រមៀតក៏អាចជួយ បង្កើនសមត្ថភាព ខួរក្បាលបានដែរ
បើយោងតាមរបាយការណ៍ ចេញក្នុងសារព័ត៌មាន Stem Cell Research and
Therapy បង្ហាញថា រមៀត
ដែលជាគ្រឿងទេសក្នុងមុខម្ហូបខ្មែរមួយចំនួន អាចជួយជួសជុល
និងបង្កើនសមត្ថភាពកោសិកាខួរក្បាលឡើងវិញ។
ការសិក្សារបស់អាល្លឺម៉ង់រកឃើញថា សារធាតុក្នុងរមៀតអាចធ្វើឱ្យកោសិកាសរសៃប្រសាទលូតលាស់។ អ្នកវិទ្យាសាស្ត្រនិយាយថា ការស្រាវជ្រាវនេះអាចត្រួសត្រាយផ្លូវ ដើម្បីរកឲ្យឃើញថ្នាំក្នុងពេលអនាគត សម្រាប់ព្យាបាលជំងឺសរសៃឈាមខួរក្បាល និងសរសៃប្រសាទ។
អ្នកស្រាវជ្រាវមកពីវិទ្យាស្ថាន Neuroscience and Medicine ប្រទេសអាល្លឺម៉ង់ បានសិក្សាពីប្រសិទ្ធភាពសារធាតុក្នុងរមៀត។ ការពិសោធន៍បានធ្វើឡើងលើសត្វកណ្ដុរ។ ពេលចាក់សារធាតុនេះចូល គេឃើញថាកោសិកាប្រសាទលូតលាស់ ហើយមានភាពសកម្មច្រើន។ អ្នកស្រាវជ្រាវបង្ហាញទៀតថា សារធាតុនេះអាចធ្វើឱ្យកោសិកាលូតលាស់បាន។
ទោះបីជាយ៉ាងណា លោកវេជ្ជបណ្ឌិត Laura Phipps នៃមន្ទីរស្រាវជ្រាវសប្បុរសធម៌ Alzheimer ប្រទេសអង់គ្លេសថា” វាមិនច្បាស់ថាលទ្ធផលនៃការស្រាវជ្រាវនេះ អាចជួយព្យាបាលឬធ្វើឱ្យកោសិការបស់មនុស្ស លូតលាស់នោះ”។
“ពួកយើងត្រូវមើលលើការសិក្សាបន្ថែម ដើម្បីបំពេញការយល់ដឹងនៃប្រសិទ្ធភាពសារធាតុនេះ ក្នុងបរិបទជំងឺស្មុគស្មាញដូចជំងឺលោក Alzheimer ហើយដោយសារចង់បានប្រយោជន៍មនុស្សមិនគួរស្តុករមាតទុកដើម្បីធ្វើ គ្រឿងទេសទេ”។ លោកវេជ្ជបណ្ឌិត Laura Phipps បន្ថែម។
ការសិក្សាផ្សេងទៀតរកឃើញថា រមៀតមានសារធាតុសំខាន់ពីរផ្សេងទៀត។ ទីមួយជួយបញ្ចុះកម្ដៅរាងកាយនិងទីពីរការពារជំងឺមហារីក៕
ប្រែសម្រួល៖ អ៊ុំ សុភក្តិ
ប្រភព៖ BBC
ការសិក្សារបស់អាល្លឺម៉ង់រកឃើញថា សារធាតុក្នុងរមៀតអាចធ្វើឱ្យកោសិកាសរសៃប្រសាទលូតលាស់។ អ្នកវិទ្យាសាស្ត្រនិយាយថា ការស្រាវជ្រាវនេះអាចត្រួសត្រាយផ្លូវ ដើម្បីរកឲ្យឃើញថ្នាំក្នុងពេលអនាគត សម្រាប់ព្យាបាលជំងឺសរសៃឈាមខួរក្បាល និងសរសៃប្រសាទ។
អ្នកស្រាវជ្រាវមកពីវិទ្យាស្ថាន Neuroscience and Medicine ប្រទេសអាល្លឺម៉ង់ បានសិក្សាពីប្រសិទ្ធភាពសារធាតុក្នុងរមៀត។ ការពិសោធន៍បានធ្វើឡើងលើសត្វកណ្ដុរ។ ពេលចាក់សារធាតុនេះចូល គេឃើញថាកោសិកាប្រសាទលូតលាស់ ហើយមានភាពសកម្មច្រើន។ អ្នកស្រាវជ្រាវបង្ហាញទៀតថា សារធាតុនេះអាចធ្វើឱ្យកោសិកាលូតលាស់បាន។
ទោះបីជាយ៉ាងណា លោកវេជ្ជបណ្ឌិត Laura Phipps នៃមន្ទីរស្រាវជ្រាវសប្បុរសធម៌ Alzheimer ប្រទេសអង់គ្លេសថា” វាមិនច្បាស់ថាលទ្ធផលនៃការស្រាវជ្រាវនេះ អាចជួយព្យាបាលឬធ្វើឱ្យកោសិការបស់មនុស្ស លូតលាស់នោះ”។
“ពួកយើងត្រូវមើលលើការសិក្សាបន្ថែម ដើម្បីបំពេញការយល់ដឹងនៃប្រសិទ្ធភាពសារធាតុនេះ ក្នុងបរិបទជំងឺស្មុគស្មាញដូចជំងឺលោក Alzheimer ហើយដោយសារចង់បានប្រយោជន៍មនុស្សមិនគួរស្តុករមាតទុកដើម្បីធ្វើ គ្រឿងទេសទេ”។ លោកវេជ្ជបណ្ឌិត Laura Phipps បន្ថែម។
ការសិក្សាផ្សេងទៀតរកឃើញថា រមៀតមានសារធាតុសំខាន់ពីរផ្សេងទៀត។ ទីមួយជួយបញ្ចុះកម្ដៅរាងកាយនិងទីពីរការពារជំងឺមហារីក៕
ប្រែសម្រួល៖ អ៊ុំ សុភក្តិ
ប្រភព៖ BBC
