យុវវ័យថតរូប Selfie Cute Cute 100 នាក់ជួបគ្នានៅក្លឹប Zeus ម្សិលមិញ
ក្រុមយុវវ័យ ដែលនិយមថតរូប Cute Cute បែប Selfie ចំនួន ១០០ នាក់ រួមទាំងអ្នកគាំទ្រផងនោះ បានមកជួបជុំគ្នានៅក្នុងក្លឹបកម្សាន្ត Zeus (អតីតក្លឹប Rock) កាលពីរសៀលម្សិលមិញ ។
ការជួបជុំគ្នានេះ ត្រូវបានរៀបចំឡើងដោយស្ករកៅស៊ូ DOUBLEMIN ដើម្បីប្រកួតយកយុវវ័យ ១០ នាក់ ក្នុងចំណោម ១០០ នាក់ ឲ្យក្លាយជាតារាប្រចាំក្រុមហ៊ុនខាងលើ ក្នុងឆ្នាំ ២០១៥ និង ដើម្បីគម្រប់ខួប១០០ឆ្នាំ។ បេក្ខជនទាំង១០០នាក់ដែលបានចូលរួមត្រកួតនេះ សុទ្ធតែថតរូបបែប Selfie ទាំងអស់ ផ្ញើមកកាន់ Facebook ក្រុមហ៊ុនដើម្បីចូលរួមប្រកួត។
វិធីផ្ដល់ពិន្ទុដល់បេក្ខជន ក្រុមហ៊ុនបានរៀបចំឲ្យអ្នកគាំទ្រទាំងអស់ញាត់ស្ករកៅស៊ូ ចូលទៅក្នុងប្រអប់ដែលមានឈ្មោះ និង រូបបេក្ខជនណា ដែលខ្លួនពេញចិត្ត។ ជាចុងក្រោយ គណៈកម្មការសម្រេចយកបេក្ខជនដែលទទួលបានស្ករកៅស៊ូច្រើនជាងគេ តែ ១០ នាក់ ប៉ុណ្ណោះ។
ទស្សនិកជនជួយផ្ដល់យោបល់បន្តិចមក យុវវ័យ Cute Cute ទាំងអស់នេះ ប្រសិនបើជាប់ តើអាចក្លាយជាតារាល្បីបានអត់?
អត្ថបទ៖ ខុត សីហា
