញ iPad ថ្មី ដោយឡែក​នៅ​ពេល​នេះ Apple បាន​ចេញ​មុខ​បញ្ជាក់​ជា​ផ្លូវការ​ថា​ពិត​ដូច​ព័ត៌មាន​ដែល​បាន​លេចឮ​មែន​។​

​សារព័ត៌មាន WSJ បាន​ចុះផ្សាយ​ថា​នៅ​ថ្ងៃទី​០៩​ខែតុលា​ម្សិលមិញ​នេះ ថា Apple បាន​បញ្ជាក់​ជា​ផ្លូវការ​ថា ខ្លួន​នឹង​រៀបចំ​ព្រឹត្តិការណ៍​មួយ​នៅ​ថ្ងៃទី​១៦​ខែតុលា ប៉ុន្តែ​មិន​បាន​បញ្ជាក់​ពី​ផលិតផល ឬ​សេវាកម្ម​ដែល​ត្រូវ​បង្ហាញ​នោះទេ​។​ ​ប្រភព​ដែល​ទទួលបាន​លិខិតអញ្ជើញ​នោះ បានបញ្ជាក់​ថា នៅក្នុង​លិខិត​អញ្ជើញ Apple បានសរសេរថា “It’s been way too long” នេះ​គឺ​ចំ​សំដៅ​ទៅលើ iPad ដែល​បាន​បញ្ហា​ខ្លួន​អស់​រយៈពេល​ជាច្រើន​ឆ្នាំ​។ ព្រម​ជាមួយ​គ្នា​នោះ គេ​បាន​រំពឹងថា iMac ទំនង​ជា​បង្ហាញ​វត្តមាន​នៅក្នុង​កម្មវិធី​នោះ​ផងដែរ​៕​