ទូរសព្ទ​ត្រកូល Nexus ជំនាន់​ថ្មី (Nexus 6) កំពុង​ស្ថិត​ក្នុង​ដំណើរការ​ធ្វើ​តេស្ដ​សាកល្បង​ពី​សំណាក់​Motorola និង​ក្រុម​បច្ចេកទេស​Android (Google)។ សារព័ត៌មាន​អន្តរជាតិ​ធំៗ​ជាច្រើន​អះអាង​ថា ទន្ទឹម​នឹង​ព័ត៌មាន​ដែល Nexus 6 ស្ថិត​ក្នុង​ដំណាក់កាល​ធ្វើ​ពិសោធន៍ មាន​ឈ្មោះ​ពេញ​ថា Motorola Shamu aka Nexus 6 ទំនង​ជា​បំពាក់​អេក្រង់​QHD ទំហំ ៥,២អ៊ីញ។ ដោយ​ឡែក​សម្រាប់​ប្រព័ន្ធ​ប្រតិបត្តិការ​វិញ Google នឹង​បំពាក់​Android OS ជំនាន់​ L (Android L)។អាន៖ Google បង្កប់​ខ្សែ​កាប​អុបទិក​ក្រោម​បាត​សមុទ្រ​​​​ល្បឿន​​អ៊ីនធឺណិត​ដល់​ទៅ ៦០Tb ក្នុង​មួយ​វិនាទី
ប្រភព ​ដដែល​បន្ត​ថា អេក្រង់​របស់​Nexus 6 ធំ​ជាង​Nexus ជំនាន់​មុនដែល​Google សហការ​ជាមួយ​LG ត្រៀម​លេច​មុខមាត់​នេះ មាន​កម្រិត​ច្បាស់​រហូត​ដល់ 2392×1440 pixels (QHD) និង​ប្រើប្រាស់​Chip ប្រភេទ​Snapdragon 801។
Google បាន​ដើរ​សហការ​ជាមួយ​បណ្ដា​ក្រុមហ៊ុន​ជា​ដៃ​គូ​ជា​ច្រើន ទម្រាំ​ឈាន​ដល់​ទិញ​បាន​ក្រុមហ៊ុន​ក្ស័យ​ធុន Motorola កាលពី​ខែ​ឧសភា ២០១២ ក្នុង​តម្លៃ​ទឹកប្រាក់ ១២,៥ពាន់​លាន​ដុល្លារ លំអិត…។
ជំនាន់​របស់​ត្រកូល​Nexus៖
-ជំនាន់​ទី​១៖ Nexus One សហការ​ជាមួយ HTC ចេញ​កាល​ពី​ខែ​មករា ២០១០
-ជំនាន់​ទី​២៖ Neuxs S សហការ​ជាមួយ Samsung ចេញ​កាល​ពី​ខែ​ធ្នូ ២០១០
-ជំនាន់​ទី​៣៖ Galaxy Nexus សហការ​ជាមួយ Samsung ចេញ​កាល​ពី​ខែ​វិច្ឆិកា ២០១១
-ជំនាន់​ទី​៤៖ Nexus 4 សហការ​ជាមួយ LG ចេញ​កាល​ពី​ខែ​វិច្ឆិកា ២០១២
-ជំនាន់​ទី​៥៖ Nexus 5 សហការ​ជាមួយ LG ចេញ​កាល​ពី​ខែ​តុលា ២០១៣ (តម្លៃ​លើ​ទីផ្សារ​បច្ចុប្បន្ន​តាមហាង​នានា ប្រហែល ៤៨០​ដុល្លារ​អាមេរិក)
- ជំនាន់​ទី​៦៖ Motorola Shamu aka Nexus 6
ទោះ ​បី​ជា​ព័ត៌មាន​ខ្លះ​លេច​ចេញ​ដូច្នេះ​ក្ដី នៅ​មិន​ទាន់​មាន​ប្រភព​ណា​ទាន់​បញ្ជាក់​ពី​កាល​បរិច្ឆេទ​ចេញ​វាយលុក​ទីផ្សារ និង​តម្លៃ​ប្រហាក់ប្រហែល​នៅ​ឡើយ​ទេ។ ប៉ុន្តែកន្លង​មក Nexus ទាំង​អស់​តែង​បញ្ចប់​សង្វាក់ ផលិតកម្ម​ចុង​ឆ្នាំ (ចន្លោះ​ពី​ខែ តុលា ទៅ​ខែ ធ្នូ)។
ដោយ៖ ខ្លាឃ្មុំតូច
ប្រភព៖ ibtimes​; wikipedia​