ថ្វី​ត្បិត​តែ​Van Gaal ចាយ​លុយ​រាប់​សិប​លាន​ដុល្លារ ​ទិញ​បាន​Superstar ដូចជា Di Maria, Falcao… ជា​បន្តបន្ទាប់​ក្នុង​គោលដៅ​ស្រោចស្រង់​Man Utd ​ឲ្យ​​ត្រដែត​ឡើង​វិញ​ក្ដី ​តែ​យប់​មិញ​នេះ សង្គ្រាម​លើ​វាលស្មៅ​ទល់​នឹង Leicester City បាន​ត្រឹម​ខក​ចិត្ត ​ឯ​Chealsea បង្ក​ព្យុះ​ភ្លៀង​ក្នុង​ដី​Man City ធ្វើ​ឲ្យ​Manuel Pellegrini ឆ្លេឆ្លា​អង្គុយ​មិន​ជាប់​កៅអី។ កាត​ក្រហម​មួយ​ដូច​គ្នា (Man City និង​ Man Utd) តែ​លទ្ធផល​ខុស​គ្នា។

១. ជំនួប Leicester City ទល់​Man Utd៖ មុន​នឹង​​ផ្លុំ​កញ្ចែ​បញ្ចប់​របស់​អាជ្ញា​កណ្ដាល​ ​ក្នុង​ការ​វាយ​សម្រុក​យ៉ាង​ក្ដៅគគុក រវាង​ម្ចាស់​វាល​ស្មៅ​Old Trafford ជាមួយ​Leicester City ក្នុង​លទ្ធផល​ដ៏​សែន​ខក​ចិត្ត​របស់​បិសាច​ក្រហម ៥ – ៣ នៅ​ តង់​ទីមួយ ​Robin van Persie និង​Angel Di Maria រក​បាន​ ២គ្រាប់​ឲ្យ​ក្រុម នាំ​មុខ ម្ចាស់​ផ្ទះ ២ – ១។ ចូល​ដល់​ដើម​តង់​ទី​ពីរ មួយ​គ្រាប់​បន្ថែម​ទៀត​របស់​ Ander Herrera រឹត​តែ​បន្ថែម​ក្ដី​សង្ឃឹម​ក្នុង​ការ​រក​បាន ៣ពិន្ទុ​ឲ្យ​ក្រុម ប៉ុន្តែ​លទ្ធផល​ដែល​ អ្នក​ចាត់ការ​ក្រុម ​កីឡាករ និង​អ្នក​គាំទ្រ​បិសាច​ក្រហម​សាទរ ត្រូវ​បាន​បញ្ចប់​ចាប់​ពី​នាទី​ ៦២ ដល់ ចប់​ការ​ប្រកួត។ សម្ពាធ​របស់​ម្ចាស់​ផ្ទះ ​បាន​ធ្វើ​ឲ្យ​​ខ្សែការពារ Tyler Blackett ទទួល​បាន​កាត​ក្រហម និង​បាល់​ពិន័យ ១១ម៉ែត្រ នៅ​នាទី​ទី ៨៣។

២. Man City ទល់​ Chelsea៖ កាត​លឿង​ពីរ​ដង របស់​ខ្សែ​ការពារ Pablo Zabaleta ក្នុង​តង់​ទី​ពីរ ​ធ្វើ​ឲ្យ​​បាត់​ទម្រង់​លេង​ក្នុង​ទីលាន រហូត​ដល់​​ភ្ញៀវ​កម្លាំង​តោ Chelsea ដាក់​គំនាប​លើ​ម្ចាស់​​ផ្ទះ ដោយ​លទ្ធផល​ ១ – ០ នៅ​ ​នាទីទី ៧១។ មួយ​គ្រាប់​របស់ Andre Schuerrle ធ្វើ​ឲ្យ​សំឡេង​ហ៊ោកញ្ជ្រៀវ​របស់​អ្នក​គាំទ្រ​ម្ចាស់​ផ្ទះ មេឃខៀវ​ថមថយ។ ជិត​ចប់​ការ​ប្រកួត​ទៅ​ហើយ ​សល់​តែ ១០នាក់​ក្នុង​ទីលាន​របស់​Man City ពិត​ជា​មិន​ធ្វើ​ឲ្យ​អ្នក​គាំទ្រ​អាម៉ាស់​មែន។ ពែន​មួយ​ជើង របស់​អតីត​Chelsea ជិត ១៣​ឆ្នាំ ​ (Frank Lampard) នាទី ៨៥ បាន​បញ្ចប់​ក្ដី​សង្ឃឹម រក​បាន​ ៣ពិន្ទុ របស់​Jose Mourinho។

វីដេអូ៖




​

ដោយ​៖ ខ្លាឃ្មុំតូច
ប្រភព៖ goal