លទ្ឋផលនៃកិច្ច ប្រជុំលើកទី៤៥ នៃក្រុមប្រឹក្សាជាតិ ស.ប.ព ថ្ងៃទី២៦ ខែកញ្ញា
រាជធានីភ្នំពេញ៖ អង្គភាពប្រឆាំងអំពើពុករលួយ (ស.ប.ព) បានសេចក្ដីជូនដំណឹង ស្ដីពី កិច្ចប្រជុំលើកទី៤៥ នៃក្រុមប្រឹក្សាជាតិប្រឆាំងអំពើពុករលួយ កាលពីថ្ងៃទី២៦ ខែកញ្ញា ឆ្នាំ២០១៤។ក្រុមប្រឹក្សាជាតិ ស.ប.ព បានសម្រេចយកនីតិវិធីរឹបអូសទ្រព្យសម្បត្តិទណ្ឌិត ដែលប្រព្រឹត្តអំពើពុករលួយ ក្រោយសាលក្រមចូលជាស្ថាពរ។
តាមសេចក្ដីជូនដំណឹង បានឲ្យដឹងថា អង្គភាព ស.ប.ព បានចាត់តាំងកិច្ចប្រជុំពិភាក្សាពីនីតិវិធីរឹបអូសទ្រព្យសម្បត្តិទណ្ឌិតប្រព្រឹត្តអំពើពុករលួយ ក្រោយសាលក្រមចូលជាស្ថាពរ ដោយបានពិគ្រោះយោបល់ជាមួយប្រធានតុលាការ ព្រះរាជអាជ្ញា ប្រធានមន្ទីររៀបចំដែនដី នគរូបនីយកម្ម សំណង់ និងសូរិយោដី រាជធានីភ្នំពេញ-ខេត្តកំពង់ចាម-បន្ទាយមានជ័យ-ខេត្តបាត់ដំបង និងគម្រោងទាំង ៣ ផ្នែក នៃក្រសួងសេដ្ឋកិច្ច និងហិរញ្ញវត្ថុ៕
ប្រភពពី Free Press Magazine
