Air Ambulance (សាមុយអាកាស) ចេញប្រតិបត្តិការសង្គ្រោះអ្នកជំងឺលើកដំបូងនៅប៉េកាំង !
បណ្តាបុគ្គលិកពេទ្យនៃមន្ទីរពេទ្យមួយ ក្នុងទីក្រុងប៉េកាំង កាលពីថ្ងៃម្សិលមិញ បានប្រញាប់ប្រញាល់ទទួលយកអ្នកជំងឺម្នាក់ ពី “សាមុយអាកាស” ១ គ្រឿង ដែលគេហៅថា “Air Ambulance” ។
យោងតាមប្រភពព័ត៌មាន បានឲ្យដឹងថា បុរសអ្នកជំងឺរូបនោះ មានត្រកូលឈ្មោះ Kong បានទទួលរងការពុលថ្នាំអាសេនិក (Arsine) នៅឯរោងចក្រមួយ ក្នុងខេត្ត Shandong ភាគខាងកើតនៃប្រទេសចិន ។
នេះជាលើកទី១ហើយ ដែលសេវាកម្មតាម “រថយន្តសាមុយអាកាស” នេះ ត្រូវបានប្រើប្រាស់ដើម្បីដឹកជំងឺពីកន្លែងឆ្ងាយៗ មកកាន់មន្ទីរពេទ្យបានយ៉ាងឆាប់រហ័សបំផុត ចាប់តាំងពីវាត្រូវបានដាក់ពង្រាយ កាលពីថ្ងៃ អង្គារ៍ មក ។
គួរបញ្ជាក់ផងដែរថា Arsine គឺជាឧស្ម័នពុលខ្ពស់ ដែលជាសមាសធាតុមួយនៃសារធាតុអាសេនិច ៕
