ការ​ស៊ុត​ចូល​១​គ្រាប់​យប់​មិញ​របស់​ខ្សែ​ ប្រយុទ្ធ​ Wayne Rooney ក្នុង​ជ័យជម្នះ​៤-០​របស់ Man Utd លើ QPR ​ធ្វើ​ឱ្យ​ខ្លួន​គេ​រំកិល​ឡើង​ទៅ​លេខ​៣​ក្នុង​បញ្ជី​ឈ្មោះ​អ្នក​ស៊ុត​ចូល​ ច្រើន​ជាង​គេ​បំផុត​ក្នុង​ប្រវត្តិសាស្ត្រ​ក្របខ័ណ្ឌ​ Barclays Premier League ​ស្មើ​វីរបុរស​របស់​ Arsenal, Thierry Henry ​ពោល​គឺ​១៧៥​គ្រាប់។

Wayne Rooney អបអរ​ជាមួយ​មិត្ត​រួម​ក្រុម​ក្រោយ​ស៊ុត​បញ្ចូល​ទី

Rooney ​រក​បាន​១៧៥​គ្រាប់​ក្នុង​ការ​បង្ហាញ​ខ្លួន​១៣៨​ប្រកួត​​ ​​ខណៈ​ដែល​កីឡាករ​ Thierry Henry ​វិញ​រក​បាន​១៧៥​គ្រាប់​ដែរ​ តែ​ក្នុង​ការ​បង្ហាញ​ខ្លួន​២៥៨​ប្រកួត​សម្រាប់​ Arsenal ​ក្នុង​ក្របខ័ណ្ឌ Premier League ​ចន្លោះ​ឆ្នាំ​១៩៩៩​ដល់​២០០៧​និង​ការ​ខ្ចី​ជើង​រយៈ​ពេល​ខ្លី​ក្នុង​ឆ្នាំ​ ២០១២។ ទិន្នន័យ​ខាង​លើ​នេះ​បង្ហាញ​ថា​ខ្សែ​ប្រយុទ្ធ​វ័យ​២៨​ឆ្នាំ​របស់​ក្លិប​ បិសាច​ក្រហម​ត្រូវ​ការ​១២០​ប្រកួត​ទៀត​ទើប​ស្មើ​ចំនួន​ប្រកួត​របស់​អតីត​ ខ្សែ​ប្រយុទ្ធ​ក្លិប​ Arsenal។ ​នេះ​បង្ហាញ​ថា​អតីត​យុវជន​របស់​ក្លិប​ Everton ​រូប​នេះ​មាន​ឱកាស​ច្រើន​ក្នុង​ការ​បំបែក​កំណត់​ត្រា​កីឡាករ​ស៊ុត​ច្រើន​ជាង ​គេ​ក្នុង​ប្រវត្តិសាស្ត្រ​ Barclays Premier League ​ព្រោះ​រូប​គេ​មាន​អាយុ​ត្រឹម​តែ​២៨​ឆ្នាំ​នៅ​អាច​លេង​បាន​ទៀត។

Alan Shearer កាល​នៅ​លេង​ឱ្យ Newcastle

Andrew Cole (សម្បុរ​ខ្មៅ)

ចំណែក​កីឡាករ​ដែល​ស៊ុត​ចូល​បាន​ច្រើន​ជាង​ គេ​បំផុត​គឺ​អតីត​ខ្សែ​ប្រយុទ្ធ​របស់​ក្លិប​ Blackburn ​និង​ Newcastle កីឡាករ​ Alan Shearer ​រក​បាន​២៦០​គ្រាប់​ក្នុង​រយៈ​ពេល​១៤​ឆ្នាំ​នៅ​ក្របខ័ណ្ឌ​កំពូល​របស់​ អង់គ្លេស។ ចំពោះ​បញ្ជី​កីឡាករ​ស៊ុត​ចូល​ច្រើន​ជាង​គេ​នៅ​ក្របខ័ណ្ឌ​ Premier League សូម​មើល​ខាង​ក្រោម​នេះ​៖